版主
因為有oldcake們提到一些兒時的改編歌,所以開了這個帖讓大家回憶下
以下是oldcake會員Kal-El and kkeeleung 提過的廣告改編歌
「得力素葡萄糖」廣告歌
正版歌：美國既得力素，由細飲到老，純正葡萄糖，保証夠營養，立增體力，永保健康，任何飲品記得要加得力素，得力素葡萄糖。
改編歌：美國既雞毛掃，由細打到老，純正既籐條，打到你跳舞，十足出力，永冇健康，任何時候記得要用雞毛掃。
可惜搵唔到個廣告
仲有冇其他呢?
查看詳細資料
TOP
原帖由 foureyesfatboy 於 30-4-2008 13:20 發表 雞毛掃可能對好多老餅有d陰影.....
咁又係.......
以前D阿爸阿媽真係會打到跳舞架....所以作呢首歌真係經驗之談
um....四哥應該受過唔少皮肉之苦吧
原帖由 foureyesfatboy 於 30-4-2008 14:07 發表 哈哈...只是比老打過一次 我乖比佢地見到時. 只是口頭炳...不過都好勁
見到四哥發表過果D兒時既大膽事,仲以為會比您父母打得好勁好多次tim
以前D父母除左用雞毛掃,衣架都會用架,不過雞毛掃比較通行D咋
原帖由 kkeeleung 於 30-4-2008 18:18 發表 千奇吾媽諗住收埋哂喲籐條雞毛掃就無事. 想當年. 你估我吔班爸媽係死蠢咩, 咁就順手攞個衣架嚟 "嘔" 我哋.
都係架....如果比D爸媽知道左,嬲起上黎可能會''嘔''得更加慘烈
原帖由 Kal-El 於 30-4-2008 23:10 發表 冇錯, 果個時代, 唔止父母, 連學校嘅先生都興用雞毛掃既年代, 唔同依家, 雞毛掃只係要黎掃下架車....
係呀都聽過以前老師係可以體訓,唔知幾時開始禁止左
以前可能家家戶戶都擁有一支,但而家可能未必會有呢
原帖由 聰洛多薩比 於 1-5-2008 00:17 發表 講起... 雞毛掃真係超懷念...(不過唔係懷念用黎打我...我阿媽會用木棍打我架...仲痛... ) 因為雞毛掃可以清潔家居... 細細個好鍾意用黎... 免費幫人地架車掃塵... (貪得意囉...)
木棍 唔會好粗果D掛
好少聽見會用木棍,係見過一次..真係激到好嬲果時隔離有咩就拿起手黎用
原帖由 Kal-El 於 1-5-2008 00:57 發表 只要有3個小朋友帶支雞毛掃出黎, 就可以拐 伏魔三劍俠了....呵.....
其實呢個情景都幾攪笑
原帖由 kkeeleung 於 2-5-2008 13:44 發表 有無邊個哥哥仔唱過 .... 麥x奴叔叔做飛仔, 我哋醒目又生鬼, 咪睇我吔人仔細, 殺人放兼非禮....
係啦...有冇邊個哥哥仔唱過呢?
咁原曲係邊隻歌黎架?
原帖由 actionkamen 於 4-5-2008 00:18 發表 原曲乃麥當奴廣告歌我記得畫面開頭麥當奴叔叔彈鋼琴，跟住個三角琴蓋打開，有班漢堡包公仔唱麥當奴叔叔做早餐我地醒目又生鬼咪睇我地人仔細....................最後個句淨係記得改篇版
Oic.....Thank you~~
冇睇返個廣告真係一句都唔記得
咁我都講返一個,到大個都仲清清楚楚記得大部份既改編歌詞
點解咁記得?因為細個一聽到呢隻歌已經覺得D歌詞改得好好笑,所以到大個依然深刻
呢首係''生命麵包''既廣告歌
改編歌詞係咁:
生命麵包魔鬼製造~有雙陪維他命..(呢句唔記得有冇改到)
營養成份特別低！包包隔夜！片片發''毛''！
生命麵包魔鬼製造~屋企有佢點得~！
真係覺得好攪笑,而且覺得好慘,比人唱到咁差,但又笑C 喎
唔知您地又記唔記得正版果首係點唱既呢??我當然記得
原帖由 actionkamen 於 4-5-2008 12:43 發表 我想起個改篇茂昌茂昌無字號，茂昌眼鏡真恐佈，茂昌驗眼用尿布，茂昌眼鏡人人都話老土原庄茂昌茂昌老字號，茂昌眼鏡真可靠，茂昌驗眼用電腦，茂昌眼鏡人人都話佢仔
好笑
原帖由 Kal-El 於 4-5-2008 15:26 發表 聽過, 原唱係 "生命面包嘉頓制造" , 我仲記得的
係呀冇錯呀
咁您仲記唔記得之後果D呢?
原帖由 actionkamen 於 4-5-2008 17:14 發表 另有一曲，改篇版就淨係記得頭兩句！不過我唔打算寫出來 古有皇太后虛弱正堪憂良方配妙藥太醫展奇謀千辛與萬苦返城解困憂途中遇到風霜遺落民間得傳流
最記得呢句''古有皇太后'',但唔記得係咩廣告?
點解唔打出黎呢? 係咪衰得濟?
原帖由 actionkamen 於 4-5-2008 23:10 發表 係余仁生金牌白鳳丸古裝版廣告改篇版都幾衰㗎！
ic...
呢個廣告應該係近期D既廣告
原帖由 聰洛多薩比 於 5-5-2008 10:09 發表 我阿媽係少林奇兵黎丫嘛... 佢一出手就整個降龍伏虎陣你嘆下...
o下...原來您媽咪係武林高手
原帖由 Kal-El 於 5-5-2008 14:47 發表 記得d啦..... 有雙倍維他命, 營養成份特別高....跟住唔係好記得
又比您諗到三句
原帖由 阿誠 於 5-5-2008 20:11 發表 以前屋企三支藤條兩支比我整斷左仲有支唔知扔左去邊 從此衣架就代替左藤條來炆豬肉
三支咁多??阿誠仔,您應該唔會咁曳架
我真係想問呀,點解會有三支咁多呢??
果兩支比您整斷左既意思唔係因為打您打斷左丫嘛~ 講笑
原帖由 actionkamen 於 5-5-2008 22:46 發表 剛剛靈光一閃生命麵包嘉頓製造，有雙陪維他命，營養成份特別高！天天製造！片片新鮮
靈光一閃飛向您~~~~~~~~
已經差不多可以完成喇
係掙呢句''天天製造''唔係
仲有其實最後果句''屋企有佢點得''都好易諗,只要諗返相反就得
原帖由 聰洛多薩比 於 5-5-2008 23:51 發表 我好明顯係與世無爭架啦... 都係企向度比佢打架喇...
邊打得落手~
原帖由 聰洛多薩比 於 5-5-2008 23:56 發表 兒歌就唔係點記得... 不過近年既就記得有一個廣告...係咁既... 三隻白白豬...各自去搵屋... 豬哥哥無厘頭問路邊... 豬妹妹通街逛... 好彩有隻白白豬... 醒醒目目禁電腦... 港九到處樣樣款... 全部都睇到 ...
Thank you~
其實冇諗住而家仲會有呢D改編歌,以為唔興
