打印

1967year 香港暴動

kcl

禁止訪問

1^# 大中小發表於 28-8-2009 21:22 顯示全部帖子

照舊歌舞昇平

引用:

原帖由 hongkongman 於 22-11-2008 18:57 發表還有給暴徒燒死的林彬.http://i314.photobucket.com/albums/ll417/hongkongman_photo/HomeatLast1965-4-t1.jpg

前日商台五十週年台慶, 大老細何佐芝只談自己創台豐功偉蹟, 卻忘了表揚這位元老死臣, 連說聲緬懷的說話也沒有, 如果林先生地下有靈, 會否抱怨當日搵錯公司入錯行呢?!

TOP

kcl

禁止訪問

2^# 大中小發表於 8-9-2009 02:44 顯示全部帖子

引用:

原帖由 ddmmyy 於 2-9-2009 00:37 發表記得有人在其他論壇post過一張帖，大意是陳婉嫻在97-98年間接受某左報專訪，提及參與六七暴動，佢話無悔，又話方式正確.......... 早幾年又有一張介紹楊光及曾德成的......... 見到那兩張post，証據確鑿 ...

其實1967年暴動, 早在1966年中天星小輪加價斗零, 蘇守忠絕食抗議就開始醖釀, 至1967年夏天白熱化, 當年我在荔枝角道商舖工作, 時近黄昏, 眼見暴徒突然發難, 數十人手拿汽水樽擲向馬路行駛中的九坐位小巴和的士, 報復佢地唔聽話, 唔肯罷工, 嚇到街上行人鷄飛狗走, 老細叫我立刻拉閘提早收鋪, D差佬好耐先趕到嚟, 但D暴徒早已走清光.

同年七月中, 我在西環正街家中吃晚飯時, 突然聽到兩聲巨嚮, 後來又有救護車和警車聲, 原來呢次暴徒由多男茶樓附近天台投下土製炸彈, 一名路邊小販被活活炸死.

至於石硤尾暴動, 我記憶中應該是在1956年10月10日雙十節, 當時我在深水埗北河街尾皇宮戲院睇夜場, 但戲院突然中途散場, 隨着人羣走出來時但見遠處山頭火光紅紅, 差人四處封路趕人, 又放催淚彈, 那時我家住醫局街, 結果要兜幾個大圈先返到屋企, 十足亂世佳人個套片中走難情況, 原來當晚右派借意因為青天白日旗被人破壞而起事, 首先在青山道嘉頓放火, 而後到石硤尾到處放火搗亂. 我而家惗返起嚟先識得驚. 你如果相信天人合一學說, 近牌到處民情汹湧, 又加上天氣歷來怪熱, 這意味着.........

總之, 攪政治個班冇個好人, 係騎牆派, 一味識見風駛裡, 邊個有勢就巴結邊個, 提起佢地我就冇胃口食飯, 都係轉吓話題, 講吓飲食男女重好.

TOP

kcl

禁止訪問

3^# 大中小發表於 10-9-2009 00:56 顯示全部帖子

引用:

原帖由 tone 於 28-8-2009 22:41 發表原贴: http://hk.myblog.yahoo.com/hungfuchee-wantaichee/article?mid=5969

我認為商台移除林彬幅相, 係太過無情無義, 話晒佢都係因工殉職, 人地楊光都有大紫荊勳章, 點解商台唔打個金牌,賜個謚號比林彬, 真正係『飛鳥盡, 良弓藏, 狡兔死, 走狗烹』呢句話講得冇錯.

TOP

kcl

禁止訪問

4^# 大中小發表於 11-9-2009 21:33 顯示全部帖子

引用:

原帖由 KD1743 於 10-9-2009 16:53 發表冇計呀,土共要收番香港,而香港D狗官奸商根本就好似一班東德既stasi，幫俄羅斯人服務，唔係幫德國人服務

咁即係商台遲早都要變成土共電台? 商台自從愚珍上場, 施展渾身解數, 由黃毛ㄚ頭搖身一變, 成為今日嘅副倒屎長, 又炒晒班老嘢, 請埋晒葛文鷄之流講嘢冇離正經嘅人做DJ, 我惗商台第日變成鷄台嘅可能性好大.

TOP

kcl

禁止訪問

5^# 大中小發表於 13-9-2009 20:18 顯示全部帖子

引用:

原帖由 moneyismymoney 於 11-9-2009 22:55 發表愚憎仲想摺咗十八樓 C 座添,班播音員幾經辛苦才可保留.

十八樓 C 座諷刺時弊, 以前經常提到老懵董, 你地又知唔知老懵董D秘密, 老懵董佢老豆董浩雲係國民黨人, 四九年大陸淪陷時逃到香港經營東方海外船務生意, 所有船隊均懸掛青天白日旗, 七十年代初斥資購入前依利沙伯二世郵輪並重新裝修成一艘設備豪華的海上大學, 命名為海上學府, 當時為全世界最大之海上學校, 泊于美孚與青衣之間海面, 點知惹來土共眼紅, 就喺一九七二年一月裝修完畢, 在船上大宴親朋威威之際, 被土共特務於船上放火, 港英救火時又搏命射水, 結果將佢射沉, 打橫瞓咗喺海面, 不但講聲對唔住都冇, 重限佢三年內要清理晒呢單龎大海上垃圾, 董浩雲好夢成空, 為此事終日屈屈不得志, 捱咗十年而亡, 臨死前吩咐D仔, 謂漢賊不兩立, 定要為佢報仇, 否則莫認佢係老豆, 奇在副壽板竟然係國產頂級柳州木, 唔係台灣阿里山杉木, 亦唔係美國加州紅木, 更奇係後來老懵董屈身侍敵, 認賊作父, 投身土共作香港特首, 不過佢行政失當, 攪WOR香港, 丟清土共D架, 打爛班公務員嘅鐵飯碗, 已報港英當日射沉船之仇, 繼而進身人大政協, 會唔會攪LUM埋土共? 大家不防拭目以待.

TOP