發新話題
打印

新版V型超合金魂

      咦, 師兄, 我既第一個 "現代超合金", 都係老友上個星期送俾我既生日禮物。我地真係好, 有d真心老友~
不過小弟年事已高, 生日係平白冇任何慶祝, 至多都係同某一朋友食餐大家樂同行下黃金商場吹下水就算~
但仍有其他老友為自己生日送一個玩具, 都有d覺得怪怪的。雖然我成日同幾個fd, 個別地行旺角+油麻地+深水埗既玩具熱
店, 不過小弟因為收入微薄屋企又冇位擺, 所以一個玩具都唔會買, 陪下朋友行下, 我window shopping已覺得好有趣喇~
呢次個fd 放件v型俾我, 都係每當佢地問我, 你買唔買新出果個咩GX-# # 時, 我只答一句, 我要買, 都係買 V型囉, 因為係我
讀高班時, 第一次手中拿起既就係女同學借俾我玩一陣既V型超合金(當年賣60蚊左右果隻)。所以今日要買一個超人公仔, 都希望
係佢........V 型電磁俠!!
以下係小弟超級無聊經濟之作~














TOP

B君, THX先~

用個MON做BACKGROUND係第一次, 因為我有套DISCOVERY既宇宙野~
因為場景關係, 打燈方向易好多, 不過我得一支LED電筒, 所以根據畫面內容決定光源方向, 有D亂黎, 其實係無聊玩下, 想用D相片
大家交流一下, 多D話題啦, 係全無攝影技巧可言~
當時都有諗過出個VICTORIA 內衣SHOW 做BACKGROUND 玩下囉~
而家等個FD帶多個超合金出黎, 又影番個有背景既對戰ABLUM~

TOP

             嘻, B兄, 用"新作"黎形容小弟D爛相言過於實, 反而小弟有D主題準備實行一下, 唔知閣下有冇興趣呢??
就係以前我地細個時, 父母帶我地星期日去飲茶, D 同齡細路硬係每人都有一個超合金玩具帶埋去飲茶玩,我就硬係得個恨字!
又明白自己屋企經濟不好, 唔敢扭計叫阿爸送一個俾自己, 不過都有本$1雞門公仔書, 帶左支鉛筆同D"街薄",畫下公仔就算~
             
我一早都同送呢個V型俾我既老友講, 如果我真係買左呢個V型, 就一定帶去酒樓飲茶, 仲要"憧"佢響枱上面, 影番D相, 心目中酒樓都定左喇~
要保持當年景觀既酒樓, 而家太子仲有間"鳳城酒家", 想D野好食又唔貴, 就去大角咀"煌府"。
             
唔知B兄有冇興趣一齊玩玩佢呢??哈~ 當然要唔怕被人恥笑成個"大細路"就得啦當然~

TOP

啊!  係喎, 睇番你 "好開心" 果個POST, 係 5月11日喎, 我收到我老友呢份禮物時, 係5月5日, 而我件舊版同你件新版野,一直高據炒價中,咁橋大家又隔左咁耐無意中收到來自老友既心意, 又無啦啦響呢度大家相遇, 都幾有趣,真係 "世事無絕對, 竟有此情趣"..........皇家馬德里~~~

TOP

發新話題