容我離少少題講一下。
我聽老爸講，從風水角度，現在世界已係行緊八運（2004-2023），七運兌卦（1984-2003），代表少女，主口舌，所以會有好多美嘅事物出現，用口搵食嘅人多數都會成功。阿梅、哥哥、Danny.......，造就左好多天皇巨星，佢地就係一個個好明顯嘅標記。
但佢地實在真係太有代表性，故七運漸退，八運漸臨，一個二個巨星們都開開漸漸退卻，甚至消失。更替至現在嘅八運，屬艮卦，代表少男，講實際（或實力），亦係後生仔嘅世界，但就已經係另一個不同嘅時空，所以今天已難再見到真真正正嘅巨星站係舞台上，企左上去個Ｄ，全都係未成氣候嘅少年，未學行先學走，點能獨當一面？
舊個一批亦已無力回天，即使今日俾你見返陳秋霞、曾路得、夏韶聲，佢地只能夠以長輩身份幫呢Ｄ後生指點一下而已。
