打印

大家兒時去邊間茶樓食野?(現在還在嗎?)

占四谷

中級餅迷

Rank: 3 Rank: 3

1^# 大中小發表於 25-1-2011 16:12 顯示全部帖子

引用:

原帖由 singingsoul 於 11-11-2008 16:52 發表飛龍是否就是後來變了喜/慶相逢呀﹖定係兩間打對面﹖

飛龍與慶相逢係兩間曾同時存在的酒樓，不過唔係打對面，兩間都在窩打老道，一間近中華電力公司，現在已變成甚麼甚麼護老院，一間就在早期既圖書館或惠康對面；而飛龍對面後期亦出現過新光酒樓．

而好細好細個時(幼稚園？)，我跟公公婆婆去飲茶既茶樓相信無餅有會識，係位於旺角豉油街，叫做天香茶樓或茶居咁上下，近現在的新寶戲院旁吉野家左近，當時仲有一家賣白粥油炸鬼的在附近，對面則為大排檔．那時於暑假跟公婆天未光就起身去晨運，然後就去飲早茶，如無記錯好似番屋企都未夠九點，等睇伏魔三劍俠添！

而跟父母就會去百滿酒樓飲茶，都响旺角豉油街，介乎女人街同西洋菜街之間，分兩層我地通常上樓上飲，仲經常坐响個通風口隔離，去親都成日要買本老夫子或一蚊本既垃雜超人書嚟睇，百滿摺埋之後，就轉去女人街入面近廣華醫院那邊的珍珍大酒樓，要上樓梯，右邊係大廳，左邊係細廳，去依度飲茶成日落樓去西洋菜街既栢奇玩具店睇玩具；之後上左中學，開始唔鍾意同屋企人飲茶，覺得好似好瘀咁，於是直至出嚟做野，可能人大左，又鍾意番同屋企人飲茶，但近年又少左，唔係唔鍾意飲茶，而係驚飲茶既食物太過肥膩唔適合父母食，不竟他們已不年輕了．．．

TOP

占四谷

中級餅迷

Rank: 3 Rank: 3

2^# 大中小發表於 26-3-2011 11:32 顯示全部帖子

引用:

原帖由 999 於 25-3-2011 23:43 發表喜相逢應係响惠康、圖書館嘅同一邊,即係而家廣東燒味斜對面.

999兄, 我所指既係 [慶相逢] , 而不是 [喜相逢], 如果我無記錯 [慶相逢] 係應該位於梭亞道同過對面以前為圖書館既燈位之間, 大約係而家既咩咩酒店左近, 而在前圖書館和惠康那邊的窩打老道有間叫 [喜相逢] 我就完全無印象!!! 可有餅友補充!!!

TOP

占四谷

中級餅迷

Rank: 3 Rank: 3

3^# 大中小發表於 26-3-2011 16:03 顯示全部帖子

引用:

原帖由 999 於 26-3-2011 15:54 發表應該大家所指的是慶相逢酒樓,真是相逢自是有緣!哈! 但慶相逢個位應是現已執笠豪華大酒樓前身,响惠康，恆生隔籬,但飛龍應响佢對面,差唔多响而家酒店附近個位.

哎吔！！！我明白了，係我搞錯了

，999兄所講是對的，慶相逢的位置是在惠康那邊，所以超人兄所講可以搭lift上去新法是對的，但原來我所講既係另一間酒樓，名字應該係叫「年華酒樓」，對嗎？今次應該無記錯嘞！

TOP

占四谷

中級餅迷

Rank: 3 Rank: 3

4^# 大中小發表於 27-3-2011 17:23 顯示全部帖子

引用:

原帖由 拾實什習窄炸集 於 27-3-2011 02:25 發表聯發茶餐廳隔離好似有間文具鋪

聯發, 無錯, 我成日去買野, 放假就去買早餐, 通常買熱狗或漢堡飽, 睇住個哥哥仔整, 熱辣辣非常正, 同個哥哥仔都有兩句架, 而中午或下午去就通常係落街幫阿媽斬料或買燒臘飯盒, D 叉燒同卥水雞翼，仲有油雞都非常正，真係由細食到大都唔厭，而家講開都好回味，有D肚餓添！可惜最後都摺埋！

隔離左近係有間文具鋪，仲有得影印添，嗰頭真係幾方便，買野食野都好就腳，因細個就係住嗰頭！

而上文有有題及紅寶石及upper 1，都好耐歷史，但太貴食唔起，讀中學先有一次去upper, 叫左一杯汽水，成十六蚊杯，真乸脷！！！

TOP

占四谷

中級餅迷

Rank: 3 Rank: 3

5^# 大中小發表於 27-3-2011 21:49 顯示全部帖子

引用:

原帖由 拾實什習窄炸集 於 27-3-2011 21:23 發表我鍾意燉北菇雞飯

原來有盅頭飯食架咩? 我買嚟買去都係燒臘同快餐咋!

TOP

占四谷

中級餅迷

Rank: 3 Rank: 3

6^# 大中小發表於 28-3-2011 14:18 顯示全部帖子

引用:

原帖由 999 於 28-3-2011 01:53 發表百滿酒樓是不是在別不同附近?

無錯, 响以前別不同向火車橋方向行幾個鋪位, 其實百滿個鋪位 exactly 就係而家既花園餐廳, 嗰條上二樓既樓梯仍在!! 很懷念!! 百滿樓下門口隔離就係報紙檔, 而家都仲係, 以前真係幾乎每次去飲茶都要阿媽買老夫子或一蚊本的特攝書仔, 甚或特攝貼紙, 其實 D 特攝書一D都唔浪費, 睇完就將D公仔剪落嚟玩, 仲要自己加D故事及動作場面, 都要創意架!!!

999 兄真厲害, 好似區區都好熟咁喎, 考吓你別不同對面都係一間食肆, 記唔記得係咩呢?

百滿對面有一間茶餐廳, 入面黑monk monk咁既, 名就真係唔記得, 有時星期六唔洗番學, 老豆會帶我去依度食早餐, 佢通常係食菠蘿油加奶茶, 我就蛋治加熱鮮奶, 熱鮮奶擺一陣就會出現一層膜係上面, 咁都玩得一餐!

TOP

占四谷

中級餅迷

Rank: 3 Rank: 3

7^# 大中小發表於 28-3-2011 14:33 顯示全部帖子

引用:

原帖由 999 於 28-3-2011 00:57 發表雅閣有貴一倍以上!有冇人記得洗衣街、亞皆老街口嘅金仲有三喜樓?

雅閣真係食唔起, 但第一次去係讀小學, 因為有個家境頗為富裕的同學仔阿媽請我去鋸扒!

記得三喜樓, 不過無去過, 而洗衣街同亞皆老街口既金鳳...........我只記得响千里達左近有一間貴價小小既餐廳, 唔知係唔係依間呢?

TOP

占四谷

中級餅迷

Rank: 3 Rank: 3

8^# 大中小發表於 28-3-2011 23:22 顯示全部帖子

引用:

原帖由 999 於 28-3-2011 17:59 發表想不到勾起你許多的往事!但占兄真你比你考起,我唔係電腦!別不同對面是否開過一間堡加敬?! 其實提反D共同舊事,但彼此以前是各不相識的,這很有趣!

999 兄, 係我提示太少啫, 我見你講得出別不同, 我估你應該知道那間在別不同對面的鋪頭, 其實那間係叫龍江大飯店, 不過我一次都未去過, 太貴了! 而再行過D好似係大元公司對面有間食粥面既鋪頭添!

也許年齡漸大, 記憶力漸退, 要大家集體回憶才可將零碎片段拼湊出以往的完整圖畫!

TOP

占四谷

中級餅迷

Rank: 3 Rank: 3

9^# 大中小發表於 28-3-2011 23:27 顯示全部帖子

引用:

原帖由 999 於 28-3-2011 21:21 發表金鳳應該係在染布房街同亞皆老街口三喜再過就係先施(前身中國國貨公司)對面以前有間牛什/魚旦麵鋪 .

999兄, 金鳳係唔係有兩層架? 如果我無記錯, 應該唔係染布房街, 因染布房街係火車路旁那條街, 我估金鳳應該係洗衣街同亞皆老街口, 是嗎???

TOP

占四谷

中級餅迷

Rank: 3 Rank: 3

10^# 大中小發表於 28-3-2011 23:32 顯示全部帖子

引用:

原帖由 拾實什習窄炸集 於 28-3-2011 23:17 發表係有, 而旦轉角有間叫萬?書局

係喎那間叫咩書局呢? up 到口唇邊，但唔記得，只記得對面有間浩華書局！啊！！！！係咪世界書局呀？？？

TOP