麗的七十年代傑作，我記得包括魚腸劍(羅石青演專諸)、荊軻(郭鋒)、聶政(劉緯民)、刺馬(黃樹棠演張汶祥)、秋瑾(歐陽佩姍)、干將莫邪(徐小明演眉間尺)、大刀王五(又係羅石青)、費貞娥刺虎、呂四娘(劉志榮演雍正)、豫讓擊衣。當中潘志文也在很多單元演出，包括演干將、闔閭、徐錫麟、譚嗣同。
十個故事中有D好夾硬，例如秋瑾身份唔係刺客，就算槍殺恩銘的徐錫麟也不算。大刀王五亦唔係，干將莫邪只係改編魯迅的著名短篇小說《鑄劍》，呂四娘亦非正史。反而歷史上著名刺客要離冇拍到。 十大刺客有部份拍得唔錯，刺馬和聶政都模彷張徹經典電影《刺馬》和《大刺客》。我在1982年放暑假差唔多睇晒全部，係冇睇過擊衣。 刺馬一輯甚至後來在荃灣大會堂放映過。 我覺得拍得最好係魚腸劍、聶政同荊軻，畢竟係改編史記。
