發新話題
打印

台灣真人版

TOP

其實,依套"新七龍珠"係台灣1991年既出品,相信有好多人都知道有依套戲,但真正睇過既人應該唔多.大家放心,一定唔會悶親大家,依套戲既驚喜,真係睇到你地O晒嘴。

 

唔阻大家時間............請大家收睇"新七龍珠"

Opening充滿陣陣台灣味,有龍又有珠,就係七龍珠

好久耐之前,泰國一條村入面,一班村民正朝住一座佛寺既方向進發,究竟有咩分呢?

1星龍珠出場,片中既道具,其實都幾製作認真,睇下粒龍珠幾透............

依條女係村長個女叫珍珍(李宜娟),佢拎住粒龍珠做咩呢?

珍珍將龍珠交俾法師,法師再將龍珠交俾村長,因為村長先可以保管龍珠,佢地進行交接儀式...............

村民知道村長拎左龍珠之後,開心到出晒水.....................突然間....................

咩黎架................飛船幾隻!!! 片中動用大量電腦動畫,絕對係有錢之作..............

村長伉儷聽到出面嘈住晒..............即係睇下發生咩事..............出面已經..................

飛船大肆破壞,炸得就炸,所有村民周圍咁走。戲中既老臨可能仲會多過"投名狀"d士兵,因為真係多到你唔信................

村長:「go..........go.............go..................」

村長見出面太混亂,叫村民快d走,佢自己就要誓死保護龍珠................

村民一堆:「快d走..........唔好抖..........沙嘩d卡...............呀................呀!!!」

未來戰士泰國版...............做士兵既人數同村民人數係一樣咁多,保守估計,每場老臨人數最少過5千,仲未計扮士兵個D,唔似電腦特技,應該真係有咁多人。依場村民既逃亡場面(成5min),爆破場面可謂非常多,場面都非常浩大,真係最少有過萬既老臨同場出現,製作其實相當之認真,好明顯係有野心想賣埠之作...............

村長同一眾高僧一齊誦經.............保護龍珠...............

飛船係寺院上空降落..............大粒野出場.........................

村長:「沙嘩d卡...........仆你個街...........你邊x個呀? .......搞串我個party...........」

......................................大粒野一步一步.......................蒲頭...........

TOP

嘩...................好強勁既特技化妝...........遠睇好似都見得下人,近睇求其到嚇死你,其實依位演員只係笠住個臭膠面具,仲成日移位添,咁大製作,就咪鬼咁求其啦!!!

左起:斯巴達(江龍昇)、牛魔王(係.........佢就係牛魔王)、瑪利亞(歐蘭英)

牛魔王(蘇阮峰)見到村長,沙嘩d卡都唔講,就講明要佢粒龍珠,咩優厚條件都無,村長就梗係唔俾啦!!!

村長:「沙嘩d卡............仆你個街.............唔諗俾.............」

村長一出聲話要保護龍珠,所有高僧即時圍成一個大圈,企圖送村長出寺院,點知............村長全程都舉高隻手揸住粒珠,就算碌落樓梯都死都唔放...........勁!!!

牛魔王見到依班野走黎走去,明顯唔耐煩,所以又係沙嘩d卡都唔講,就一野收晒佢地皮.......................

..............................全部死晒...............仲揸實粒珠.............勁!!!

點解有兩粒既,牛魔王本身有一粒3星龍珠,村長個粒就係1星,佢集齊d龍珠,都係d老土願望想統治全世界..................

村長將佢依個咁宏大既願望,講俾佢d手下聽...........聽到個個O晒嘴.............佢仲講有一粒龍珠係東方,命斯巴達同瑪利亞即刻搶佢返黎............

依位牛魔王既肢體動作,勁過詹瑞文9倍之多,誇張都不得了

.................遙遠既東方..............一個森林入面.........................

4星龍珠出場,都仲係咁透..................

嘩...............邊位呀!!! 戴眼睛個位係孫悟飯(孫悟飯!?),隔離個位就梗係悟空啦!!! 孫悟飯(金塗)同悟空(陳子強)講就算無左條命,都要保護粒龍珠..........先唔好講演員造型,道具場景依套戲真係幾做得出卡通味,仲有戲中既所有場景,孫悟空間屋同龜仙人個竇,都係特登起出黎(起??? 咁重本,因為我唔相信,現實會有一d咁怪既屋出現)。

兩爺孫講完一輪耶穌,跟住就突然間話要鬥一鬥武功,又咁樣去左5min,依場戲動用大量威也特技...............都算有d水準既...............

第一回合 - 孫悟飯輸左....................

第二回合開始.....................好兇猛下喎!!! 大家留意下間屋,係荒山野嶺,邊會突然有間咁怪既屋,所以應該係起出黎,唔係好簡陋個d搭出黎既屋仔................

佢地鬥d咩呢................1.............2.............3......................

就係玩咩.......變變變.............變咩大象河馬猩猩...............唉!!!

今次孫悟飯贏,不過佢有d肚餓,叫悟空去搵食物返黎.................

究竟悟空去搵d咩返黎,俾悟飯食呢???

TOP

悟空千辛萬苦,都終於搵到條鱷魚俾亞爺孫悟飯食......依一幕拍得幾有卡通味.....

龍珠雷達登場,邊個揸住個雷達呢???

就咁睇個樣都幾甜,邊位呀!!! ㄚ頭(謝金燕)出場(下!!! 咩頭呀!!! 即係莊子........)

莊子(希望台灣BLOG友唔好介意,我驚講D咩頭,佢地唔知我講邊位呀!!!)偵測到龍珠既位置好開心.............點知...............

佢見到斯巴達同瑪利亞,向住佢偵測到既龍珠方向進發,其實依個方向就係悟空屋企,兩位既出現,嚇到莊子標晒水.............

莊子都即係追上前,睇下佢地去邊...........點知....................

莊子開得太快...........爭D撞瓜悟空...........爭左未講粗口............

悟空見到莊子架車以為係怪物,見到莊子係架車入面出黎,仲想用佢碌野扑佢,莊子驚起上黎,就用鎗射悟空,悟空刀槍不入,當然無事喇! 不過就嚇到莊子O晒嘴...............

依幕莊子同悟空解釋男人同女人既分別,依幕都講成3分幾鐘.........好野好野!!!

5星龍珠出場..........莊子都有一粒5星珠,都係咁透...................

悟空見莊子有粒5星珠,同佢講自己都有粒4星珠,莊子將頭先偵測到既龍珠方向,同斯巴達瑪利亞去緊個個方向既事,話俾悟空知,悟空就講個個方向就係佢屋企............

鏡頭一轉...........悟飯FEEL到D野..........................

出去睇下先.................點知.......................

......................射佢老母......................蕉蕉.............蕉.........蕉..................

.............................老野...............出黎................................

悟空聽到莊子講完之後,心到寒晒.......驚亞爺同龍珠不保,開行tubo返屋企......

悟空:「...........亞爺......................」

TOP

點解會坐大象既??? 因為之前莊子架車俾斯巴達射爆左,所以唯有坐住隻象先.......突然佢地聽到有人嗌救命...........究竟有咩事呢???

...............依..................珍珍喎...............走得咁快..........佢急屎呀!!!

珍珍見到咩咁驚呢???

嘩..........你又邊位呀!!! 八戒登場(咩八戒呀!!! 烏龍呀.......),佢見到珍珍咁索,想娶佢做老婆,不過要洞房先...............

情況非常危急,好在悟空出拳打救佢................

烏龍(胖三)當場暈左.............................

烏龍求悟空唔好再打佢..............佢話為表誠意,要表演d野等大家開心下..........

烏龍:「我變...........我變...........我變變變...........」以上為電影真實對白

一縷輕煙之後...................以下內容可能會令人嚴重情緒不安,敬請留意!!!

1號佳麗...............大隻過我.............嘩.................

2號佳麗...............佢係梅............梅...............梅................

3456號佳麗..............聰明既你地,應該知道佢唱緊歌,不過唱緊咩呢? 你地一世都諗唔到,係"明天會更好"...........係..........真係................唉..............

珍珍:「佢地唱得好好呀...............」
悟空:「嘩............d女幾索喎!!!」
莊子:「全部都係泰國"有柄"特產黎架!!!............索...........挑.........」
悟空:「正呀..............我最like玩棍...........」

再加兩個沙嘩d卡..............................仲唱緊....................

唉!!! 爛野開始現形喇!!! 依幕人妖show咁又無左6min喇!!! 依位半男半女打扮既,相信大家都知佢會點表演,我就唔多介紹喇!!!

烏龍個樣咁得戚..........因為佢已經打左悟空一拳喇!!! 佢其實係用表演為名.......打悟空為實..........睇完依度...........真係無聊到爆,不過烏龍既戲份仲未完架!!!

TOP

烏龍打完悟空一拳之後,見悟空發嬲,烏龍即變蝙蝠走佬................

悟空梗係唔會放佢走.............搏晒命追住黎打啦!!!

打到烏龍變返真身...............

烏龍同悟空講,自己係豬八戒第90幾代傳人,悟空亦話自己都係孫悟空第90幾代人傳人,烏龍就話大家既然都係師兄弟就無謂再打喇! 點知...................

佢地見到d咩呢?

.............嘩................好曬呀!!!..........................

佢又係乜水呀!!! 樂平登場(又咩樂平呀! 阿樂羅........隔離既係..........烏兒呢?! 依隻當住係先啦! 下..............)

依個樂平都係做賊既,佢叫悟空烏龍二人拎晒d錢出黎,唔係就殺死佢地..........

悟空見佢咁串,就梗係話要同佢較量下啦...............

阿樂:「...................射x死你.............」

悟空:「我擋...........我擋...........我擋擋擋...................」

阿樂:「好x勁咁...............咁.............我要出野喇!!! 」

阿樂見悟空子彈都擋得住,決定除左件披,用最華麗既劍,黎個決鬥..............

強勁威也特技.......................

........輕功上壁..........................

擺個post又打一陣............................

.....................再..................輕功落壁............停停停!!! 武俠片呀!!! 老細..............

依段悟空決戰亞樂,古裝武俠片味好重,不過都算幾精彩既..............

拳對拳..............................

掌對掌.....................................跟住會係點呢?

TOP

掌對掌之後.............竟然係插鼻.........大家互插依個鏡頭維持左成分鐘,真係無聊到不得了.................

亞樂(鄭同村)見到咩咁驚? 停晒唔插鼻住.................咪就係見到莊子羅.......................

莊子本來係搵悟空,不過見到亞樂咁靚仔(完全係莊子個人意見),即時起晒水望住亞樂,搞到天生怕女人既亞樂............驚到縮晒...................

莊子行近少少............就即刻嚇到亞樂飛左落街................

..................定神中.........................................

莊子同珍珍好心問亞樂有無跌親..............嚇到亞樂走都走唔切.................

莊子:「...........佢好靚仔.............我已經愛上左佢喇!」
珍珍:「姐姐..............妳真係有"品味"..........」

莊子對珍珍講,第一眼見到亞樂就已經愛上左佢,搞到珍珍O晒嘴..............

當晚佢地研究緊,點先可以搵齊d龍珠,幫珍珍實現佢復村既願望,但烏龍話牛魔王咁勁,要搵龜仙先得。不過烏龍又懶神秘唔肯講,係要俾人剷到甩毛先肯講........真係賤命.........

原來亞樂一直都跟住佢地........佢聽到原來集齊龍珠之後,係可以實現願望,即刻雞咁腳走.............去邊呢?

瑪利亞一直都聽晒佢地既對話...........佢會..........咁大個人企係度佢地都睇唔到,全部人明顯白內障上腦.............唉.....................

亞樂做緊咩呀!!! ..............起緊自己副骨???

6星龍珠出場.............亞樂將之前偷人地既龍珠,據為己有仲埋左佢當寶...........

亞樂希望集齊龍珠之後,所有金銀珠寶名利地位樣樣都唔要,只希望以後唔駛再怕女人...........就係咁簡單...................

佢隻鸚鵡聽完都話佢傻瓜...................

鸚鵡:「on9.............on9.............on9.............on9.............on9.............on9.............」

拎完粒珠,即刻去搵龜仙..........亞樂行動真係非常快,快過快艇.................

另一方面,斯巴達將瑪利亞既最新情報話俾牛魔王聽,講悟空等人身上均有龍珠,仲去緊龜仙度.............牛魔王命斯巴達去幫瑪利亞拖...........

龜仙人間屋同漫畫當然唔算百分百似,不過感覺好有漫畫味,同真係起得幾靚,入面有齊所有家具,算係幾認真架喇!!! .........

龜仙人個............背脊登場...................

TOP

龜仙人(林光榮)登場,依位演員同漫畫造型可謂相當似,唔止外型,表情同動作都幾學足原著,算係全片最大既驚喜..............

依幕講龜仙人一早起身,諗住call筋斗雲載佢搵靚女開心下,點知龜仙人只係可以好型咁企上去,但就飛唔起..............

套戲講筋斗雲係龜仙人精練出黎既,不過就成日唔聽佢支笛,戲中設定筋斗雲只會俾誠實同無歪念既人坐,龜仙人諗住坐佢去搵女,就梗係唔so佢啦! 俾佢上面企下已經算俾面..............

......................話口未完..............即刻跌返落黎.......................

龜仙人:「...............你...........老母啦!...............」

龜仙人見到d咩呢?

原來見到阿樂.................阿樂終於黎到龜仙人屋企..................

龜仙人以為阿樂想偷佢筋斗雲,所以就出手過兩招先..................

打左一陣,阿樂講大話,好仰慕龜仙人武功高強,想拜佢為師。又話悟空班人黎緊,要搵佢隻揪.............其實阿樂想係混亂期間偷晒佢地d龍珠....................

悟空等人終於都就到龜仙人屋企............雖然仲有19幾里先到...........

莊子咩事擺出一副臭臉呢?

原來龜仙人鍾意玩腳...........佢一見到莊子,成個人硬晒,覺得佢又索又性感..........正過Angelababy同陳法拉9倍之多(以上全屬龜仙人個人立場,與本人完全無關),仲好想揸佢對..................腳.......................

因為阿樂匿埋左,龜仙人唔知邊個想同佢隻揪,所以周圍指,因為佢覺得一定唔會係珍珍同莊子,佢又覺得烏龍功夫應該好屎,所以就一口咬定悟空想同佢隻揪,但悟空都唔知佢講乜春............所以.............

莊子同龜仙人表明來意之後.............龜仙人講話阿樂咁樣同佢講,佢先會誤會.........

莊子係龜仙人牀下底搵到阿樂...........佢見到莊子即係標出門口..............

龜仙人:「阿樂.............咁x多人...........邊個想同我隻揪...........快d講...........」

阿樂同龜仙人講係悟空想同佢隻揪,悟空一聽到即時扯火..........又打一陣..........

龜仙人見阿樂都仲未肯講真話..........所以龜仙人決定..............call筋斗雲出黎........

龜仙人叫阿樂同悟空先後上筋斗雲,如果無跌落黎即係無講大話,阿樂連上到上唔到筋斗雲,悟空唔單止上到去,仲可以輕鬆地坐筋斗雲環島遊一番..........

龜仙人知道悟空無講大話,筋斗雲又咁聽佢話,決定送筋斗雲俾悟空...........

悟空叫筋斗雲走先,要用時再call佢,筋斗雲即刻示意ok就走左,龜仙人見到筋斗雲竟然咁聽悟空話,真係激到氣管逐條逐條爆................

阿樂亦將事實同自己有6星珠既事,全部講俾龜仙人聽..............

TOP

阿樂講出自己有龍珠後,龜仙人希望佢可以交出黎,幫珍珍實現願望,初時阿樂唔想俾,仲想走...........不過最後都將粒6星珠交俾龜仙人............

莊子見阿樂咁乖,肯交粒龍珠出黎,所以就錫左阿樂一啖...........之後...............

......................阿樂當場冧晒......................隻眼好似老虎機一樣............正到不得了

....................都係走都走唔切.............................

莊子:「.......阿樂........阿樂.............你個冚家拎...........走咁快把輪呀!!!」

龜仙人講就算牛魔王搵齊6粒龍珠都無用,因為都要有佢個粒先可以call神龍........

龜仙人:「我都有粒2星龍珠...............睇下幾透..................」

莊子希望龜仙人可以送粒2星珠俾佢地,但龜仙人竟然要講條件,佢見阿樂拎粒珠出黎就有得錫錫,龜仙人當然都想啦!!! 不過佢既條件就加左碼........就係

龜仙人:「俾粒龍珠妳(指住莊子)係無問題,不過我要睇妳全裸既身體,妳意思點(莊子考慮中),好..........打個折扣,睇上身ok...............」
莊子:「好...........俾2min我」

以上均為真實對白

莊子就梗係無咁蝕啦! 佢諗到叫烏龍扮佢除衫俾龜仙人睇,依招果然絕.............

嘩................烏龍擺明有心玩野,話已經變得好似.............不過佢見悟空等人反應冷淡,為有再變多次..........................

今次明顯變身成功,胸部發育情況明顯比原版好19幾倍...................

烏龍既前奏功夫,真係做到足,又跳老舞又請食波餅再黎過挑情眼神解衫鈕,睇到龜仙人扯晒.......................扯晒.......................氣...................

龜仙人:「...............快d除.............快d..................除完俾粒珠妳...............除...........」

龜仙人:「正呀............................................................」

烏龍:「....................得左........................」

莊子仲想問埋最後一粒7星珠既下落,不過龜仙人仲係興奮到出唔到聲.............

斯巴達同瑪利亞殺到.......................

...............................佢地保唔保護到個3粒龍珠呢?

TOP

各位腦海中請即播起"未來戰士"音樂...............唔該!!!

斯巴達同瑪利亞最後一次同場演出......................

.................起得咁靚..............一聲"銀芽"又無左,見唔見到有塊野係地下,個塊係龜仙人個殼,終於佢都high完.........避難中.....................

由於情況非常混亂,龜仙人叫悟空等人坐筋斗雲走先............莊子手持個3粒龍珠都俾瑪利亞搶左...............

龜仙人拎住支拐杖"發發"下做咩?

..................蕉......................蕉.................斯巴達完全佔下風..............好在........

瑪利亞及時出現,話俾斯巴達已經搶左龍珠,可以收工,斯巴達即係call飛船黎......

瑪利亞:「我已經搶x左3粒龍珠,可以收工...............」
斯巴達:「..............好呀..............個老野好勁................唔快d走真係妳"聽"執我骨都得喇!...............飛船................飛船.................help.............」
瑪利亞:「.....................」

龜仙人見佢地想走,想阻止但都唔成功...................

.....................龜仙人向飛船方向..................向天射多野...............好勁既光線............

..................................射中其他飛船....................

斯巴達個隻仲係度................仲向住龜仙人方向射.................龜仙人死唔死得呢?

成間屋爆晒.....................銀芽..................銀芽................................

6粒龍珠齊集,只剩粒7星珠......................

牛魔王覺得最後一粒龍珠,一定仲係悟空班人度,不過佢知悟空班人只要手上真係有最後一粒龍珠,一定會自動送上門............叫斯巴達唔駛再搵佢地............

悟空等人亦安全集合,阿樂一直擔心粒龍珠,知道俾人搶左,決定加入佢地對抗牛魔王,佢地開緊會研究最後一粒龍珠係邊,烏龍突然鬼鼠行開...............

7星珠出場..................烏龍唔係唔想俾佢地,只係佢師父都曾經同佢講過,一俾人見到龍珠就會俾人搶,所以唔好隨便拎出黎,佢考慮緊交唔交粒龍珠出黎.........

烏龍最後都將龍珠交俾佢地......................之後決定搵牛魔王講數...................

牛魔王:「.............我...............FEEL到d唔老黎野..................」
斯巴達:「..........下............我唔想死呀..................大王.....................help!!!」

........................咩事................咩事...............恐怖襲擊!?!?

烏龍RAMBO上身..............狀態大勇............................

TOP

下....................瑪利亞死左.................點死架!!! ..........咁煩架...........回帶自己睇............

..........................呀............................呀................................

邊條仆街開鎗.....................

烏龍:「仆街??? Yes, i am..............」

瑪利亞死,斯巴達都唔擺得好耐............................

龜仙人本來諗住同斯巴達黎個隻揪..............點知...................

兩人混戰期間.................莊子向斯巴達開左一鎗..........(咪住!!!龜仙人同莊子好似換左套衫喎!!! 邊度突然有新衫換呢???)

一鎗就可以射到斯巴達全身爆炸...............勁......................

作為外星戰士既斯巴達同瑪利亞,竟然可以用鎗就射得死,真係兒戲到不得了......

牛魔王用孫悟飯威脅佢地交埋最後一粒龍珠出黎............如果唔係就殺死佢............

孫悟飯重傷中..............................

龜仙人力抗牛魔王一陣.......................

牛魔王出絕招喇!.................咩絕招................"勾魂大法".............................

牛魔王將全村死去既村民靈魂call出黎..............要佢地殺死悟空班人....................

依招"勾魂大法"真係氣氛營造唔錯,鏡頭畫面全藍色,的確都FEEL到幾陰森既。點解要有"勾魂大法"出現? 一陣你地就知.................

悟飯講牛魔王已經將其餘6粒龍珠吞晒落肚................龜仙人就諗到將最後一粒龍珠塞入牛魔王個口入面,要佢吞落肚等7粒龍珠會合,然後牛魔王就會爆炸而死........

依幕有D矛盾,牛魔王吞晒6粒龍珠,如果佢真係成功拎到第7粒龍珠,咁點會合先,吞落肚??? 神龍係佢身入面標出黎,佢都死啦!!! 邊個講願望..........佢只有兩個方法拎返其餘6粒龍珠出黎,一就係痾出黎,二就係嘔出黎........E.......好核突呀!!!

正邪大戰...................強勁激光動畫....................................

龜仙人:「...............食啦............食啦!!!................」

...................吞晒....................7粒龍珠混合中........................

.......................呀....................我要爆喇!!!.................................

神龍登場,神龍當然幫珍珍完全心願,全村人無事全部復活啦!!! 不過導演為左等大家知道神龍真係有令到D村民復活,所以先有牛魔王叫晒D老臨出黎,再交代悟空破左勾魂大法(依幕無咩特別,所以唔多介紹),令D老臨全部訓底晒!!! 再黎過神龍出現,D老臨係原位企返起身,咁觀眾咪睇到全部村民復活羅...........幾聰明..............呵呵!!!

話時話神龍個樣有無張近D清楚D呢? 有.........不過依條神龍只適合遠觀,近睇真係好核突加求其,就無謂掃大家興喇!!!

老臨仝人:「...............沙嘩D卡..............收工喇!.............沙嘩D..........」

最尾交代,阿樂仲想同悟空決一高下,跟住就打...........劇終..............好在姐

TOP

以上資料,多得以下blog 友.

http://hk.myblog.yahoo.com/donnymak7626

TOP

何止O咀呀...

直頭想死添呀...

 

特攝之家重開了!!!
歡迎各位參觀: 特攝之家

TOP

你好有心機.........

TOP

似泰國真人版多D喎

P.S.女主角好似張曼玉呀

TOP

發新話題