|
小餅迷
|
1#
大 中
小 發表於 14-12-2010 13:33 顯示全部帖子
坦白一句,我香港係無車牌既.
兩年半前,想試下香港渣車滋味,所以果時有問朋友借車兜圈.
由大浪灣到石澳,可以講唔係太長,一條直路.
查實,好緊張,因為第一次由左(車太)變右(車太)
亦因為咁,差DD 揩倒隔離堆小巴.
沿大浪灣路直行,路窄、無乜街燈(說實話美國有唔少類似既路)
去到石澳先多人.
但停車位都頗為窄.
以香港而言,唯一要慣係右駕囉
同埋人多地方,絕對都避免渣車,例如旺角.
回顧番第一次渣車,時為1994年
當時仲係靚仔一名,牌都未有.
果次去鶴山,有日朝早無聊,親友問我玩唔玩下車
於是有一架電單車同麵包車喇.
電單車太難撻車,可能人太蠢,唔曉乜野
後尾改為試下麵包車,幾易開,架野係(車太)波,咁樣就去村出面地盤兜幾個圈
個地盤係起高速公路,即係今日佛開高速公路
起碼,同打機有過之而無不及
真係走去考牌,係2001年
果時太窮,無請教車師傅,事實上米國教車師傅好好做,一粒鐘係$35蚊.
當年只係筆試考兩次Pass
路試前幾日,專登自己兜下試場D路,咁就去考
慶幸係一Take過,差三分就肥佬
險過剃頭
|
