餅壇元老
原帖由 綠寶210 於 13-2-2010 12:27 發表 頭幾年真係叫荔湾地鐵站的. 好記得呀, 因為以前要坐地鐵番學. 美孚有一間食粉面地方, 專賣 [麗灣艇仔粥]
Yes, 最初是叫荔灣站的, 後來為左避免同荔景撈亂, 所以改名美孚, 我細個住過葵涌, 好記得未填海個陣真系好靚!
查看詳細資料
TOP
原帖由 綠寶210 於 15-2-2010 18:14 發表 唔知80年代時期沙田第一城起好未呢?
應該８２至８３年起好第一期入伙！我果年由葵涌搬入沙田！
原帖由 singingsoul 於 17-2-2010 15:42 發表 未填海時﹐在海皮跑步拍拖係超超超梳乎!
我家企ｄ大人都留抵唔少腳毛！
原帖由 綠寶210 於 17-2-2010 20:35 發表 我地係85年左右決定要離開美孚, 沙田第一城新淨好多, 但交通真的不方便, 前幾年至有火車站. 最差係食水問題, 到四五年前第一城全部外圍大裝收後, 都係仍然係有少少黃泥水味.
呢個都系我一路唔鐘意第一城的主因! 沙田其實好多屋苑同屋邨都有類似的食水問題, 所以近年我地基本上已經轉飲樽裝水同礦泉水!
原帖由 kkeeleung 於 27-2-2010 10:35 發表 加個濾水噐都可以呢! 用樽裝水都好麻煩. 而且較重皮, 我老人家一定要飲暖水. 反正要煲.
有時用左濾水噐都唔放心得落架 , 所以索性一了百了, 轉飲樽裝水, 系麻煩少少, 為左健康無辦法啦! 其實水機依家可以有熱水出, 加上佢地依家肯送貨, 方便左少少!
原帖由 綠寶210 於 27-2-2010 17:20 發表 沙田第一城另一未完善既地方, 比美孚七八十年代無咁好, 就係無乜娛樂場所, 除左果幾個兒童遊樂場之外...
夜晚真系想揾多隻鬼影都難! 所以果度啱好靜o既人!
原帖由 Potato 於 1-3-2010 01:17 發表 虎榮兄住第一城嗎？得閒可以飲杯茶，食件餅噃。
哈哈, 我屋企人就住起附近成27年架啦! 我依家住在市中心, 貪返工搭車方便! 不過我成日都會回家黐餐! 原來大家住得咁近, 真系得閒飲杯荼, 食個飽都好容易啫!
原帖由 綠寶210 於 1-3-2010 20:36 發表 夜晚10點過後條街真係幾靜, 因為馬會投注站又無, 戲院, 卡拉OK都無.... 但好似有酒吧呢?
酒吧附近富豪一帶都有幾間, 不過無幫襯過! 我多數同朋友或者同學幫襯尖沙咀的鋪頭, 有一間在金馬輪道行入少少, 德國人開的, 有德國芝士同玉腸送酒, 座落又舒服, 以前都幾鐘意幫襯!
原帖由 綠寶210 於 2-3-2010 20:04 發表 但係隔好遠喎.
要蒲就無話遠近o既!大家有心情去邊都得! 不過呢幾年都好少去巴! 多數上朋友屋企摸杯底, 貪靜局!
原帖由 綠寶210 於 7-3-2010 20:42 發表 係咪因為上巴禁煙?
非也! 我唔系煙民! 我d朋友煙癮都唔系好大, 不過我地酒癮大好多 , 每次都飲起碼兩三支, 出外消費大, 打烊又早, 我地興談天說地到天明, 所以依家興携酒到會打牙"較"!
原帖由 Kendama 於 8-3-2010 00:41 發表 幾時有把酒論政聚會？
我地只談風月, 不談政事的! 日對夜對, 怕晒!
原帖由 綠寶210 於 8-3-2010 21:30 發表 有一個網台節目集集都評酒呢. 虎榮兄可能有興趣. 今朝有酒 節目主題：吃盡大江南北，飲盡中西美酒，暢談生活享受，評論雪茄紅酒。 &nb ...
我地飲得好粗吓, 邊有咁講究! 不過我又真系幾鐘意睇烹飪節目o既! 我以前間中學男生唔駛一定上木工堂的, 可以選上烹飪堂! 不過我無上過 事關屋企有得實習!
我最鐘睇的睇烹飪節目是Paul Rankins同佢老婆主持的Gourmet Ireland, 跟住系Hugh Fearnley-Whittingstall o既River Cottage 同肥佬Rick Stein 系列, 自forever summer之後, 又鐘意左Nigella!
原帖由 kkeeleung 於 9-3-2010 00:01 發表 飲兩三支點算係有酒癮. 我以為兩三打添.
我地飲個d酒精成份好高架! 飲醉左就無計傾, 所以要限量!
原帖由 綠寶210 於 10-3-2010 20:37 發表 我以前間中學男生亦都唔駛木工堂的. 應該搞番幾圍> 老餅飯局: 私家菜之夜! (由虎榮兄親自煮理!)
我屋企上一代真系個個煮得吓, 粿蒸糭, 鹽焗雞(乾身), 薑醋, 茄汁蝦碌, 醬鴨, 蓮藕蚊朒肉樣樣好味......煮一圍酒席絶對無問題!
可惜我呢一代已經水準滑落到深谷 , 我驚大家食完要食整腸丸及驚風散!
原帖由 Potato 於 14-3-2010 01:15 發表 睇見都流口水，所謂爛船都有三斤釘，虎榮兄點都有幾成真傳嘅！
功力當然有啦! 不過系負十成功力啫!
