Hi !
大家好 ! 我都係舊藍田街坊呀 !
我以前住22座架 !
Lsalem師兄您講嘅二樓茶樓仔D粉果的確係好好食 !
果種味道而家真係食唔返LU !
21座辦館門口側邊有老虎機玩 !
我果時好彩起上黎日日贏佢廿蚊架 ! (當時黎講已經算多 ! 個啊婆仲同個仔講我日日都贏咁滯)
如由21座返22座,雞檔差不多係必經之路 ! 日日都好鬼濕及臭 ! (果時仲係用臘青除毛)
渣打銀行就係我人生第一個開銀行戶口 的地方 ! (果時本存摺係米奇老鼠同唐老鴨黎架)
中美就係我老豆每日返工前嘆茶嘅地方,我有時都會跟埋去食沙嗲牛肉湯意粉 !
大約記得十一或十三蚊一碟已經好大碟 !
麵包店就係我一年一度買生日蛋糕的地方 !
雜貨舖我記得其中一間叫田記,對面間士多好似叫林記,有得扭蛋嘅 !
搬左上二樓的炸野應該叫波記 , 搬上去之後有粥賣呢 ! (我响FB同佢個仔吹過兩句)
仲有一個賣雞腳同齋佬 , 差唔多日日拖住個銀色鐵皮箱逐層洗樓式賣小食 !
用把鐵較剪發出响聲為記 ! 等人知到佢黎喇 !
仲有一個豆腐花佬 ! 用擔挑挑住一桶豆腐花及一桶唔記得係唔係碗 !
仲有再早期就有個啊婆上樓逐層賣腸粉架 ! 係大約朝早六七點咁上下啦 !
22同23座之間有個停車場 , 長期擺左架燒爛哂嘅石油汽車 !
一放假其一玩樂嘅地方就係果度扮揸車 !
至於電子分光人師兄所講的大頭細路我都見過佢 ! 佢好似住23座地下的 !
當時只有一段短時間見過佢 , 第一次見佢真係有D驚呢 !
FACEBOOK有個藍田GROUP架 ! 不過近年比李有為霸左黎宣傳自己D政績之後就靜哂了 !
好多謝電子分光人師兄D相 ! 好正 !
