經典日本特撮●動畫●卡通回憶

標題: 唔洗用電的收音機 [打印本頁]

作者: foureyesfatboy 時間: 10-3-2007 14:09 標題: 唔洗用電的收音機

有無老餅玩個唔洗用電只要接通天地(水)線, 便有野聽的收音機

好好玩的.....(x x) 收音機. <--有無人知道個名. 我知比你地蠱!

作者: 細拉 時間: 10-3-2007 14:34

好似叫「礦石」收音機。收到訊號，整流，然後用耳機聽。當時所謂「礦石」者，係一粒整流二極管﹝符號大約係 →├﹞。聽講最早期係用一 D 天然晶石做半導體，所以稱為礦石。不過，只係 AM 時代先至有可能，對住 FM 訊號，就無能為力啦。

last，唔好鬧我混桔 .... 我未玩過。

[ 本帖最後由細拉於 10-3-2007 14:37 編輯 ]

作者: foureyesfatboy 時間: 10-3-2007 14:50

yes, 礦石收音機. 用二極管 -->|--通常用 1N60 早期D用 1N34 不過好難買. 再早D係有個礦石座...只是見個相用真的礦石, 以前有個亞伯同我講係藥材鋪有礦石買. 不能用普通耳機因為增益唔夠所以要用晶體耳機(宜家都幾難找). 我重記得個線路.

AM年代有好多唔同收音機制作法.....

[ 本帖最後由 foureyesfatboy 於 10-3-2007 19:26 編輯 ]

作者: 細拉 時間: 18-1-2008 18:04

引用:

原帖由 foureyesfatboy 於 10-3-2007 14:50 發表 AM年代有好多唔同收音機制作法.....

原來上次回話差不多一年前。

講開就不如講多 D。AM 年代有好多種制式、玩法，記唔記得一種「再生式」收音機？

作者: foureyesfatboy 時間: 19-1-2008 08:05

引用:

原帖由細拉於 18-1-2008 18:04 發表原來上次回話差不多一年前。講開就不如講多 D。AM 年代有好多種制式、玩法，記唔記得一種「再生式」收音機？

很久無見...一年了.

再生式收音機當然記得啦! 應該重有超再生式 tim...

印象中重有幾隻唔同放大方式用於接收機中. 高放式及現今大部分收音機都用的超外差式同有隻好似叫參量放大(應該無記錯不過唔知點運作)

再生式是把訊號用同一放大線路再次放大從而得到最好的放大. 好似以前d膽擴音機用負回輸線路(不是同一樣野).

好處是零件小成本底. 不過失真高有好多雜音同尖叫聱. 以前好多小朋友WALKI TALKI 都用再生式做接收.

我重有線路圖, 如果找到出來scan比大家睇吓, 同良心線路唔同 simple好多多多多多多.

有無玩過 SW(唔係SM) 短波收音機是收音機頻道中最好玩.

作者: 細拉 時間: 20-1-2008 01:04

響物資昂貴0既年代，重有一種「來複式」線路。一管﹝晶體管﹞兩用，先做高頻放大，檢波後將音頻回授到同一隻晶體管，做低頻放大，真係慳家到痺。

當時 D 書仔教要用 2SC 字頭0既 NPN 管，因為頻應夠寬闊可以同時應付高頻及低頻訊號。

現時網上重可以搵到呢類線路。

都係果句 .... 我係運桔0既。

除左 D 會干擾人0既 FM 咪之外，其他類型收音機都未玩過。試過焊好一部，唔識響，死未？

[ 本帖最後由細拉於 20-1-2008 01:11 編輯 ]

作者: foureyesfatboy 時間: 20-1-2008 12:04

引用:

原帖由細拉於 20-1-2008 01:04 發表響物資昂貴0既年代，重有一種「來複式」線路。一管﹝晶體管﹞兩用，先做高頻放大，檢波後將音頻回授到同一隻晶體管，做低頻放大，真係慳家到痺。當時 D 書仔教要用 2SC 字頭0既 NPN 管，因為頻應夠寬闊可以同時 ...

我會小了來復式.... 真是. 來復式是我又愛又恨的收音機製作. 我從來都做唔到一部. 因為在當中有一個零件是找不到.

是最重要的高頻扼流圈...走片香港同鴨寮街都找唔到. 最常用的是 2mh 或 4mh.

2SC XXX 是日本原子粒的偏號. 2SC XXX 是中高頻用. 低頻是2SD XXX. 是 N P N 型管.

2SA XX 是高頻管 2SB XX 是低放管. 它們是 P N P 型管.

我都是一個只識皮毛的肥佬.

歡迎光臨經典日本特撮●動畫●卡通回憶 (http://www.oldcake.net/)