71 1234
發新話題
打印

陸小鳳

kkeeleung 餅兄所言老拙亦有同感, 可歎時代科技日進千里, 反而劇種就新不如舊 ,

真箇無奈三歎, 難道美好之事永遠祗活在回憶之中 

TOP

引用:
原帖由 superoldcake 於 11-9-2011 12:09 發表 kkeeleung 餅兄所言老拙亦有同感, 可歎時代科技日進千里, 反而劇種就新不如舊 , 真箇無奈三歎, 難道美好之事永遠祗活在回憶之中 
唯有歎句自己"唔化"... .回憶當然是好. 才有老餅這園地.

TOP

最鍾意葉孤城淨係個名已經夠照
佢d對白好似答左人又好似冇答咁 , 好政客feel.

第一集陸小鳳俾人堒左去接天外飛仙 , 同葉孤城嘅對話令我印像深刻.....

劉松仁0係幾張枱面跳來跳去 , 唔係特技亦唔係替身...



TOP

 

  陸小鳳三部曲中,以《決戰前後》最為經典,原先的鐵三角:「陸小鳳、西門吹雪、花滿樓再加上白雲城主葉孤城,變成四大天王」。「月圓之夜,紫禁之巔」兩大絕世劍客的決戰,原來是葉孤城謀朝篡位,成皇稱帝的幌子,正在紫禁之巔與西門吹雪對決的竟然是「A貨」,陰謀最終當然被陸小鳳識破,皇帝夢碎,唯有真真正正和西門吹雪痛快地較量。
  葉孤城果然是當今武林第一劍,交戰下來,西門吹雪敗象已呈,無奈葉孤城身負弒君之罪,終究死路一條,倒不如死在西門吹雪的手上...... 以上劇情,當年令不少觀眾為之津津樂道,尤其是大結局那場終極劍決,的確成為當時的熱門話題!此外,天外飛仙、靈犀一指,入場緞帶六條變廿一,兩大劍客互相介紹其配劍,葉孤城死前欲攀龍椅的場面,都令人印象深刻。

一招天外飛仙,靈犀一指勉強接到。

西門吹雪:「呢把劍係前代古劍,劍名巨闕,劍鋒三尺三寸,淨重六斤四兩。」

葉孤城(假冒):「呢把劍係海外寒鐵精英鑄成,吹毛斷髮,劍名青冥,劍鋒三尺七寸,淨重七斤十三兩。」

葉孤城:「飲酒令人亂性,食肉令人沉迷於物慾,女色更加係焚身之禍,練劍想達到最高境界,呢三樣嘢就係戒條,相信西門吹雪都係一樣。」


弒君不成,帝皇夢碎,英雄重英雄。



Signature

TOP

引用:
原帖由 spectreman 於 9-10-2006 21:02 發表 睇嚟睇去都係劉松仁正過萬梓良。宜家再拍,都应该揾松仔拍埋最後一本:鳳舞九天+劍神一笑。可惜啊!西門吹雪不再...黃元申不再...

萬梓良唔得,張智霖仲衰,劉松仁做陸小鳯不作二人想,不過之後反而睇唔慣佢冇鬚!!

TOP

決戰前夕 - 鄭少秋(陸小鳳之決戰前後插曲 )

決戰前夕 - 鄭少秋(陸小鳳之決戰前後插曲 )

http://www.oiktv.com/vplay.php?vid=eZ4_CyBkY5k&cat=youtube



TOP

睇佢靈犀一指 , 好多幕真係接嫁 , 依家d武俠片真係睇唔倒....
有時見劉松仁接完面都青埋 , 李家鼎做武指係咪要求高過人呢 ?
唔知點解後來冇做
武指...

城南王子篡位都幾兒戲 王宮無乜人 , 南書房得果飛龍四鬼 , 王宮俾成班江湖中人(社團)自出自入 , 王宮比武殺人
龍椅任坐 , 重要免費派入場卷(鍛帶) , 認真大方....王帝管唔倒 , last落旨 : "......其他人等速速離宮..."

手上只有vcd , 再加上係舊片...
朦朦地....

TOP

經典台有得播啦

咁大個人第一次認真看此劇, 由第一輯做起, 頭兩集, 以今日來說, 節奏緩慢比較像舞台劇, 一個景可以拍足十分鐘一節, 而頭兩集可能邊拍邊播, 所以片頭只是不停出陸小鳳字樣.

TOP

引用:
原帖由 tonytse0814 於 6-1-2013 18:35 發表 咁大個人第一次認真看此劇, 由第一輯做起, 頭兩集, 以今日來說, 節奏緩慢比較像舞台劇, 一個景可以拍足十分鐘一節, 而頭兩集可能邊拍邊播, 所以片頭只是不停出陸小鳳字樣.

第二輯個op都唔好得好多,都只係拍左三大主角大頭然後剪剪埋埋第一輯尐片段就算

TOP

落花淚影

鮮花滿月樓
http://www.youtube.com/watch?v=ZNLDzWUXokY

上官飛燕向花滿樓憑歌寄意暗示好感,並提醒他不要令幸福俏俏溜走..只羨鴛鴦不羨仙的美麗情景!

 

 

大家好似唔記得咗呢首插曲”落花淚影”啦..同樣係百聽不厭! 太動聽啦...

http://www.youtube.com/watch?v=DkL8ffi7m0I

我更喜歡呢首較少人識嘅好歌,滿載無限思憶懷念傷感!

 

年代已久..落花淚影那段片之後,花滿樓同陸小鳳見到邊個?上官飛燕同花滿樓有無相愛,還是相分?

 

落花淚影靚聲版

http://www.youtube.com/watch?v=Ym9d5DgnSv0

TOP

引用:
原帖由 bs00001 於 30-8-2013 02:30 發表 鮮花滿月樓http://www.youtube.com/watch?v=ZNLDzWUXokY 上官飛燕向花滿樓憑歌寄意暗示好感,並提醒他不要令幸福俏俏溜走..只羨鴛鴦不羨仙的美麗情景!     大家好似唔記得咗呢首插曲”落花淚 ...

鮮花滿月樓真係好有詩意...

張德蘭咁多首歌最like都係呢首...

落花淚影就有d傷感...

太灰既歌唔係咁啱樂觀簡單既我...

TOP

 71 1234
發新話題