無飯師奶
超級版主
銀十字軍總司令
原帖由 Kal-El 於 20-2-2009 23:35 發表 d燒真係頑固, 時高時低, 我好耐冇訓過
細路仔發燒時用溫水同仔仔抹身散熱啦，唔駛咁擔心既。
腸胃炎係食錯野o者，痾嘔完記住俾返多d暖鹽水佢飲，以免佢脫水。休息期間戒奶同蔬果，食清粥好d。
我最關心係佢燒下退下的情況持續左幾耐？如果有一兩日係咁，即係隻菌好勁，一定要同佢睇醫生or急症，可能要吊返支加藥的鹽水咁啦。
查看詳細資料
TOP
原帖由 Kal-El 於 22-2-2009 18:55 發表 係呀, 依家仲有食腸胃藥, 同埋一D電解質的藥粉, 我老婆就煮左D果皮粥佢食......睇黎你都好有經驗播....
呢d係以前學過少少護理課程的經驗啫。d野係護士教的，希望我的分享有少少幫助啦。
(ps:護士話過個d藥粉同寶礦力係同一樣東西，用淡鹽水都ok架，咁即係小朋友飲到悶咪整支高達樽的"力水"之類佢嘆囉！)
你地的做法已經ok架啦，叫小朋友呢段時間唔好周圍去玩啦，休息多d啦。 你都唔駛太擔心，自己病埋會重麻煩架。
原帖由 Kal-El 於 24-2-2009 22:03 發表 條友仔都病過好多次, 都有d經驗, 發燒都有好多種, 以前就係喉嚨問題引起多, 傷風感冒都會好高燒下, 有時就一晚低燒就退......今次腸胃炎引起的燒, 加埋痾, 都病左成個星期
其實發燒只有1種，就係免疫系統發揮作用同細菌打仗。
小朋友成日病，看來要捉他多d出戶外活動，練好身體至係王道喎，唔係你會好辛苦架。
原帖由 綠寶210 於 1-3-2009 20:01 發表 今日我件肥仔都係腸胃炎, 嘔都我成身都係.... 可能佢因為食左佢娘親既三文魚壽司三大舊而出事, 我都話小朋友年紀太細唔好食壽司.
原帖由 Kal-El 於 28-2-2009 22:01 發表 以前就病得多d, 佢最近都有運動, 身體已強好多, 不過就係唔多食野, 好瘦就真
原帖由 foureyesfatboy 於 4-3-2009 06:24 發表 廿年前做仔時係日本人開魚生店做過, 成日見佢地用個細鉗同d三文魚 "蚊" 野. 問過佢地不過兩個唔同版本出..."蚊"細骨 同 "蚊"蟲. 唔知信邊個. e+ 我都成日食三文魚熟食生食都有. 魚腩最正. 都末見 ...
係拔出幼骨，以防插親客人
唔係你想得咁恐怖架。
原帖由 綠寶210 於 22-3-2009 00:07 發表 聽講話食荔枝太多會流鼻血.
飲得水多一樣會中水毒，砒霜食得分量岩都可以救人
個人認為，樣樣唔過分就點食都得啦
原帖由 Kal-El 於 25-3-2009 00:41 發表 咁食辣野呢?有D人就話會熱氣, 有D人就話會驅風, 都唔知信邊個...
中藥書話咖喱,麻辣火煱等香辣野本身係有驅寒去濕作用，但若本身燥熱底再食佢就熱氣，但本身體質寒底困濕的人食佢就越食越精神。香港人多數中意冷飲冷食，又吹冷氣，食多d唔會有事，但係食煙就係令人變燥底的。
原帖由 Kal-El 於 11-4-2009 10:20 發表 昨天, 我老婆乘住我番工, 又帶左個仔去食壽司, 仲食生野添, 比我由個仔口中套到料, 澳死我啦...
未必有事0既，唔駛咁擔心住啦。
不過真係要勸吓阿嫂唔好俾小朋友食咁多生野哦。
原帖由 於 5-5-2009 13:10 發表 呢幾日發現仔仔啫啫度出現一腫塊, 驚左幾日, 帶佢去睇專科醫生, 話係內分泌問題, 只要每日清潔, 就冇事, 大家的仔仔有冇發生咁情況
內分泌？佢好細個咋喎....而且內分泌問題同清潔好似無咩關係。
我未看到實際情況唔可以判斷，
但以我所知，通常細路仔細路女出現呢d問題，係因為日常沖涼清潔得唔徹底，身體的自然分泌加上尿尿和汗水積聚令到佢局部發炎才會紅腫，通常同佢沖涼時多留意一下就無事的了。Kal-El 不用太擔心的。
小朋友真係好多野擔心的，細時怕佢病，大時怕佢壞。
講開又講，前兩日我去健康院當更同小朋友打防疫針，真係見到好多得意到爆的細路。有個黑人細路仔見到第個細路打針哭，佢笑人無膽，點知輪到佢時喊得最大聲嗰個就係佢。但係佢又真係好趣緻，成個黑人公仔咁。
反為至反斗係一個bb女，同佢打針佢反抗，識打人幾拳！幾痛架！
總之而家的細路係你估佢唔到。
我都唔敢想第日到我做阿媽，會有個點樣的囝囝，我又會點樣應對。
