Bobby仔

各位有無試過系D有石乒乓波枱既公園猜枱打波呢? 甚麼新例舊例國際例, 四雪一...無記錯應該係四雪一凍, 輸左留波留板留底褲, 甚實最後咪又係一齊玩, 不過分兩邊去對壘之麻!!

shaper_ras

咭咭..

硬係唔知d例點樣分

又新例, 又舊例..又新舊例...

幾多比幾多又隔周..

哈~~~~~~~~~

 

actionkamen

我真係到今日都搞唔清D例，請問有無人知？

shaper_ras

我三十年前都分唔清啦...何況係三十年後的今日..

)

哈)))))))))))))))))))

999

唔提起都唔記得"新例舊例國際例"o尼D名詞,係咪冇[扌禁}枱,冇'黐手'.......果D規例?

國際例?果時打21分的?!有冇人可以講清楚?

只記得人多就打3分2,人少就打6分4,同打唔打'刁時'!

actionkamen

引用:

原帖由 999 於 4-2-2009 12:37 發表 唔提起都唔記得"新例舊例國際例"o尼D名詞,係咪冇[扌禁}枱,冇'黐手'.......果D規例? 國際例?果時打21分的?!有冇人可以講清楚? 只記得人多就打3分2,人少就打6分4,同打唔打'刁時'!

印象中，全新例開波一定要拋個波過頭！

Bobby仔

係呀係呀! 所以系新例底下就開唔到"作西"! 甚麼四雪一凍/爆就係打六分四, 輸到四比零或者五比一就當即輸!! 但係D舊例, 新例同國際例就唔知點介定勒! 只係成班0靚仔間既共識.

九記

仲有一樣嘢叫「食肉」，已經吾記得点解，有冇人知呢?

singingsoul

引用:

原帖由 Bobby仔 於 4-2-2009 15:46 發表 係呀係呀! 所以系新例底下就開唔到"作西"! 甚麼四雪一凍/爆就係打六分四, 輸到四比零或者五比一就當即輸!! 但係D舊例, 新例同國際例就唔知點介定勒! 只係成班0靚仔間既共識.

原來四雪一凍就係打六分四, 輸到四比零或者五比一就當即輸﹗
多謝解開我多年謎團。我只懂講六分四﹐四比零就食蛋咁輸﹔五比一就食腸。笑﹌腸仔蛋﹐好味﹗

我心目中舊例即係冇例﹐唔拋波﹐手禁台全部不拘。真的很小的小孩高過台果少少﹐咁打係好玩。
到有９﹐１０歲上下﹐應該玩番台面拋波開波手不可觸碰球桌。

以前在樂民村有跟堂大佬落樓下石台跟人猜﹐我就係完全唔知他們在說甚麼。

乒乓波板我第一塊是流星﹐之後買了ＢＵＴＴＥＲＦＬＹ﹐雖然好名貴﹐卻羨慕同學用中價的
友誼﹐因為他們可以省膠貼包書膠令到塊板（其實係講緊塊膠啦）非常黏。小孩們覺得Ｄ波西好多﹐好著數﹗我塊ＢＵＴＴＥＲＦＬＹ好難做到友誼咁黏。大家都以波放桌面用板就可黏起個波貼著塊板為之勁。

vvlee

細個時猜枱打乒乓波就成日有 ! 

 

但什麼是舊例，新例，新舊例就一D都唔清楚，只知新舊例好似唔比掂枱呱 。

 

果時猜贏就會講明要求 " 四雪六肉，萬有，雪生，自由球，新舊例。"

 

仲有就系，打波時，要留意樓上有無人 "掉水彈" 囉 !!

 

vvlee

引用:

原帖由 九記 於 27-1-2010 08:17 發表 仲有一樣嘢叫「食肉」，已經吾記得点解，有冇人知呢?

 

食肉 ~ 打贏的一方，可以輪流打，e.g. 六肉，就系有六分肉，可以慢慢差波玩。