根本電影資料館收埋咁多香港舊電影，喺絕對可以安排响港台數碼31播一啲商營電視台好少播或者喺坊間買唔到嘅影片，我哋細個時喺電視睇到嘅粵語片有好多都已經冇响電視再播，但佢哋就一味耍官腔，話因版權及技術問題難以做到，最離譜佢哋話啲藏品喺菲林copy，唔可以响數碼電視播放，總之就多多理由，人哋圖書館咁多藏書夠有版權，唔喺一樣俾人借，咁唔驚人哋拎去大量復印呀。
不過話說回來，究竟依家香港人，講緊喺睇粵語長片長大嘅一代，仲有幾多人會希望再重溫佢哋細個時嘅電視回憶，咪只有我哋呢啲老餅中嘅老餅會盡量有得錄就錄，買得到就買，依家啲人成日講集體回憶，要保留呢樣保留嗰樣，但一講到粵語長片，相信大部分人都唔會談論，因為唔想俾人話自己老土，同時代脫節，佢哋只喺一窩蜂咁去追捧時下流行嘅日韓劇，其中可能有啲人根本唔多鍾意睇，但唔睇嘅話又俾人話out，可能佢哋响屋企閒來無事，或者會有興趣重溫吓啲粵語片都唔出奇，總之喺人面前要扮in，千祈唔好俾人知佢哋老土，呢個喺我認為香港一般人嘅心態。
