洋蔥頭
版主
我是洋蔥頭
呢幾日向屋企執野...
橫掂無無聊聊...
見到以前買返黎既玩...
就同佢地影下相啦...
雖然我既玩具唔係多...
但係由於太亂喇...
執左成晚都未執哂...
好...閒話休題...
即刻去片...
查看詳細資料
TOP
呢個係我貪得意買返黎既...
唔好以為我真係A型血呀...
呢一個係bandia出既血型星座公仔...
有唔同既機體代表唔同既血型同星座...
大家又估下呢個係乜野機體???
(呢一篇係一年戰爭篇黎既...)
登登登櫈...
原來呢個係大名鼎鼎既太空坦克...
日本人好信呢個星座同血型既占卜架...
每期既電擊HOBBY都會跟埋個占卜結果比你既...
好可惜...同D玩具影完相...
就要將佢地包好PACK箱收好...
因為屋企無咁多地方同位置比我放玩具...
又要將坦克收埋入櫃囉...
咦...呢個係乜黎架???
原來呢個係2002年...
我老婆仔買比我既生日禮物黎既...
幪面超人樽蓋...
嘩...買左咁多年我都唔捨得拆呀...
一來無位放...二來怕封塵...
不過既然係咁...
咁我就為大家開封...
獻上佢地既第一次啦...
呼...拆左咁耐...
終於都拆開哂D膠袋...
呢個時候...梗係影張全家福先啦...
影完幪面超人樽蓋...
又要將佢地PACK好收埋喇...
跟住落黎...
要趕住出場既就係...中文版電擊HOBBY贈送既...
限定版占卜公仔一個...
講起我都唔捨得拆呀...
仲有個背面...
打開個盒...入面原來得咁少野...
真係雷聲大雨點小...
係高達境品一盒...
原先係有聯邦同自護軍組成一套...
前後好似係總共四盒...
可惜另外兩盒比車輾爛哂...
渣都無得淨...
比個側面...背面同入面大家睇下...
佢入面仲有本書添架...講解聯邦軍既兵器...
向我煩惱緊將D玩具點樣包同放向邊既時候...
竟然比我搵到呢盒紀念品...
係就殘左D...都放左向櫃好多年囉...
我記得係當年仲玩緊PS年代既...
超級英雄作戰~基連之野望既週邊產品之一...
係我表弟唔要送左比我...
整個背面同入面比大家睇下先...
好難得佢地先可以重見天日...
梗係要將佢地攞出黎影下相啦...
好...首先登場既就係電腦奇俠...
芳齡36歲...(1972年既特攝片)
跟住登場既就係日本好出名既巨大英雄...
超人吉田喇...一出場就整招十字死光你嘆下先...
再黎...就係日本另一位著名英雄...
幪面超人舊一號...
佢一身健碩既身材...有型既姿勢...
簡直係風靡一眾少男少女呀...
又係超人家族中人氣最高既另一員...
七星俠...
終於都到佢登場喇...
一身金屬既盔甲...手握長劍...
佢就係宇宙刑事卡邦...
最後要登場既就係比較新既...
亦都係呢隻GAME既主角...
超人佳亞V2...
到左最後當然要有張全家福啦...
好...暫時POST住咁多先...
遲D再POST埋其他相...
I Want To Believe
原帖由 聰洛多薩比 於 31-3-2008 19:36 發表 整個背面同入面比大家睇下先... 好難得佢地先可以重見天日... 梗係要將佢地攞出黎影下相啦...
超級英雄大作戰 , 呢個RPG真係好玩,
但隔左咁多年都唔出續習真係可惜.
原帖由 綠寶210 於 31-3-2008 23:11 發表 超級英雄大作戰 , 呢個RPG真係好玩, 但隔左咁多年都唔出續習真係可惜.
隻遊戲我而家都間唔中有玩下...
好可惜就係張save咭死左...
好多save都無左...唉...
原帖由 聰洛多薩比 於 31-3-2008 23:24 發表 隻遊戲我而家都間唔中有玩下... 好可惜就係張save咭死左... 好多save都無左...唉...
可以試吓用電腦模擬器玩, 好多舊GAME都得，
以前用 Bleem! 最正， 但咁多年後似乎有更好模擬器了。
http://www.emulator-zone.com/doc.php/psx/
但我有一隻三一萬能俠ＧＡＭＥ就係唔得。
