‹‹ 上一主題 | 下一主題 ››
發新話題
打印

記唔記得細個時攢盒有咩糖果呢？

占四谷

中級餅迷

Rank: 3Rank: 3
1# 大 中 小 發表於 25-1-2011 16:24  顯示全部帖子

記唔記得細個時攢盒有咩糖果呢？

就嚟又過年，大家有無諗起兒時攢(全)盒通常有咩糖果或糖呢？

TOP

占四谷

中級餅迷

Rank: 3Rank: 3
2# 大 中 小 發表於 26-1-2011 11:45  顯示全部帖子

引用:
原帖由 雪野 於 25-1-2011 16:33 發表 有大白兔糖.....用透明玻璃紙包住的軟糖, 張紙黐得好實的朱古力金幣....發達糖(我細個最鐘意的)   終於搵到圖   (透明紙軟糖)       發達糖  

感謝雪野提供的相片，非常懷念這兩種糖，史密夫那隻雖然唔係特別鍾意食，但係好籍得懷念，原來而家仲有得賣咩？已不記得是甚麼味，唔知點解覺得係香蕉味，有無記錯？

 

而發達糖簡直係致愛，尤其鍾意提子味，反而唔鍾意瑞士糖，可能太普遍，不過而家好似搵唔到發達糖咯！

 

另外亦好喜歡霍士果汁糖，不過可能貴，阿媽從來唔會買嚟放响攢盒！

 

仲有一種應該係港產(或大陸)，糖形好似而家既粒裝得力素葡萄糖，而入面係D半流質既軟糖口，不過就好甜，有好多種不同味道，唔知大家知唔知我講緊邊種糖呢？呢種糖非常普遍年年都係攢盒內面既常客．

TOP

占四谷

中級餅迷

Rank: 3Rank: 3
3# 大 中 小 發表於 27-1-2011 10:51  顯示全部帖子

引用:
原帖由 Diamond 於 26-1-2011 23:40 發表 我覺得最有特色就係用唔同顏色臘光紙包住的"南棗合核糕" 不過,我最中意食花街朱古力

 

記得,記得,依隻南棗糕,不過屋企從來都唔會買,而花街朱古力亦因太貴唔會買,而且亦唔鍾意食拖肥,太甜! 反而有隻金絲糖就正嘞, 仲有樂家杏仁糖都唔錯,不過都係只會去人地度拜年先有機會食!

TOP

占四谷

中級餅迷

Rank: 3Rank: 3
4# 大 中 小 發表於 29-1-2011 16:47  顯示全部帖子

引用:
原帖由 白鳥 於 29-1-2011 00:22 發表 利是, 瑞士

利士是嘉頓出的那一隻嗎？

 

到底有無餅友知我講個隻糖？形狀好似得力素葡萄糖(粒裝)，外硬內軟，有好多種味道，糖紙都好似得力素葡萄糖咁摺法，而糖紙頭個尾是同一顏色，如頭尾藍色，中間部份就白色，或頭尾紅中間白等，好似都係嘉頓出既，．．．

TOP

占四谷

中級餅迷

Rank: 3Rank: 3
5# 大 中 小 發表於 2-2-2011 23:08  顯示全部帖子

引用:
原帖由 BforBOY 於 29-1-2011 23:15 發表 係咪呢種糖呀? 而家重有得賣喎?

 

無錯就係依種, 我前兩日都响吉之島見番佢, 不過包裝紙唔同左, 我亦都見到那種叫史密夫糖困廠之類的橙味糖, 透明的, 大家記得嗎? 仲有發達糖添, 我即刻買番去懷緬一番, 哈!

TOP

占四谷

中級餅迷

Rank: 3Rank: 3
6# 大 中 小 發表於 3-2-2011 23:50  顯示全部帖子

引用:
原帖由 BforBOY 於 3-2-2011 01:17 發表   占兄恭喜你再度重遇至愛Candy!! 一於吞晒佢地落肚啦!!

我同你都估錯左, 最想吞晒佢地落肚既原來係D姪仔, 今日只係嚟左個零鐘, 差D俾佢地食晒, 好彩我私下收埋幾粒慢慢享用, 又一次證實: 料唔怕舊, 最緊要受!!!

TOP

占四谷

中級餅迷

Rank: 3Rank: 3
7# 大 中 小 發表於 8-2-2011 21:58  顯示全部帖子

引用:
原帖由 adamying 於 7-2-2011 17:40 發表 當然記得好好食, 都好耐未見過, 不過現在的全盒好多時少了糖冬瓜, 糖蓮藕, 糖蓮子等中國傳統糖果.

 

旋風朱古力, 記得記得, 但好似從來都未食過, 好簡單, 因為貴, 屋企絕對唔會買, 而家講起都好想食吓!

 

好同意adam兄既意見, 攢盒內面己很少見糖冬瓜, 糖蓮藕, 糖蓮子等, 瓜子還可以見到吓! 唔好忘記仲有朱古力金幣仔!!

 

好懷念細個時年廿幾跟阿媽去街市買攢盒入面既糖既情景, 各式各樣的糖幾大袋放晒响度, 斷磅計, 仍歷歷在目.....

 

係喎, 仲有一隻攢盒入面常見既朱古力, 唔知大家記唔記得, 長方形, 有兩塊包裝紙, 入面個塊係銀色類似錫紙, 外面係包唔晒成粒糖既, 只係圍住一個圈咁, 外面張紙有兩至三款顏色, 米白或棗紅, 唔記得仲有無其他款, 可有餅友知道係咩牌子? 

TOP

‹‹ 上一主題 | 下一主題 ››
發新話題