以前D老師通常都好嚴肅好少講笑話,又好少同老師咁close,多數都係講書本野
諗起有個中史阿sir講過既說話, 唔知算唔算係笑話
有次上上下中史堂,有個主任突然開mic宣佈D野啦,攪到阿sir講到一半就停左,
宣佈既內容唔記得係咩la..應該係D唔係咁重要既野定係咩..總之聽完之後可以當冇事發生過
跟住阿sir就開始講野喇..仲要帶點諷刺咁講返果個宣佈點點點......之後竟然仲彈左一句出黎 ''都冇文化既''
攪到個班房氣氛特然間高漲左,成班一路笑一路係咁 ''哦..''佢,咁樣話果個主任
之後果個主任黎上我地堂,一入到黎D同學就係度偷笑,攪到佢要忍唔住叉腰咁問咩事
估唔到D同學一五一十咁話返比個主任聽,連最後果句 ''都冇文化既''都講埋,聽完個主任突左一突,仲好小心咁問返黎確認 ''佢真係咁講?''
得到D同學肯定咁答佢 ''係呀''之後...佢塊面"火農"左....
佢既說話應該唔好笑掛...只係佢既態度...佢一向都有D招積..估唔到會老師話老師...有D意想不到...
