我對武俠小說吾算在行,細時都係看公仔書多,當然了,金庸果啲還是大部份看過的,近年又出新修本,變相迫你睇多次,久而久之對武俠還是有些感情,或者又喺呢度吹下水...1999年我初次接觸王度盧,閱後深受感動...果時係睇鶴驚崑崙,版本正係榮兄所言葉洪生所修輯的名著大系...不過係細裝書,書底寫著係聯經出版社授權香港藝文所既,我對照過其實一樣,不過是縮細左姐...港九總有些短期舖租約的類似拾蚊店的書攤,我就係响果度買既,十几年前果個版本仍隨處可見,不過吾齊,搵左一排仲摷上門走去官塘某一工厦藝文出版社,佢寫字樓同貨倉都係响果度既..藝文老細非常好人,可能見我咁騎呢上黎搵呢啲書啦,比錢時仲同我吹左几句,由於呢個大系係85年出既,但係因為定位錯誤,即係因為藝文出果啲字體太細,不適合年紀較大的讀者...帶我上貨倉果位工友都好好人,隨得我周圍參觀...我就需要担梯爬上其中一列貨架搵到舖滿塵埃的武俠大系,揀左啲响街邊未買齊果啲,雖然佢呢到都係吾齊,蜀山劍俠傳更係一本都冇,可見整個大系還是蜀山較賣得,但我也找到一套青城十九俠但欠第三冊,不過回心一諗,正因位吾齊先仲有一套擺响度姐...仲搵到四至七冊鷹爪王,同埋全套江湖奇俠傳、近代俠義英雄傳..上述几套都係當時我行過好多書攤都搵吾到了...由於終意王度廬,後尾又去左油麻地中华書局問下..過多月後一套鶴~鐵五步曲到手了,可能書局訂開書關係,我攞書時看見書架上有一整套聯經版的蜀山劍俠傳,這是我最後一次在書局睇到呢個版本,但由於我之前已有長興版的蜀山,因此並没有購下,雖然後來我還是貪平在廟街買番一整套藝文版的蜀山,有時買野都要講機緣...
