上年有一日下午, 我係廳打緊Winning, 我老婆係房叫出黎"快d轉1台, 有小飛俠睇呀!"
我係手塚老師fans, 小飛俠更係我第一個愛上既手塚人物. 我自然即刻轉台.
原來係日本風情話2003, 用手塚老師係幾十年前既小飛俠漫畫做引子, 因為漫畫裡頭小飛俠既生產日正好係2003年, 內容就講宜家日本既機械人發展成點, 當然有介紹好heat 既ASIMO啦. 其他機械人都好得意.
最後總結時話, "我地辜負左手塚老師對未來既期望, 係2003年我地仲未整到好似小飛俠咁完美既機械人, 但只要人類不斷努力, 相信小飛俠會係不久既將來誕生!"
跟住超靚既CG, 影住小飛俠係手術床起身, 張開眼, 鏡頭Zoom埋去小飛俠隻眼到! 完.
超正, 睇到我眼濕濕!
