引用:
原帖由 keno 於 28-5-2011 10:01 發表 
[若記錯失漏, 還請合金達人大大們出手補充修正] GX-01 大約97年 Q4出, 當時定價5800 YEN, 但HK X華都未正式以代理發售...果時GX-01得水貨...個價貴到7百幾8百....到左98年Q4先話HK X華出行版(果時咁O岩 ...
KENO兄好詳細嘅分享.
以前有個同事都係叫KENO.
言歸正傳, 小弟都係大約超獸(第一隻應該係哩隻啩, 年紀大, 記性差)唔知第幾次再版時開始超魂之路.
記得當時喺雞旺一間臭名遠播(後來先知)嘅小店訂, 攞貨時四眼仔仲想坐地起價, 梗係唔理佢.
跟住慢慢入返一啲香港播出過嘅機械人動畫角色, 同細個時玩過而有未喺港播過嘅動畫機械人. (硬原汁嘅一個傻佬!)
陸續入返超力, V型等年代久遠到我都未睇過嘅機械人, 更入埋改良版超力, 唯一一隻亞洲版本, 感覺良好, 冇乜品質問題, 不過往後冇再入此貨源. 等待始終唔係我杯茶.
宜家數算一下, 除以上提及嘅, 仲有六神, 金毛, 戰鬥機械藍加紅, 天威, 鐵人28太陽勇者, 泰坦3, 珍寶3(都幾唔靚仔下), 根巴士打, 傳說巨神, 忍者戰士3子, 大武士, 黃金戰士金銀黑, 等等等等...
人滿之患, 相信係各大餅們嘅頭痛根源, 唯有搏命搵錢換個大櫃囉.
