中級餅迷
舊時,每張枱會擺放一支豉油仔,供客調味,依家冇
舊時,好多茶樓都有[炒銀針粉]車仔, 依家冇
舊時並沒有記錄咭,記錄你吃了幾多點心/食品,所以,伙計不會收你的籠仔/碟,埋單時,先同你逐籠仔/碟計算,但依家有 à亦因為這原因,兒時去飲茶總覺得張枱好凌亂
舊時大部份茶樓都要搭枱,(所以, 同一張枱,可能有幾家不相識的人一齊食野)依家好少茶樓有得搭枱(有果d,依家我唔會去 )
講住咁多先,各位Oldcake朋友,有沒有想到其他?
查看詳細資料
TOP
原帖由 ULTRA2020 於 29-6-2010 12:52 發表 以前食 "灌湯餃" 有個鐵兜仔，依家就冇左個鐵兜仔同埋升呢變左 “特點”以前D伙記個袋一定有張啤牌 ~ 依家D細路一定唔知點解 ~
呢張pair牌真係部長/伙計之寶
當張枱有鳳爪骨,牙簽,殘渣時,就係呢張pair牌出場嘅時候
只見部長/伙計以迅雷不及掩耳嘅速度,左手揸住一隻碟仔,右手揸牌,電光火石間已把殘渣掃入隻碟仔內
最令兒時嘅我大惑不解係,部長/伙計做完以上動作後,會將隻紙牌放回褸袋內
原帖由 ULTRA2020 於 29-6-2010 18:15 發表 以前一籠灌湯餃是左右兩隻的，所以很低食，同家姐一人一個，重要好小心 ~ 從個鐵兜仔將隻灌湯餃甩出來放落個腕仔，一不小心整穿左D湯就會漏晒出來，所以食灌湯餃係要好高技考的，可惜現在的灌湯餃只是一隻很大的湯浸 ...
依家d灌湯餃唔好食
原帖由 Athena 於 30-6-2010 11:46 發表 而家沒有菲林(芝麻卷)食啦.重有中式熱狗(腊腸卷)都唔見了豬肝燒賣同鵪鶉蛋燒賣都無咗間間鬥賣蝦餃頂點同d唔知乜鬼的創作點心壽司波羅包同啫喱都當係點心一碟仔價錢貴過一盒飯重有以前的酒樓不會有部長過 ...
有某d大集團酒樓仲有豬肝燒賣同鵪鶉蛋燒賣
但風味如何,有待討論
據聞九龍城街市熟食中心/羊X酒家都有豬潤燒賣食
記得兒時,每逢假日同家人去飮茶
係要自行搵位
經常要企喺一d食緊野嘅茶客後面等位,
俾壓力果d食晒野差不多要走嘅茶客
亦因為呢個緣故,
果時經常有茶客爭位口角事件發生
自從高义旗袍姐姐派飛仔嘅出現
呢個問題亦解決過來
