引用:
原帖由 karmapa_khenno 於 8-9-2011 20:16 發表 
校長有D歌80尾到現在都唔HIT，但實際就超級好聽，凌晨一吻就係實例。
有人話刀郎自己演繹披著羊皮的狼好聽，其實倫伯意景同怪怪的咬字較刀郎重到
不過係無人鍾意就無人鍾意
唔......如果講披著羊皮的狼那樣滄桑悽冷的歌, 我又真係覺得刀郎那種聲線會出色D.
阿倫的勁歌我喜歡由夏日寒風, 愛情陷阱, 知心當玩偶這些節奏與歌詞皆都市味重D那些. 神秘感多d的去到例如刺客, 愛你太深類型我覺得他都係駕馭得最好的. 悽冷硬漢型歌曲, 表現最好一次應該係傲骨吧?
講開好聽非常卻不hit的倫歌, 次次演唱會現場選唱環節最唔開心了. 大眾永遠永遠選一生中最愛, 愛的根源, 愛在深秋而捨棄真係倫迷很恨現場再聽的一些, 例如也曾相識, 愛念, 半夢半醒, 情義兩心知, 其實這些當年大hit不已, 不過普通人善忘一些.
最近再聽譚詠麟舊碟, 聽出一些以前我自己都唔多識的好歌, 例如愛念大碟裡的再續無盡愛, 傷心帶笑者. 愛人女神大碟裡的離別酒, Hold On Mary. 仿如尋寶遊戲.
