「自護國」人物 Vs 派系

亞力

高級餅迷

Rank: 4

1^# 大中小發表於 29-8-2007 15:35 顯示全部帖子

黑三連星: 蓋亞, 馬殊, 奧迪加係直屬姬絲莉亞少將既指揮. 佢地被委派到奧迪沙戰線協助馬古比作防衛及追擊木馬既任務. 雖然馬古比係前線司令, 但並無權指揮三連星部隊.

杜魯茲手下有: 松永真, 賈圖同迪拉斯.

TOP

亞力

高級餅迷

Rank: 4

2^# 大中小發表於 29-8-2007 15:52 顯示全部帖子

引用:

原帖由 矢作省吾 於 29-8-2007 15:43 發表我成日仲以為「賈圖」同「迪拉斯」係直屬「基利」既自衛隊?!

賈圖同迪拉斯係直屬杜魯茲既近衛隊. 所以響0083開始時講述杜魯茲既魔霸被高達擊毀陣亡後, 賈圖想拼死守衛所羅門, 但迪拉斯同佢講話主帥(杜魯茲)已經戰死, 要佢暫時撤出所羅門保留實力. 而杜魯茲就係當時所羅門既司令, 賈圖亦因為令聯邦軍傷亡慘重先至被稱為"所羅門之惡夢".

[ 本帖最後由亞力於 29-8-2007 15:54 編輯 ]

TOP

亞力

高級餅迷

Rank: 4

3^# 大中小發表於 30-8-2007 15:29 顯示全部帖子

引用:

原帖由 矢作省吾 於 30-8-2007 11:01 發表照咁睇 ~ 就算唔計將官質數, 淨睇「情報科」、「奧迪沙 - 礦山」、「突撃機動軍」、「新類型人部隊」同「潛水艦隊」既重要性, 「絲莉亞」應該係「自護」最有實力果個。「基利」究竟係憑乜嘢手段可 ...

因為基連係"湯"家既長子, 而且自護公國國王湯金將軍政大權比左基連掌管, 所以佢就順理成章"坐正". 由於姬絲莉亞係女兒身, 所以就算幾有才能都只會比基連制肘. 杜魯茲其實只算係一個有勇無謀既武將, 對基連唔會做成太大威脅. 至於加爾曼就更加只係一個黃毛小子, 最後死左都仲要比基連利用作收買自護國民既手段.

講到辦事能力, 姬絲莉亞可以話好有效率. 但到謀略方面, 基利絕對要比姬絲莉亞更為老練. 富野打從一開始已經有心將基連塑造成U.C.版既希特打, 就連佢響加爾曼國葬進行演講都模仿到好似歷史影片入面既希特拉一樣. 只可惜基連利用殖民衛星大砲殺死自己親生父王湯金比姬絲莉亞有產除佢既借口, 最後於亞巴奧被姬絲莉亞所殺.

TOP

亞力

高級餅迷

Rank: 4

4^# 大中小發表於 30-8-2007 15:34 顯示全部帖子

記得當年tvb播出時張基利一家改左中文名; 國王係湯金, 姓湯. 杜魯茲係湯義剛. 至於基利, 姬絲莉亞同加曼就唔記得左, 有無巴打仲記得?

不過當時不論tvb, atv都張卡通人物中文化. 就以0079為例; 李亞寶, 林有德, 馬沙, 德仔...

TOP

‹‹ 上一主題 | 下一主題 ››

「自護國」 人物 Vs 派系

引用:

引用:

「自護國」人物 Vs 派系