44 123
發新話題
打印

一起走過牛池灣 鑽石山 彩虹 坪石 的日子

一起走過牛池灣 鑽石山 彩虹 坪石 的日子

好多區都有提過. 在此... ...

有冇昔日街坊餅友, 一起分享 ?

TOP

我小時經常在砰石出沒。算半個街坊。

以前砰石邨口廟仔有得飲早茶。有一年大雨水浸幾乎到廟仔屋頂。

啟德大廈有單車租。

軍營經常響槍聲。藍石樓可以清楚看到軍營裡的演習。好似睇戰咁。

照相鋪有賣過李小龍劇照,普通相片大小。

當然不可不提三間賣玩具的。兩間文具舖,一間掛滿玩具的玩具鋪。


TOP

我住大磡村, 好懷念!

TOP

我以前住砰石邨。CKCK講到大水浸,勾起咗我嘅記憶。印象中真係幾乎浸到屋頂。另外,軍營裡邊好似有個泳池,唔知有冇記錯?

引用:
原帖由 CKCK15-6-2014 02:00 發表 我小時經常在砰石出沒。算半個街坊。以前砰石邨口廟仔有得飲早茶。有一年大雨水浸幾乎到廟仔屋頂。啟德大廈有單車租。軍營經常響槍聲。藍石樓可以清楚看到軍營裡的演習。好似睇巷戰咁。照相鋪有賣過李小龍劇照 ...

TOP

係呀,軍營裡有泳池。有街坊入過去游水。


還有另一次水浸,浸過(好像是)彩虹的隊道,水退後發現屍体。

TOP

引用:
原帖由 杜劍龍 於 17-6-2014 17:18 發表 我住大磡村, 好懷念!

係咪 星河明居 前的那遍地,詠藜園 老店的所在處?

TOP

引用:
原帖由 Kendama 於 17-6-2014 23:37 發表 係咪 星河明居 前的那遍地,詠藜園 老店的所在處?

 

詠藜園就是位於現時星河明居的大空地. 塊地空置十幾年, 據聞業權下清, 未能發展.

大概在九七年, 最後一幫襯詠藜園.

TOP

引用:
原帖由 CKCK 於 15-6-2014 02:00 發表 我小時經常在砰石出沒。算半個街坊。以前砰石邨口廟仔有得飲早茶。有一年大雨水浸幾乎到廟仔屋頂。啟德大廈有單車租。軍營經常響槍聲。藍石樓可以清楚看到軍營裡的演習。好似睇巷戰咁。照相鋪有賣過李小龍劇照 ...
坪石對出係"三山國皇廟"香港不太多吧! 以前行晨運會行上山去安置區. 附近有個石油氣站(舖). 近年因坪石改用煤氣而空置了.

 

TOP

引用:
原帖由 kidult 於 17-6-2014 20:16 發表 我以前住砰石邨。CKCK講到大水浸,勾起咗我嘅記憶。印象中真係幾乎浸到屋頂。另外,軍營裡邊好似有個泳池,唔知有冇記錯?

 

彩坪間的墜道常水浸. 水來得好快. 坪石/彩虹/啟業的一條墜道的確因水浸死了人.

TOP

引用:
原帖由 kkeeleung 於 18-6-2014 19:25 發表   詠藜園就是位於現時星河明居的大空地. 塊地空置十幾年, 據聞業權下清, 未能發展. 大概在九七年, 最後一幫襯詠藜園.

Thanks, bro KK ...

TOP

引用:
原帖由 杜劍龍 於 17-6-2014 17:18 發表 我住大磡村, 好懷念!

大磡村被放火三次,始能成功收地,可恥!

TOP

果區係我成長嘅地方,我住坪石住左廿幾三十年,到九幾年搬走左。我細個果時讀坪石天主教小學,未升中學之前嘅活動範圍都係呢區(因為唔使搭車,行路都去到),即是坪石、彩虹、牛池灣、石山果頭啦。

我記得未起地鐵之前嘅牛池灣邨係一大片木屋區,地下係一個好大嘅街市,上面係好多住家。我細個果陣有時跟阿媽行過去買餸,要過一條鐵橋跨過一條超嗅嘅坑渠,有時買完餸會去食碗魚蛋粉、炸魚皮。後來果區清拆起地鐵(約莫1977-1980年),之後先至有依家嘅牛池灣邨(三層高邨屋)同埋牛池灣文娛中心同街市(所以有D老一輩嘅彩坪區街坊叫呢個街市做“新街市”),唯一冇拆到嘅係牛池灣消防局,就快可以申請做歷史建築架喇。以前坪石圖書館(即現在百佳位置)就搬左過去牛池灣文娛中心。魚蛋粉同炸魚皮嘅味道至今難忘,因為從此再食唔到果種味道﹗

仲有“肥仔燒鵝”出曬名﹗起地鐵之前係小販車仔檔,之後喺牛池灣邨企穩陣腳開店。阿肥仔係果區嘅街坊傳訟一時嘅成功例子,係靠勤奮白手興家嘅,D街坊睇住肥仔由單身到娶老婆到生仔,都係靠一檔燒鵝﹗肥仔D燒鵝又好食又唔貴,係好多街坊過時過節嘅“大會指定燒鵝”黎架﹗

起完地鐵之後果區又多左兩條屋邨,即係彩雲同啟業。我地以前有時會舉家出動行上去彩雲果間百佳買野。順利邨就好少去,有D遠。

三山國王我成日會行過,因為自細有乜傷風感冒都會去啟德大廈睇蔡志威(果區一個好有口碑嘅西醫),同埋復活節假期去睇大戲(三山國王寶誕一年一次,好多時都遇到復活節假期),順便去買戲班果D“刀傷止血油”。呢隻油又係寶黎架﹗即時止血止痛﹗依家又係買唔返。以前仔有茶樓,後來比衛生幫告得多執左。

我細個成曰過彩虹邨,有時過去探親戚,有時坪石邨冇檯會過去打乒乓波,有時去排隊買新郵票。當年坪石有兩檔報紙檔,一檔叫“許文記”,一檔叫“誌記”,有時有D公仔書好快賣曬(我睇開上官小強D書),我都會行過去彩虹邨碰下運氣嘅,順便去睇模型(冇錢買睇下都好吖)。

有冇街坊記得以前(約1980前後)喺彩虹交滙處天橋底夜晚有檔車仔雲吞面?有時天時冷我老豆會比錢叫我去買外賣,以前冇發泡膠湯兜果個年代,要自己帶個飯壺去買。一路挽住兜熱棘棘嘅雲吞面冒住寒風行返屋企一路流口水果種感覺,至今難忘﹗有個時期(大約81-85年)天橋底重有檔車仔牛雜同埋一檔雞蛋仔,就喺行去巴士站果條行人路兩邊。

坪石邨後山又係一個好地方(即係藍石樓對上,安置區果個山仔),以前乜都玩一餐,上山捉金絲貓啦、捉金龜子啦(一種甲蟲)......呢座山對於當年D細路真係一個寶庫﹗

寫左咁多,大部份都係同食有關,我發覺我都幾為食。

仲有好多好多回憶.........

有冇人可以寫下中秋節嘅盛況呢?當年中秋節對於我地係好好好大件事黎架﹗﹗﹗

TOP

引用:
原帖由 廣東蠻子 於 29-6-2014 10:53 發表 果區係我成長嘅地方,我住坪石住左廿幾三十年,到九幾年搬走左。我細個果時讀坪石天主教小學,未升中學之前嘅活動範圍都係呢區(因為唔使搭車,行路都去到),即是坪石、彩虹、牛池灣、鑽石山果頭啦。我 ...
 廣東蠻子兄,多來分享呀~很精彩

感謝 bro mythz 為我整這個印章
thank you so much!!

TOP

引用:
原帖由 超人兄弟 於 29-6-2014 12:51 發表  廣東蠻子兄,多來分享呀~很精彩!

 

多謝你呀

我入會入得太遲,所以可能miss左好多同大家交流嘅機會....

近排我執屋執返一堆“古代文物”出黎,所以上黎同大家分享下傾下計啦

TOP

引用:
原帖由 廣東蠻子 於 29-6-2014 13:08 發表  多謝你呀 我入會入得太遲,所以可能miss左好多同大家交流嘅機會....近排我執屋執返一堆“古代文物”出黎,所以上黎同大家分享下傾下計啦
有心唔 ,大把機會

感謝 bro mythz 為我整這個印章
thank you so much!!

TOP

引用:
原帖由 超人兄弟 於 29-6-2014 13:12 發表 有心唔遲 ,大把機會!

 

送張貼紙比你啦

 

TOP

引用:
原帖由 廣東蠻子 於 29-6-2014 10:53 發表 果區係我成長嘅地方,我住坪石住左廿幾三十年,到九幾年搬走左。我細個果時讀坪石天主教小學,未升中學之前嘅活動範圍都係呢區(因為唔使搭車,行路都去到),即是坪石、彩虹、牛池灣、鑽石山果頭啦。我 ...

Bro 廣東蠻子 ,e 家仲有冇“肥仔燒鵝”
有的話,位置在哪?



TOP

引用:
原帖由 廣東蠻子 於 29-6-2014 13:17 發表  送張貼紙比你啦  http://s14.postimg.org/v8uqqewp9/DSCF0328.jpg
多謝

感謝 bro mythz 為我整這個印章
thank you so much!!

TOP

引用:
原帖由 Kendama 於 29-6-2014 13:56 發表 Bro 廣東蠻子 ,e 家仲有冇“肥仔燒鵝”?有的話,位置在哪?

 

我都好耐冇返去喇,我記得幾年前重有,喺牛池灣邨入面。

 

 

TOP

順便講多句

 

除左牛池灣消防局之外,牛池灣鄉公所都冇拆到,都應該算歷史建築喇。

 

想當年牛池灣鄉公所有米賣,重有生油呀、罐頭呀之類。好多師奶去買。我屋企就久唔久去買生油,因為平D。要自己帶玻璃樽去買嘅(當年唔興膠樽),斷斤買,一勺一斤

TOP

 44 123
發新話題