與其說暑期工, 其實唔以時間界定嘅話, 講講兼職吧!
-剪線頭, 一打起計, 好似大約幾蚊
-老麥, 文華中心果間已經摺咗, 果份油味至今記憶猶深
-旅行AGENT兼職, 年輕韓國人老細一口流利廣東話, 英文梗係冇得頂啦, 樣都真係唔錯. 最重要係學到幾句韓文旁身, 至今仍然受用
-補習, 大部份餅友都應該做過, 一對一, 百零蚊一粒鐘, 仲要住喺隔離大廈, 夫復何求呢
-必勝客, 檔次同人工成正比, MEAL都高質素啲, 記得限價食HKD41, 果隻消失咗嘅牛角仍然令人懷念
-茂利騙財公司, 兩星期唔落搭嘅正常人工至今仲係問號.
-大塊落, 九龍居住, 港島上班, 看似白領, 其實樓面跑腿
-保險公司打雜, 做FILING人工都有七千咁可觀, 抵佢發
數下數下, 原來我都做過唔少工作, 嘿嘿, 人生如此...
