引用:
原帖由 LouisLee 於 28-4-2010 23:58 發表 
我估我同你講嘅可能係兩個唔同嘅會員, 短時間積分甚高可能係佢有玩開接龍, 未必另有目的, 我地 D 帖冇設閱讀權限, 任何人都可以睇到。
我講嗰位分數唔算好高, 但係 D ...
引用:
原帖由 moneyismymoney 於 30-4-2010 01:15 發表 
我好唔明白咁樣有乜好處,多 d 分數同升咗級咁又有乜好處,真係唔明解.
上兩星期好密集式咁玩接龍果個咪我囉！主要係新屎坑心態，初黎報到，又鍾意玩，玩開唔停手。不過玩玩吓都有啲冇癮，好似英文接龍果度我已經衰多口左喇，所以本來成語接龍都有啲類似情況，我都唔敢再出聲嘞。（我承認我份人有時太認真。）
加入呢個論壇主要係我真係太老，平日冇人會同我傾得到咩大戰天魔、俠聖、巨無霸等等，所以無意中揾到呢度，簡直興奮到無倫！
唔好意思，岔遠左！我之前喺英文接龍果度都提問過，不過可能冇人留意。我真係好想知道啲分要黎有乜用呢?升級有乜好處?而家提到灌水、洗版黎攞分，乜多啲分有著數嘅咩?唉，呢啲對我呢挺老人家黎講，可能真係好複雜，希望唔好見笑。仲有，請問PM又係點解呢?（唔好怪老人家長氣！）
