簡單講下本人與龍虎門嘅歴史: 197X年讀小五, 自問在班中畫公仔算見得人, 一日有一男同學對我講你我各畫一個王小虎比較誰的好, 我問 [王小虎係邊個 ?] , 一女同學即搭爹 [王小虎都唔識...有冇搞錯...乜你冇睇小流氓咩?]....確係冇睇過 
一來當時好純潔 , 飛仔漫畫 noway , 二來零用錢太小....為咗唔俾同學笑 , 當日放學即刻去梯口二手書檔搵期靚封面嘅過期書嚟參考 , 最後買咗8x期書名好似叫"虎豹豺狼" (唔知有冇記錯) 封面是王小虎單蹲地作V字手勢 , 第二日帶幅圖返學在小息時雙雙攞嚟給其他同學評審始知我倆都是畫同一期的王小虎 , 結果當然係我個靚 D 
從此欲罷不能....
記得出到98期就發生民間批判不良漫畫 , 黄玉郎首當其衝 , 所以98期"閻羅剎"脫期而漏買冇睇 , 之後出生報同金報才能繼續欣賞橫版"龍虎門"....直至火雲邪神除底面具原來咁後生 (失望...同我想像的神秘高手形象有D脫勾) 就冇再追 
好懷念"小流氓"時期的真功夫形式對戰較後期的天馬行空形實際及可觀 
[
本帖最後由 elvisyuen 於 2-9-2007 16:20 編輯 ]
