fl17600

樓主講既人細鬼大我有睇過, 如果冇記錯, 應該係得一集, 因為我係嚮戲院睇既, 英文名不詳, 劇情應該同你講既差唔多。細個時候睇都覺得震撼, 而且男主角年齡只係大我一兩年, 睇住佢搞大女友個肚(女方家庭好似有D錢), 都唔知佢點算……唯有搵工做養家, 但係唔夠「秤」, 後尾終於搵到工做, 但係打工時被女方家人(家丁?)發現左, 通知相方家長各自做野, 最後被逼分手, 劇情幾現實。另外我相信爾冬升都睇過, 因為劇情大綱同「早熟」相差無幾, 除左臨尾法庭個幕之外……其它一模一樣。

fl17600

咁就唔知係電視台攪錯, 定係佢將一套戲分上下集播放(以前好興咁做), 因為戲院就好小會放上下集電影, 因為唔係大團圓結局, 所以當年我睇完都覺得未做完咁……可能歐洲電影係咁掛!!