標題: 有冇人記得陽一輸過俾咩對手??? [打印本頁]
作者: 龍四 時間: 19-9-2006 14:07 標題: 有冇人記得陽一輸過俾咩對手???
有冇人記得陽一輸過俾咩對手???
作者: 9594 時間: 19-9-2006 17:38
中江兵太
作者: 龍四 時間: 20-9-2006 13:43
引用:
原帖由 9594 於 19-9-2006 17:38 發表
中江兵太
名都記得......
我自己印象中主角係輸過兩次
一次係同一個"阿媽"鬥通心粉(最後好似佢個仔做評判)
一次就係鬥整麵,win左可以拎新刀(主角好粗用佢老豆把靚刀)
呢次對手好似係個女扮男裝既女仔
作者: 側田代言人 時間: 24-9-2006 20:32
唔記得喇,
只係記得,一煮得好食D人會飛出太空.......好好笑.....
作者: 任因玖 時間: 4-12-2006 22:38
我記得有一集在香港比賽,
有主角,馬志良,同兩個人.........
好似係以海鮮比賽
最戇居的水上活動, 就是一個人跌進愛河.
作者: killero 時間: 5-12-2006 11:37
引用:
原帖由 任因玖 於 4/12/2006 22:38 發表
我記得有一集在香港比賽,
有主角,馬志良,同兩個人.........
好似係以海鮮比賽
作者: 任因玖 時間: 5-12-2006 12:02
引用:
原帖由 killero 於 5-12-2006 11:37 發表
冇錯仲要畫埋虎豹別墅 同 埋好多帆船泊係維港tim ar
同陽一對決既應該係劉虎峰
菜色好似係四色餃子
作者: killero 時間: 5-12-2006 16:24
都唔最 點解 陽一、美子 可以咁多假期成週圍去比賽
作者: 杜劍龍 時間: 28-12-2006 10:12
劉虎峰都記得, Killero兄好野!
作者: minicyy 時間: 23-9-2007 21:38
引用:
原帖由 龍四 於 19-9-2006 14:07 發表 
有冇人記得陽一輸過俾咩對手???
好似輸左比阿部一郎-七菜刀之一﹐係整漢保包
作者: elvisyuen 時間: 23-9-2007 22:19
引用:
原帖由 minicyy 於 23-9-2007 21:38 發表 
好似輸左比阿部一郎-七菜刀之一﹐係整漢保包
~路過~
minicyy兄, 相信你同我一樣做 CD-ROM 好耐到依家終于忍唔住要入嚟分享吓 D童年回憶 
歡迎 歡迎 
作者: minicyy 時間: 23-9-2007 22:34
引用:
原帖由 elvisyuen 於 23-9-2007 22:19 發表 ~路過~ minicyy兄, 相信你同我一樣做 CD-ROM 好耐到依家終于忍唔住要入嚟分享吓 D童年回憶 歡迎 歡迎
HAHA﹗咩做CD-ROM﹖唔明添﹗
作者: Anison 時間: 24-9-2007 23:02
搭訕之路人 :
Read Only, right? 
作者: 飛燕斬 時間: 21-4-2008 00:22
1. 輸俾上電視教煮野果個紅頭髮阿太—評判俾佢個仔，其實味道上陽一贏左，但係話老母整既野先係最好食。
2. 輸俾女扮男裝o既女仔—求瀧澤老人鑄菜刀時兩個比賽，瀧澤老人見陽一唔重視用緊o既刀，未試味就判佢輸。
3. 輸俾阿部二郎、及川薰二人組—漢堡包比賽雖然陽一贏，但有個訓醫院o既女仔認為二人組o既漢堡包至係最好食，至此二人組覺悟改邪歸正，陽一心入面都認為輸左。
4. 輸俾陽一個女朋友(唔記得乜名)同蟋蟀仔二人組—陽一同馬志良搵瀧澤老人磨刀，其間要同兩個料理白痴女仔比賽整冰琪琳，兩兜友仔以為自己贏緊所以好輕視佢地，結果全套卡通入面輸得最應呢鋪！
係記得咁多，中江兵太、劉虎峰和過未贏過；阿部一郎飛左個漢堡包俾陽一試味，攪到陽一失晒信心，但唔係正式比賽。
作者: 老孩子 時間: 15-8-2009 22:57
佩服, 咁好記性, 尤其係d 角色名.
2. 除左菜刀之外, 瀧澤老人睇得出 d 菜會出水, 整淋晒d 麵, 唔方好食.
其實o個次陽一毫無準備, 突然就比賽, 輸左都無野好講.
仲話記得瀧澤老人話陽一一味追求創新, 亂咁黎.
4. 美子同蟋蟀仔整的雪糕, 話有種只係女仔的甜味.
印象中美子整野食就麻麻, 但蟋蟀仔係馬志良助手, 應該唔會太差.
引用:
原帖由 飛燕斬 於 21-4-2008 00:22 發表 1. 輸俾上電視教煮野果個紅頭髮阿太—評判俾佢個仔，其實味道上陽一贏左，但係話老母整既野先係最好食。2. 輸俾女扮男裝o既女仔—求瀧澤老人鑄菜刀時兩個比賽，瀧澤老人見陽一唔重視用緊o既刀，未試味就判佢輸。3. 輸 ...
作者: assemby 時間: 17-8-2009 14:10 標題: 正確來說陽一只輸過一次
1)與江川太太比試通心粉,實際上是陽一羸的。江川太太的兒子因久未嘗到媽媽所煮的食物,才說媽媽所煮的才是最好味。在評審上是不公平的。所以應該是陽一贏的。
2)真正輸,是輸俾小吉(吉子),但不是輸在創意和技巧上,而是輸在不重視菜刀。瀧澤老人看這比味道更重。至於菜多出水破壞了味道,因時間傖促,陽一未有時間準備致敗,這不能算是在公平的環境和時間下的比賽。其後陽一兩勝小吉,反敗為勝,終取得由瀧澤老人所鑄的菜刀。
3)與美子和蟋蟀仔比試冰淇淋,不能算是真正比賽吧,似是閉門像是一家人在玩似的。其目的是要帶出不要驕傲,不要小看任何對手!讓他們的刀鋒磨得更加鋒利!
4)和阿部二郎、及川薰比試漢堡包是陽一勝了。阿部二郎、及川薰後來改用機械生產,結果大敗。連小女孩也不訂他們的漢堡包了,停止的日期正是他們開始轉用機械生產之時。陽一帶他們到醫院是希望阿部二郎、及川薰有所覺悟吧。雖然陽一說了一些佩服的話,但阿部二郎和及川薰也認輸了,所以應該是陽一勝了的。
5)補充的話---中江兵太和劉虎峰只和過陽一。在漫畫版,是講陽一輸俾兵太、流浪廚師、屢和堺一馬、和味仙人劉白鳳打成平手,最後與味皇大戰3個回合,戰績是1勝1和1負,和味皇打成平手!
作者: 老孩子 時間: 17-8-2009 19:53
引用:
原帖由 assemby 於 17-8-2009 14:10 發表 2)真正輸,是輸俾小吉(吉子),但不是輸在創意和技巧上,而是輸在不重視菜刀。瀧澤老人看這比味道更重。至於菜多出水破壞了味道,因時間傖促,陽一未有時間準備致敗,這不能算是在公平的環境和時間下的比賽。其後陽一兩勝小吉,反敗為勝,終取得由瀧澤老人所鑄的菜刀。
我的記憶 (唔確定):
好似之後只係一勝吉子? (燉蛋)
整金魚冷麵o個次, 好似只係陽一一個人自己煮, 令到瀧澤老人滿意.
同埋最後, 瀧澤老人好老土咁決定都整多把刀俾吉子
作者: assemby 時間: 18-8-2009 12:00
老孩子,你所說的不錯。首先解釋為何是兩勝小吉(吉子,無線譯作張吉)?其實打從一開始,比賽已經開始了。頭場,陽一在未有準備和不重視自己的菜刀下而致敗。瀧澤老人說了一些很嚴厲的話,說陽一連做廚師的資格也沒有。但瀧澤老人始終沒有把菜刀交給吉子(雖說在鑄治當中,但連口頭承諾也沒有!),似乎是在等陽一來似的!?當陽一來到,求瀧澤老人給予機會時,瀧澤老人並沒有拒絕(初時有反對,但當看到陽一燃起鬥志時就再沒有反對了!)。雖然,的確是陽一一個人在煮冷麵,但從瀧澤老人的評語和吉子的心底話,確實是陽一贏回了一仗。及後在茶碗蛋的比試中,如果陽一之前的金魚冷麵不計數的話,吉子大可以說只是一平一打和,再要求陽一比試也行,但她沒有,還在這次決戰之前下了戰書,講明是最後的決戰。證明吉子已經承認之前陽一的金魚冷麵獲勝了!(其實她知道第一場比試是不公平的,所以當陽一的金魚冷麵獲得認同時,她也不能再多說了,不然她大可以不認同,但她也沒有不認同。)最後,其實不是瀧澤老人老土再做多把菜刀給吉子,而是吉子做了竹筒蒸蛋感動了瀧澤老人,瀧澤老人才為吉子做一把菜刀。(一開始已經講瀧澤老人很嚴,不會隨便把菜刀給人,能得到菜刀的只有少數人而已。)
作者: 老孩子 時間: 19-8-2009 01:53
勁, 無你諗到咁深入.
我的記憶:
瀧澤老人的確好少幫人整刀, 好嚴, 兼且, 當時整緊的 (吉子想要的) ,
係瀧澤老人整的最後一把, 整埋就退休.(唔肯定)
點知攪完一大輪, 最終陽一有一把, 吉子又有一把, 皆大歡喜.
[瀧澤老人老土再做多把菜刀給吉子]
[瀧澤老人才為吉子做一把菜刀]
兩樣意思差唔多咋喎~~
作者: assemby 時間: 20-8-2009 11:24
但你用了"老土"這個詞語,似有貶意。但我所要帶出的是;不是吉子不行,所以瀧澤老人可憐她,才做一把菜刀給她。而是瀧澤老人看到吉子的心和手藝是配有一把菜刀的,所以他才破例再為吉子做一把菜刀。這是老土嗎!?還是你想說是肉麻!?但我看到的是,瀧澤老人都有柔細的一面的!光有威嚴,看事物就不會通透!必需配合柔細的心,看事物才看得全面。我看到瀧澤老人都有人情味的一面呢。看卡通片還是用小孩子的角度去看就好了。(小孩子通常會說,好野,陽一哥哥和吉子姐姐都得到瀧澤老人的菜刀了!伙頭智多星好好睇呀!唔知陽一哥哥跟住會點呢............)如果你真的愛看伙頭智多星的話,相信你不會用老土來形容吧!
| 歡迎光臨 經典日本特撮●動畫●卡通回憶 (http://www.oldcake.net/) |
Powered by Discuz! 6.0.0 |