1997年電影《鐵達尼號》一上映即刻引起全球關注，一度成為史上最賣座�H電影，全球總票房勁收逾18億美元，直至到2009年先被《阿凡達》搶走最賣座電影�H寶座。經典對白「You Jump, I Jump」加上男主角里安納度狄卡比奧（Leonardo DiCaprio）教女主角琦溫斯莉（Kate Winslet）跳船逃生�H經典情節，相信唔少人去到而家都仲記憶猶新。唔經唔覺下年已經係電影上映20周年，呢個時候當然有製作公司出嚟宣布要翻拍啦！
打住《鐵達尼號》上映20周年�H旗號，中國七星娛樂今日就宣布要翻拍呢齣經典電影，將佢改名為《泰坦尼克密碼》（暫時未有香港譯名）。不過今次唔賣浪漫，反而主打陰謀論，話希望可以以全新視角打造一部集陰謀、動作、災難與愛情於一身�H多元素電影，預計2017年底或2018年初上映。
目前已經確定咗會由《火拼時速》監製Arthur Sarkissian擔任製作人，《高度反擊》、《虎膽龍威4.0》編劇David Marconi擔任主要編劇。
