我實在唔知ninesons兄所講果套係乜嘢超人......，如果講環保，就一定係East兄講既電子分光人(係麗的而非麗的呼聲年代)。
但可以人頭搏芋頭，Ultraman第一輯一定係"吉田"，佢最後係比宇宙恐龍Z-Ton用火球打爆燈死既，而呢套亦係係無線做既第一套Ultraman，麗的做既時間，經已係79年既超力神勇俠(吉田)同神勇俠再顯神通(阿鄉)。
係Ultraman之前係Ultra Q，亦即係香港做既"地球保衛戰"，當中亦無巨大化既超人，而我亦可以寫包單講，麗的呼聲絕無做過Ultraman Series，更遑論第幾輯既Ultraman啦.....
就過往咁多代既Ultraman，就連係動畫咁大彈性既祖尼斯，都無出現過60比1咁大既場面，要引證既話，可以參考2006年既Mebius，呢套向Ultraman 40週年致意既作品，講到三萬年前超人之父同帝皇星人咁悠久既恩怨，都隻字無提過所謂60比1既呢個Ultraman角色，其次，當中亦搵返晒咁多代既Ultraman演員出嚟客串(除咗太郎既東光太郎外，但超人太郎點都唔會有人認為係第一輯)，咁多個超人由吉田、老七、阿鄉、Ace、太郎、尼奧、80 (之後唔講啦，係新一代啦)，每一個人既結局都清清楚楚，絕無任何一個比60怪獸或者6隻打死，而係Mebius中咁大場面，都係最多4打1或者幾對幾，好多時重要係車輪戰而唔係同台表演，所以ninesons兄一係就係度同大家開緊一個大玩笑，一係就記錯第二套特最(但咁壯觀既場面，係小弟印象中，真係未出現過，幪面超人打散仔都無啦，真係咁勁既話，無理由只有ninesons兄知道...)。
BTW，第2輯既Ultraman唔係阿鄉，係佳視做既七星俠，Ultra Seven。
[
本帖最後由 幻之聖騎士 於 21-6-2007 11:27 編輯 ]
