風雲我由第一期開始期期買, 去到60期左右覺得每星期(定十日?)只係例行公事咁買黎睇, 係咁意睇兩睇. 但係我都買到100期左右.....先至放棄.
我成日唸...冇理由同一個人創作既漫畫可以差咁遠, 有師兄話中華英雄其實係劉定堅創作故事, 所以咁堅. 其實堅定留呢?
我成日想同馬榮成講, 一本漫畫成功唔係在乎畫功有幾好, 彩稿有幾靚. 馬仔就係錯在呢到, 我要睇靚畫我不如去睇畫展! 睇到呢個thread 既 brother post既英雄內頁, 我簡直熱血沸騰.
中華英雄經典在被公認為香港歷來最佳漫畫. 我亦相信會後無來者. 因為宜家香港人唔睇香港電影, 唔睇香港漫畫同唔睇香港波lu. 香港漫畫最後可能會被淘汰.
