發新話題
打印

模型店風雲手扎

黃滿記七十年代中我升中學時已在西洋菜街營業,小弟住太子,所以每幾日都會去一次該鋪睇模型,初中生冇錢所以睇多過買,店主兩公婆都差唔多認得我呢個窮學生,它的價錢比起同區係最平,記得當時店內放了盒1:200大和號模型叫價要$200,學生的我只有葡萄一番,直至90年代初出來工作了一段日子後才捨得用800多元買回該盒大戰艦模型,今天好像要幾千元才買得到,通漲實在厲害。

當時黃滿記鄰鋪還有另一家模型店名“Model Shop"(沒有中文店名的),跟黃滿記不同,該店清一色是賣模型,價錢就比黃略貴,但鋪較寬闊,開盒睇件舒服得多,小弟通常都係睇清楚後便幫襯黃滿記買,Model Shop 經營了幾年到70年代尾便結業了,80年代太平洋模型已是後話。

上面有同好提到德昌模型,當時有兩間同名,分別在弼街和唐尾道,小弟多數去弼街嗰間買1:72飛機模型,唐尾道那間因較遠少去,直到高中時才開始幫襯,價錢又係平,不過鋪細貨多,不好行,好多時要告訴店主要甚麽他便進店內深處找出來。

太子再行遠一點便是千里達模型,這店在現鋪開了超過40年,這麼多年都覺得佢價錢唔算平,服務也不太好,到現在也想不通它的生存之道。再走遠一些便是亞皆老街 環球模型,這家歷史很多人都比我清楚,不贅了。

70年代還有多家大模型鋪在其他區,例如油麻地康田等,但因不常去,沒有太多分享。

TOP

發新話題