引用:
原帖由 KEROROGUNSO8 於 9-2-2008 13:11 發表 
聖經其實只係一本心靈上的書本，亦都係一本利用耶穌的言論的心理書，我其實到現在還是最信科學。我時常想如果好似聖經咁講，上帝第一日做甚麼，第二日做甚麼，第三日又做甚麼，第七日為安息日，咁樣恐龍何來，如 ...
《聖經》唔係一本書，係幾十本上千年的古代經典總集。
你引述的那批舊約故事是遠古傳下來的文學化、神話化了的口傳歷史，也是現存回教、猶太教和基督宗教的同一源頭，有的是文學及心靈修養的價值，如果用絕對科學的眼光去逐字「啄」佢作量化研究，一定死硬！正如李白詩話「白髮三千丈」、「黃河之水天上來」，重有西方的荷馬史詩，中國的盤古、女媧創世神話唔通又好科學咩，但先民口傳的歷史及文學價值，同民族傳統的價值卻不可抹煞啊。
我會咁睇：
看聖經如同看鏡子，看到人性幾千百年來都無咩變化，一樣有賤精、有世界仔、有孤寒財主、有玩權老細，有人自以為好清醒其實係自已攞來煩的豬頭炳。我最中意個古仔係耶穌救行淫婦人那段，邊個一世未犯過錯即管掟第一塊石頭啦！
聖經上早有明訓點醒，我地就識得點樣處世至可以「靈巧如蛇、馴良如鴿」(嗱，呢句又係不科學兼政治不正確的，蛇一樣可以好馴做寵物，鴿可以傳H5N1殺死人架！但係咁搞法，人類的語文傳意就此玩完架啦....)，唔害人但識得防人。
人靠自己單打獨鬥係好慘者，加上宇宙咁大，人算老幾？科學只係發現既有的規律，但能否無中生有做個宇宙創套新規律出來？讀科學出身的我都情願信有主安排宇宙的規律囉。
[
本帖最後由 Athena 於 9-2-2008 14:04 編輯 ]
