中級餅迷
貪得意將我家的貓貓畫下, 再印在水杯上, 效果不錯呢, !!!
查看詳細資料
TOP
原帖由 BforBOY 於 2-6-2011 00:23 發表 最好D杯上面既喵喵一冲熱水即刻變色!! 或者變狗狗!!
多謝 B 兄讚賞, 不過一沖水就變色, 嘩, 依 D 化學野加上依排 D 咩塑化劑新聞, 我恐防入面D 水飲左會中毒喎!
原帖由 虎榮 於 2-6-2011 00:18 發表 真系可以拎去賣都得! 正!
多謝虎榮兄, 不過成本都比較高, 我都係响D晒相鋪整, 似乎佢地食水都幾深....
原帖由 maymay 於 2-6-2011 18:00 發表 可以建立個品牌叫 Muigo Porsche 個名都幾高貴
多謝maymay姐, 嘩, 連名都提供埋, 好似法文名咁喎!!!
原帖由 East 於 1-7-2011 01:05 發表 其實, 占兄會唔會做D出來賣呢? 我對貓貓嘢好有興趣的!
東兄有興趣? 好呀, 等我幫你整番隻, 但成本較高九十多元一隻, 仲要等個幾禮拜先有喎! 不過東兄可有養貓?
原帖由 Athena 於 1-7-2011 22:34 發表 貓貓嘢我都啱咖……u_u
娜姐也有興趣? 但成九十多元喎, 是否真的要? 考慮清楚!!!
原帖由 Athena 於 10-7-2011 15:30 發表 俾吉吉搶咗閘講先。^^ (我死鬼咗嗰隻貓咁啱真係叫吉吉) 我識得幾間貓貓商品店，重有一兩個貓會同一批貓主，佢哋成日都會要貓精品架，有得諗喎。借張相幫你放上面書，同班貓友講句睇 ...
真係? 真係多謝晒 , 我都係一名貓奴!!!
原帖由 East 於 10-7-2011 22:40 發表 貓奴~~~咁大鑊!? 你屋企隻貓唔係巨大貓妖吧!
查實每個愛貓之人都不期然會成為貓奴, 每日為貓作工人, 清潔餵糧等等, 而貓貓不像狗狗般天生服從主人, 而貓貓的技倆則是天生懂得嗲人 及其優雅的儀態, 令主人冧晒, 人俘虜主人的心 , 讓主人甘心樂意為佢地做牛做馬! 自此便成為 ----------[ 貓奴 ] !!!
原帖由 天人豪鬼 於 11-7-2011 14:10 發表 最开心系当回到家，小猫们在门前欢迎你回来！走来嗲下你 所有吾开心的事••都马上吾记得晒！
完全認同, 天人兄一定都係愛貓之人, 有時甚至係訓醒一起身, 發覺貓兒身貼身睡在旁邊, 又或一起身貓兒便跳上床來繞著你轉圈也是賞心樂事!!!
原帖由 BforBOY 於 11-7-2011 22:12 發表 貓咪真係令人又愛又恨!! 阿B仔最愛士多貓!! 忽冷忽熱+愛理不理+若即若離+人見人愛!! 貓貓有性格〜我鍾意!!
其實貓對人唔係忽冷忽熱同愛理不理既, 只係表達方式不同, 比較含蓄唔似狗咁熱情, 雖然佢好似唔理你, 但留意下佢可以不在你視線範圍, 但你不會在佢視線範圍外, 你縱然看不見佢, 但佢必定在一角望住你, 其實貓好黐人，我嗰兩隻就跟出跟入嘞！！
原帖由 Athena 於 11-7-2011 23:48 發表 哈哈哈哈，我都可以話係貓痴一名。隻衰貓又吉吉專門偷我底底，突哂菇菇學人坐沙發，瞓醒發現一個二個貓屁股對住個鼻，雖然好乞人憎，但又好好笑……
我兩隻貓都成日肚腩向天咁訓, 訓覺時佢地又跳上嚟攪到好鬼逼!!! 係喎athena姐, 你話幫我放張相上面書, post 出嚟嗰三張OK嗎?
原帖由 虎榮 於 11-7-2011 23:26 發表 兩位都系愛貓之人! 我都系!
原來虎榮兄都係愛貓之人, 才醒起你的頭像都係貓, 好, 小弟就照著畫一隻送給虎榮兄!!!
原帖由 天人豪鬼 於 12-7-2011 11:06 發表 有次放假训过龙•••他们以为我吾知醒•••跳上床用了很多方法叫醒我
嘩! 貓貓仲有埋鬧鐘功能! 我那隻就成日朝早五點幾就開大, 仲要好大力咁掘貓砂, 好似叫我快D起身幫佢清理, 嘈醒晒!!! 死未!!!!
原帖由 懷舊復興 於 3-9-2011 09:00 發表 四谷兄畫風自成一格,而家一睇就知係你既佳作
多謝你讚賞就真, 其實粗製濫造而已, 談不上甚麼畫風, 只係鍾意畫, 成日畫, 熟能生巧啫, 與你的鐵甲萬能俠跟本不能同日而語, 相距十萬八千里, 幾時又有佳作呢?
