經典日本特撮●動畫●卡通回憶

標題: 幻海奇情 [打印本頁]

作者: 柴灣20座Thomas 時間: 11-9-2006 15:06 標題: 幻海奇情

意思是打麻雀,不可以連續打出四隻西.劇情都幾恐怖.............

作者: spectreman 時間: 11-9-2006 17:55

依齣未算驚。有兩齣由周潤發做嘅好心寒。一齣講佢去條村飲撞鬼，後來才知全村人死於瘟疫。劉嘉玲仲扮冇面新娘。另一齣講周潤發在電梯內行劫"賣鱼胜"，仲殺死佢，然後隻鬼報仇。正！

作者: b8808800 時間: 12-9-2006 00:30

係唔係有一段講楂車, 原來架車係紙扎黎?

作者: toby 時間: 12-9-2006 01:59

四人歸西...我仲好深印象,因我也覺得好驚!!打麻雀時也好驚~~~ "打完麻雀後,被老公接走回家....不久他老公又再回來接她走,雀友立刻互相對望!!原來剛才接她走的並非她老公...."

作者: milmil 時間: 12-9-2006 20:45

引用:

原帖由 toby 於 12-9-2006 01:59 發表四人歸西...我仲好深印象,因我也覺得好驚!!打麻時也好驚~~~ "打完麻雀後,被老公接走回家....不?

更係記得喇! 佢地係第一圈一開始每人連續打左一隻西, 點頭個三都死左, 佢知道如果過左12:00就會冇事, 好衰唔衰, 有人晚夜話要打牌, 呀"上官玉"就等到收音機報左時係12:00佢老公"關健"黎接佢, 點知走左之後,原來係......未到12:00點架!

作者: 任因玖 時間: 12-9-2006 22:46

老婆係白茵，宅老公係劉丹最戇居的水上活動, 就是一個人跌進愛河.

作者: kidult 時間: 14-9-2006 21:48

幻海奇情最經典最恐佈都算係呢兩集囉（四人歸西同發哥果套）。我記得有一集係李志忠同盧海鵬做o既，好似叫做"忍"。有相士忠告李志忠，叫佢凡事要忍，結果李志忠因為忍得住氣而避過一劫，而盧海鵬就做o左佢替死鬼。

作者: schan 時間: 15-9-2006 17:59

四人歸西tvb做過兩次，第一次係70年代的幻海奇情，最記得係譚泉慶做「12點鐘勾魂使者」，驚到我夜晚唔敢瞓。

作者: 任因玖 時間: 15-9-2006 22:00 標題: 幻海奇情

所有幻海奇情都講得!!!!

作者: carkei 時間: 16-9-2006 23:01

最記得有一集係周潤發做主角，去到一條村到過了一晚，第二天看報紙才發現原有條村d人因鼠疫死晒，原來昨晚村內的人是~~~~~~~~~~~~~

作者: 任因玖 時間: 17-9-2006 02:53

係呀!!! 好似係去飲酒!!!!! 最戇居的水上活動, 就是一個人跌進愛河.

作者: 任因玖 時間: 17-9-2006 10:59

仲有一套叫"鬼槍"!!!! 陳欣健的我都好有印象最戇居的水上活動, 就是一個人跌進愛河. [ 本帖最後由任因玖於 17-9-2006 11:03 編輯 ]

作者: spectreman 時間: 17-9-2006 14:58

周潤發做嘅都好驚㗎！

作者: 任因玖 時間: 18-9-2006 01:27

仲有好多的..... 大家記唔記得有一集係"陳積"做主角的!!!!? 有日佢突然得到三個願望, 佢立咗願望後,發生咗d嘢. 大家有無印象!? 最戇居的水上活動, 就是一個人跌進愛河.

作者: carkei 時間: 18-9-2006 18:41

記得有一集係大L 做的講佢有一日看到一份明天的報紙，話佢死於車禍，於是佢整天唔出街，點知在家中被一架從家中二樓跌下的玩具車揼死......... 報紙報導「離奇車禍...」

作者: spectreman 時間: 18-9-2006 18:48

記得。佢已經唔出街，但就俾個仔部 toy car 由樓上跌咗落嚟掟死。

作者: kidult 時間: 18-9-2006 23:06

幻海奇情最經典最恐佈都算係呢兩集囉（四人歸西同發哥果套）。我記得有一集係李志忠同盧海鵬做o既，好似叫做"忍"。有相士忠告李志忠，叫佢凡事要忍，結果李志忠因為忍得住氣而避過一劫，而盧海鵬就做o左佢替死鬼。

作者: 任因玖 時間: 19-9-2006 19:49

引用:

原帖由 任因玖 於 18-9-2006 01:27 發表仲有好多的..... 大家記唔記得有一集係"陳積"做主角的!!!!? 有日佢突然得到三個願望, 佢立咗願望後,發生咗d嘢. 大家有無印象!? 最戇居的水上活動, 就是一個人跌進愛河.

陳積首先希望好有錢, 佢個第一個願意實現了. 佢立即成為一個富貴. 但係,有一日想追一個女仔, 點之個女仔唔制, 陳積佢好唔順, 之後佢即刻許第二個願意, 佢希望"所有女人都like佢" 之後,真係所有女人都飛埋佢度, 不過,就係咁,佢有咗"aids", 佢即刻許第三個願意, 就係"不死" 願望最終實現了, 點知,到咗三百幾年後, 佢都死唔去, 做咗一個殘廢的人, 想死都死唔去

最戇居的水上活動, 就是一個人跌進愛河.

作者: spectreman 時間: 20-9-2006 12:19

有時幾有教育意味㗎！

作者: 任因玖 時間: 21-9-2006 11:16

仲有無其他!? 最戇居的水上活動, 就是一個人跌進愛河.

作者: 呢蚊T 時間: 25-9-2006 14:00

有上官玉o個套"四人歸西"應該係"歡樂今宵"時段播o既"夜驚魂"~~唔係"幻海奇情"~

作者: 高立 時間: 25-9-2006 16:21

引用:

原帖由 呢蚊T 於 25-9-2006 14:00 發表有上官玉o個套"四人歸西"應該係"歡樂今宵"時段播o既"夜驚魂"~~唔係"幻海奇情"~

我等你好耐喇 ! 其實我都記得唔係"幻海奇情"喇 ! 因為"四人歸西" 係後期d嘅作品 , 但我始終唔記得叫咩名 , 多謝你提點 !

作者: adaho 時間: 27-9-2006 06:16

"四人歸西"好驚架.....仲有盧海鵬"1100"....攪到細個果陣我到11點就驚一驚.....

作者: TIP 時間: 10-10-2006 13:44

來來去去,好似只有這幾個故事較多人記得,可能只有這幾個故事真的寫得好!

作者: 高立 時間: 13-10-2006 11:03

居然已經有人擺上網 ! http://www.youtube.com/watch?v=RZlcggMV4Dc http://www.youtube.com/watch?v=LHMMgdRJ-ns [ 本帖最後由高立於 13-10-2006 11:04 編輯 ]

作者: 高立 時間: 13-10-2006 11:08

有得睇啦 ! http://www.youtube.com/watch?v=egFFFBW0sJ8 http://www.youtube.com/watch?v=VxMPbvwBQdc 兩集都好似未完 ?

作者: spectreman 時間: 13-10-2006 12:59

引用:

原帖由高立於 13-10-2006 11:08 發表有得睇啦 ! http://www.youtube.com/watch?v=egFFFBW0sJ8 http://www.youtube.com/watch?v=VxMPbvwBQdc 兩集都好似未完 ?

Ｄ VCD 借晒出去未有得睇，你 E 兩集用來頂吓㽼都唔錯啫！

作者: spectreman 時間: 13-10-2006 13:01

引用:

原帖由高立於 13-10-2006 11:03 發表居然已經有人擺上網 ! http://www.youtube.com/watch?v=RZlcggMV4Dc http://www.youtube.com/watch?v=LHMMgdRJ-ns

Thanks for the links.

作者: actionkamen 時間: 30-10-2006 22:36

請問有無人記得葉尚華做個輯呀！好似係佢去一間工廠見工，其間有個人請佢食個飽，佢食一啖就無繼食；後來佢返去原址，發現間工廠響佢見工前已燒o左，仲見到佢自己食淨個飽已經發霉......嘩！個時勁驚呀

作者: spectreman 時間: 31-10-2006 15:22

引用:

原帖由 actionkamen 於 30-10-2006 22:36 發表請問有無人記得葉尚華做個輯呀！好似係佢去一間工廠見工，其間有個人請佢食個飽，佢食一啖就無繼食；後來佢返去原址，發現間工廠響佢見工前已燒o左，仲見到佢自己食淨個飽已經發霉......嘩！個時勁驚呀

e齣....

...冇咩印象...反而另一齣叶尚华攪人(住客)老婆(好似係徐桂香)，被嗰老公施計在天台推落街就記得。

作者: oldcat 時間: 12-1-2007 16:29

關海山俾自己個私家看護害死, 響幅畫度行來行去.....林建明唔信自己個老公死左, 響間屋度服侍棚骷髏骨幾年.....

作者: infinity 時間: 3-5-2007 19:43

引用:

原帖由 任因玖 於 17-9-2006 10:59 發表仲有一套叫"鬼槍"!!!! 陳欣健的我都好有印象最戇居的水上活動, 就是一個人跌進愛河.

呢一集我幾歲睇過一次就難以忘懷, 直到幾年前出 VCD 睇番真係勁開心 ~

"四人歸西" 就一定係經典第一位, 如果唔係都唔會放響 Disc 1 ~

作者: Potato 時間: 4-5-2007 00:48

我自己最記得就係發哥嗰套。還有一套都好恐怖，是甘國亮做，內容大1致講有班後生仔露營時遇見甘國亮，甘國亮告訴他們自己的經歷，成日覺得自己被人監視住，好似有對眼看住自己，總之，其實甘國亮已經死咗。詳細唔記得，但d鏡頭、氣氛，加埋當年甘國亮個樣真是十分恐怖！有無巴打記得？

作者: 燒賣 時間: 4-5-2007 02:36

引用:

原帖由 Potato 於 4-5-2007 00:48 發表我自己最記得就係發哥嗰套。還有一套都好恐怖，是甘國亮做，內容大1致講有班後生仔露營時遇見甘國亮，甘國亮告訴他們自己的經歷，成日覺得自己被人監視住，好似有對眼看住自己，總之，其實甘國亮已經死咗。詳細 ...

喺佢屋企牆上, 有自己個樣, 仲聽到恐怖笑聲.. ...就算攞紙遮住都聽到

作者: johnnybravo 時間: 4-5-2007 02:58

看見有人又提起「幻海奇情」, 係時候將呢個帖浮番上面, 等大家欣賞番呢齣經典的「四人歸西」了! Youtube內還可以找到其他好多幻海奇情劇集

[ 本帖最後由 johnnybravo 於 4-5-2007 03:05 編輯 ]

作者: adamying 時間: 4-5-2007 03:15

細細個真係好驚,所以少數記得好清楚鬼故之一.

作者: foureyesfatboy 時間: 4-5-2007 08:42

係呀真係好鬼驚.....到 E+ 打親麻雀都想起....連打電腦牌都有陰影....

作者: fivefive55 時間: 4-5-2007 17:06

幻海奇情的故事有部份是改編西洋靈幻小品,日本鬼故事,張宇的故事,四人夜話等....

甘國亮個part百分之九十是改編自西洋小品...好似叫"西蒙牆".....

發仔個有part少量取材一個日本鬼故事....那個故事講個農夫去隣村做散工,十數日後,某晚他回家,發覺家人及隣居行為古怪,晝伏夜出...他被老婆責罵日上三竿都不下田...不過他清楚看見屋外是漆黑晚上....後來他發覺事情越來越不妥....慌忙跑到隣村.......他從隣村的行腳商人得知他的鄉村十天前發生瘟疫,幾日內全部村民都死去(包括農夫的家人),

作者: fivefive55 時間: 4-5-2007 17:44

葉尚華做雜工個part...

失佐業的葉尚華去占卦佬處問卦....占卦佬話他流年不利,晦氣滿面...不會輕易找到工作...

葉尚華去到工廠區,無意中發現一張工廠招聘雜工的街招...他小心的撕它下來(兩個途人見到葉尚華在空白的牆壁前手舞足動,偷偷笑葉是神經病),放入口袋...

葉尚華照著招紙的地址摸上一間小型製衣工廠...工廠的經理聘用他做夜班雜工....葉尚華工作了數晚就跟女工相熟起來....他們閒聊睇大戲,飲食.....

不過葉尚華不明解她們事物...例如戲院的位置.....她們說的戲院已經拆卸....她們說的一切隱約是十幾年前的事物..

某晚,眾女工建議食夜宵...由葉尚華去買雲吞麵....她們夾錢給錢葉尚華,明顯給少許多(她們是給十幾年前的麵食價錢)...葉尚華以為她們屈請食宵夜...苦笑了事....跟著一個女仔給葉尚華一個拜神的紅包,說請他食.....葉尚華咬了一口時,經理叫喚他...他放下紅包匆匆走入經理室............................................

另一個故事是改編西洋小品...

內容講個男人坐在窗沿嚷著跳樓,警方派談判專家跟事主傾講....談論專家爬出窗外勸止對方跳樓....談判專家越坐越近對方....突然對方作出想跳的樣子,談判專家情急之下伸手扶對方....對方反過來順勢推了談判專家一下.............最後談判專家失足墮樓...意外身亡.......

原來談判專家跟男子的妻子有奸情....男子用跳樓來引對方出現....然後做成對方失足意外墮樓....

作者: foureyesfatboy 時間: 4-5-2007 23:31

引用:

原帖由 fivefive55 於 4-5-2007 17:44 發表葉尚華做雜工個part... 失佐業的葉尚華去占卦佬處問卦....占卦佬話他流年不利,晦氣滿面...不會輕易找到工作... 葉尚華去到工廠區,無意中發現一張工廠招聘雜工的街招...他小心的撕它下來(兩個途人見到葉尚華在 ...

葉尚華.....出糧個日收到個信封...買野時全部都係.....舊時D錢. 他回工廠問原因....回到去個工廠滿是塵. 原來D同事都係時裝公仔......最為心寒是他見到自己食個半個飽...

作者: Potato 時間: 5-5-2007 01:04

我都記得葉尚華嗰集。還有一集是較後期的，劉江做個自閉裁縫，鍾意咗個熟客，又唔敢開口，點知個客有日話要結婚，劉江受打擊下將個model公仔當做個客，日日自言自語，最後攬住個公仔入咗精神病院，重跳樓死咗。D氣氛好得人驚。

作者: Potato 時間: 5-5-2007 01:09

引用:

原帖由燒賣於 4-5-2007 02:36 發表喺佢屋企牆上, 有自己個樣, 仲聽到恐怖笑聲.. ...就算攞紙遮住都聽到

果然有巴打記得，我覺得最得人驚就是這幕，對眼不知幾恐怖，嚇到我死。

作者: 九記 時間: 5-5-2007 02:43

引用:

原帖由 Potato 於 4-5-2007 00:48 發表我自己最記得就係發哥嗰套。還有一套都好恐怖，是甘國亮做，內容大1致講有班後生仔露營時遇見甘國亮，甘國亮告訴他們自己的經歷，成日覺得自己被人監視住，好似有對眼看住自己，總之，其實甘國亮已經死咗。詳細 ...

最恐怖既一套，比發哥果集恐怖

作者: foureyesfatboy 時間: 5-5-2007 03:50

印象中有集蔡楓華做係唔係?

好似講露營回來之後好多怪事.....好似發夢....有一幕你廚房煲湯見到有野係D湯裡面.....

有無一集係咁...定係我以為有集係咁....

作者: 人仔貓 時間: 10-5-2007 01:24

我記得好似發哥果集話佢用相機幫班村民影相，但從相機鏡頭中見倒既全部係花樽古董...

同埋之後佢發現D村民係果味野後即時拉住嚴秋華隻手叫佢一齊走，

點知嚴秋華話: 你走都唔駛攞埋我隻手走架.....

甘國亮果集幅牆上本來只係有個好似畫上去既人樣，跟住佢用紙遮左佢，

點知冇幾耐張紙甩左竟然見倒隻真眼！...此一赫對當時細路既我真係非同小可....

另外晌報紙上寫住佢個死法好似係身首異處....

[ 本帖最後由人仔貓於 10-5-2007 01:33 編輯 ]

作者: 幻之聖騎士 時間: 1-6-2007 09:30

睇咗咁多，反而唔見有人提葉尚華係工廠食义燒飽，約女工買飛睇戲，之後發現間工廠原來火燭燒死晒d人果集......

作者: szfuwing 時間: 5-7-2007 23:23

四人歸西同埋周潤發去左瘟疫村o個兩套我都睇過。

尤其係周潤發o個齣，講佢入左村之後，成條村d人好怪，最記得係有段講擺酒，D字係白底黑字，唔係平常的紅底金字。呢幕印象好深刻

作者: East 時間: 6-7-2007 00:14

我還記得個細路同周潤發講........比番隻手我..........

作者: 袖子 時間: 23-7-2007 21:26

四人歸西同發哥嗰兩集固然精彩，細個嘅時候真係比佢嚇死。

大家記唔記得有一集好似係盧大偉做，講有個神仙比咗個陀錶佢，只要按一按便可把時間停下來，他便時常按隻錶，當時間停頓，啲人就全部靜止不動，結局係佢按停啲人後唔覺意跌爛咗隻錶，從此隻錶就唔work la.

作者: East 時間: 24-7-2007 12:57

我也有印象. 但後來知到這故事是抄"迷離境界"(Twilight Zone)

其實, 當年有不少幻海奇情的題材也是來自Twilight Zone(黑白版)

作者: 燒賣 時間: 24-7-2007 13:28

引用:

原帖由 Potato 於 5-5-2007 01:04 發表我都記得葉尚華嗰集。還有一集是較後期的，劉江做個自閉裁縫，鍾意咗個熟客，又唔敢開口，點知個客有日話要結婚，劉江受打擊下將個model公仔當做個客，日日自言自語，最後攬住個公仔入咗精神病院，重跳樓死咗。 ...

嘩.......幾恐怖

作者: yiyi2hk 時間: 30-8-2007 15:03

我好有印象四人歸西呢套, 個時好細個, 都唔知睇到幾驚, 其實好多都無睇..因為真係

作者: mythz 時間: 1-9-2007 21:31

「四人歸西」簡直是經典中的經典，就算而家D人打麻雀，都唔敢連出四隻西！

「幻海奇情」中我認為最恐怖的情節，由甘國亮主演，故事大綱已經唔係好記得，

大概好像講「甘」搵唔到野做，每晚在床上自怨自艾，床邊的牆上起初有"達"污漬，

經一段日子後變成怨氣，該污漬漸漸成人面輪廓，還在每晚發出笑聲，其後更變為明顯的人面，

笑聲更比以前厲害，當「甘」感到恐懼時，用報紙來遮蓋牆上的污漬，其後「甘」神智不清而走到火車軌自殺，

當「甘」死後，鏡頭就轉到去那幅貼滿報紙的牆上(亦是最恐怖之處)，報紙突然脫落，一對真人的眼睛繼而張開。

作者: mythz 時間: 1-9-2007 21:46

「幻海奇情」我看過一齣不單止唔恐怖而且仲好搞笑的，唔知大家有無印象？

故事講「吳孟達」巧遇得到一些能力，而這能力是可以睇穿人心，知道人地諗乜，

過中笑料百出，到最後這能力當然是消失了。

作者: 東加豆 時間: 3-1-2008 11:27

oh.........真係超經典.....

岩岩係 youtube 睇翻......好回味丫!

即刻 send 比我 d 哥哥們先!

p.s. 呢到真係令我有好多回憶....好正! tks!

作者: fumoon 時間: 3-1-2008 13:07

之前見TVB出返VCD....點知得一半係幻海奇情, 其他係夜驚魂.....

點知出咗六隻就玩完...

作者: 東加豆 時間: 3-1-2008 14:13

引用:

原帖由 fumoon 於 3-1-2008 13:07 發表之前見TVB出返VCD....點知得一半係幻海奇情, 其他係夜驚魂..... 點知出咗六隻就玩完...

因為當時太細個, 都唔知幻海奇情實質整套片是怎樣一回事...

與現在出的幻海奇情分別有多大? 原本又係點?

作者: fumoon 時間: 3-1-2008 14:22

引用:

原帖由 東加豆 於 3-1-2008 01:13 發表因為當時太細個, 都唔知幻海奇情實質整套片是怎樣一回事... 與現在出的幻海奇情分別有多大? 原本又係點?

同一樣嘢.....不過你可以從d cast知道有幾舊

作者: 東加豆 時間: 3-1-2008 14:41

引用:

原帖由 fumoon 於 3-1-2008 14:22 發表同一樣嘢.....不過你可以從d cast知道有幾舊

哦...你意思 tvb 今次出的幻海奇情 6隻 VCD 係.....

1. 只是幻海奇情的部份單元劇, 不足本.

2. 是大部份幻海奇情的單元劇再加其他單元劇但用幻海奇情的名

還是....其他?

p.s. 丫豆真係多問題...^_^!! 不過睇番呢 d 劇, 見到個 d 交通工具, 建築物...年輕演員...真係好回味^^

[ 本帖最後由東加豆於 3-1-2008 14:43 編輯 ]

作者: fumoon 時間: 3-1-2008 14:50

引用:

原帖由 東加豆 於 3-1-2008 01:41 發表哦...你意思 tvb 今次出的幻海奇情 6隻 VCD 係..... 1. 只是幻海奇情的部份單元劇, 不足本. 2. 是大部份幻海奇情的單元劇再加其他單元劇但用幻海奇情的名還是... ...

1).....

得一半係幻海奇情.....

作者: 東加豆 時間: 3-1-2008 14:56

引用:

原帖由 fumoon 於 3-1-2008 14:50 發表 1)..... 得一半係幻海奇情.....

哦....明白!

tks!

作者: 聰洛多薩比 時間: 22-1-2008 21:35

哦...

原來幻海奇情係幾十集既小短篇黎既...

係唔係真係好恐佈架???

作者: 回憶 時間: 1-3-2008 18:52

四人歸西真係經典，就算宜家向網上玩麻雀遊戲，都唔敢亂打隻西。fficeffice" />

我最鍾意單元係葉德嫻做既8小時。

作者: 東加豆 時間: 1-3-2008 19:02

引用:

原帖由回憶於 1-3-2008 18:52 發表四人歸西真係經典，就算宜家向網上玩麻雀遊戲，都唔敢亂打隻西。我最鍾意單元係葉德嫻做既8小時。

'葉德嫻做既8小時' 有日我都係 youturb 翻睇黎....^^

'四人歸西' 真係..... 睇完後, 由細到大都唔咁... 有兩個人打出, 第三個人已經醒水了... (呢個係有共識既動作了!)

作者: 巴拉達 時間: 2-3-2008 00:31

真系好鬼邪.....

作者: 回憶 時間: 5-3-2008 21:25

引用:

原帖由 東加豆 於 1-3-2008 19:02 發表 '葉德嫻做既8小時' 有日我都係 youturb 翻睇黎....^^ '四人歸西' 真係..... 睇完後, 由細到大都唔咁... 有兩個人打出, 第三個人已經醒水了... (呢個係有共 ...

係都會叫第三個想連續打西既雀友，唔好打西。葉德嫻向8小時發揮偉大既母愛。

作者: akaichoi 時間: 7-3-2008 17:58

引用:

原帖由 toby 於 12-9-2006 01:59 發表四人歸西...我仲好深印象,因我也覺得好驚!!打麻雀時也好驚~~~ "打完麻雀後,被老公接走回家....不久他老公又再回來接她走,雀友立刻互相對望!!原來剛才接她走的並非她老公...."

我記得係牛生接走佢.......

邊個牛生??1982果個

作者: 安佑 時間: 29-4-2008 01:34

甘國亮做果集都勁
話成日覺得係牆度有個人樣浮現出黎
用紙係咁封都封唔到......

作者: greenleaves 時間: 7-11-2008 22:48

　　我都覺得最恐佈就係周潤發演出的那一集。我好記得，當時我是一個人在廳看電視，氣氛實在太恐佈了，我十分害怕，最後連電視也不關掉，就此衝進房，蒙頭大睡。

　　有一集是羅浩楷、程可為、鄭子敦做的，講程是太太，早已歸西，時常找羅浩楷到陰間相聚。

　　有一集是由張英才做的，但跟鬼無關。話說張的老婆（陳儀馨）紅杏出牆，跟大廈保安員葉尚華有路，被張英才發現，他假裝不知情，不久卻假裝要跳樓自殺，葉尚華去救，糾纏之間被張英才故意推下去，死於非命。劇情頗為牽強。

作者: 袖子 時間: 7-11-2008 23:43

引用:

原帖由 greenleaves 於 7-11-2008 22:48 發表　　我都覺得最恐佈就係周潤發演出的那一集。我好記得，當時我是一個人在廳看電視，氣氛實在太恐佈了，我十分害怕，最後連電視也不關掉，就此衝進房，蒙頭大睡。　　有一集是羅浩楷、程可為、鄭子敦做的，講程是 ...

發哥嗰集真係勁恐怖，細個睇ge時候比佢嚇鬼死

羅浩楷嗰集我記得，程可為成日同佢揮手，鏡頭處理一流，同樣嚇親我

作者: harry18 時間: 28-4-2009 00:34

果時拍嘅片的而且確係有啲教育味道咁！！！例如恩果報應咁，唔似依家啲戲咁無戲味！！！

作者: 雪野 時間: 18-1-2011 17:30 標題: 幻海奇情（有片）

http://www.video1314.com/viewVideo.php?video_id=16151

我記得細個好鐘意睇幻海奇情，

但又好驚．．屋企人如果訓哂覺我就一定唔敢睇．．

ｅ家睇返，其實都仲覺得有ｄ恐怖ｇａ．．

作者: 占四谷 時間: 26-1-2011 16:55

其實未講每個故事的內容，淨係講陳欣健開場個佈景，都令人好驚，火爐加上安樂椅

而家睇番都有種驚既氣氛，可能因為D片舊，更添恐怖．．．

我最記得藍花瓶，洋娃娃，仲有一套係講發哥响圍村住出完市區番嚟去飲人地結婚酒，後來越嚟越唔對路，最後發覺原來响佢出城期間，全村既人死晒，好似係瘟疫．

另一套細個時覺得好驚既係甘國亮做，內容唔太記得，响佢間房牆上畫左佢個樣，最後在火車軌佢見到一個同自己一模一樣既人出現，佢好驚就俾火車撞死左．．．

作者: 999 時間: 26-1-2011 20:27

有個舊帖可供大家參考^^

http://www.oldcake.net/viewthread.php?tid=359&highlight=%A4%DB%AE%FC%A9%5C_%B1%A1

作者: tangyukkuenbob 時間: 27-1-2011 13:28

當年幻海奇情(1976-1978)是每周(好似是每逢星期三)插播在歡樂今宵中的小環節單元節目(平均每集為10-12分鐘左右), 亦是為TVB最驚駭的所謂希治閣式奇情片, 再加上早期所製作的都是用菲菻來拍攝, 因此其效果比一般以錄影帶拍攝的更具逼真感.

作者: sharonpek 時間: 6-3-2011 21:55

有個單元是《酒》。由劉松仁和韓馬利主演

作者: tangyukkuenbob 時間: 7-3-2011 09:53

引用:

原帖由 sharonpek 於 6-3-2011 21:55 發表有個單元是《酒》。由劉松仁和韓馬利主演

該集內容是講述: 韓父何璧堅發覺劉對其女兒於感情上不義, 決定要以毒酒殺害劉, 然後設置兩杯酒(何說其中一杯是有毒), 但劉不知那一杯是有毒, 何並強迫大家一起各自選一杯而喝下, 當大家一起喝後, 劉卻無恙, 他因而便說:"原來兩杯都是無毒!" 之後便離去. 而奇則奇在, 由於下毒者是何, 他本人是知劉所選的那杯確是有毒, 但劉於喝後竟然無恙, 因此何於事後便大感疑惑, 甚至更出現不適......

作者: tangyukkuenbob 時間: 7-3-2011 15:59

引用:

原帖由 占四谷 於 26-1-2011 16:55 發表其實未講每個故事的內容，淨係講陳欣健開場個佈景，都令人好驚，火爐加上安樂椅而家睇番都有種驚既氣氛，可能因為D片舊，更添恐怖．．．我最記得藍花瓶，洋娃娃，仲有一套係講發哥响圍村住出完市 ...

甘國亮所演的那集單元劇名是叫"兆", 是意味著不良事件的發生前, 往往都已有不尋常的先兆跡象.

劇集一開始便講述一班青年男女在郊外燒夜烤, 其中王愛明角色向大家說她曾發夢小時候和媽媽一起玩韆鞦時, 但後來其母卻無故地消失了, 誰知第二天當她睡醒時, 竟收到其母親在乘飛機中意外猝死的壞消息.

然後甘國亮角色便向大家說他於晚間在家中寫作時, 牆上常出現不尋常的肖像, 而且還有恐怖的奸笑聲, 他想擦掉它亦無法成事, 直至有一天, 他在火車站中遇上一名和他長相一模一樣的男子, 他便在驚慌之下意外跌軌並被駛過之火車撞斃......

眾人都覺得奇怪(因甘仍生茂茂), 甘便告訴他們請看報紙, 然後便飄飄然地離去. 最後, 他們發覺在爐中的舊報紙並未燒著, 一看下發現其標題是甘已於較早前被火車撞斃! 原來剛才和他們聚會的甘是幽魂...... 真恐怖!

作者: Athena 時間: 7-3-2011 16:25

我最記得一個是四人歸西, 另一個是講有個女人被預言死於車禍, 但佢在預言當日點都唔出衝希望避過兇;兆., 最後竟俾佢個仔由二樓掉架玩具車下來扑死咗.

作者: actionkamen 時間: 7-3-2011 16:54

引用:

原帖由 Athena 於 7-3-2011 16:25 發表我最記得一個是四人歸西, 另一個是講有個女人被預言死於車禍, 但佢在預言當日點都唔出街希望避過兇兆., 最後竟俾佢個仔由二樓掉架玩具車下來扑死咗.

呢集有印象

作者: tangyukkuenbob 時間: 7-3-2011 20:15

引用:

原帖由 kidult 於 14-9-2006 21:48 發表幻海奇情最經典最恐佈都算係呢兩集囉（四人歸西同發哥果套）。我記得有一集係李志忠同盧海鵬做o既，好似叫做"忍"。有相士忠告李志忠，叫佢凡事要忍，結果李志忠因為忍得住氣而避過一劫，而盧海鵬就做o左佢替死鬼。

該集單元劇名是“忍”，盧海鵬在當中祇是演出一幕道士，而那位所謂替死鬼（即的士司機）則是由另一位不出名的TVB小演員所飾演。

作者: tangyukkuenbob 時間: 7-3-2011 20:25

引用:

原帖由 任因玖 於 17-9-2006 10:59 發表仲有一套叫"鬼槍"!!!! 陳欣健的我都好有印象最戇居的水上活動, 就是一個人跌進愛河.

該集單元劇名是“鬼槍”。故事是講述賊人（林文偉角色）於槍殺正捕捉他警員（麥大成角色）後，便搶去其身上佩槍，之後該槍彷似是上了麥之寃魂，借林的手而走火殺其同黨，林於無奈下拋下該槍落海，最後林在慌張下被某一警員開槍擊斃，而不久後該警員去拜祭殉職的麥時，竟在其墓地上發現該鬼槍！

作者: tangyukkuenbob 時間: 8-3-2011 12:30

引用:

原帖由 Athena 於 7-3-2011 16:25 發表我最記得一個是四人歸西, 另一個是講有個女人被預言死於車禍, 但佢在預言當日點都唔出衝希望避過兇;兆., 最後竟俾佢個仔由二樓掉架玩具車下來扑死咗.

首先, "四人歸西"(劉丹, 白茵及上官玉主演)其實並非"幻海奇情"系列, 而是後期(約1983年)的"夜驚魂"系列.

至於車禍那集的單元劇名是"報紙", 但主角不是女人而是張武孝(大AL)角色. 故事是講述張發現一未來報紙能預知賽馬結果, 因而他便賭注下發起達來, 但後來他發覺有一則未來報紙說他會遇車禍死亡, 他便心感不安而不敢外出, 但後來他又發覺另一則未來報紙說其兒子成為車禍兇手, 他便立即在家中尋找其幾歲大的幼子, 結果他意外地被正在樓梯樓上高處玩具車的兒子, 從樓梯高處掉下該玩具車落樓下, 扑頭而死!

作者: tangyukkuenbob 時間: 8-3-2011 13:24

引用:

原帖由 greenleaves 於 7-11-2008 22:48 發表　　我都覺得最恐佈就係周潤發演出的那一集。我好記得，當時我是一個人在廳看電視，氣氛實在太恐佈了，我十分害怕，最後連電視也不關掉，就此衝進房，蒙頭大睡。　　有一集是羅浩楷、程可為、鄭子敦做的，講程是太太 ...

張英才所演那集的單元劇名是"自殺". 故事一開始便倒鈙張英才角色企在天台端處喊話要跳樓自殺, 不知情的葉尚華角色便上前調解, 誰知反而是葉於和張糾纏間意外失足跌死. 原來事件是另有內情, 張發覺其妻(陳儀馨角色)和葉(他是張所住處之管理員)是有外遇, 於是便設置佈局假企圖自殺, 然後驅引葉前來談判, 在趁糾纏間暗地裡用腳推下葉落樓, 造成意外失足之假象而避過法網.

最後於葉之喪禮上, 張把葉所甩下衫鈕拋在其棺木, 意味著張就是憑該衫鈕去証明其乃是陳紅杏出牆之真正對象.......

總括來說, 此集於正常情理上似乎是很牽強, 第一, 張於佈局前怎麼能預料葉必會來上前調解哩? 第二, 以警方之一般查案效率而言, 不可能會不發覺當中破綻之處(尤其是糾纏爭扎時).

作者: kkeeleung 時間: 8-3-2011 16:48

我印象中部份"夜驚魂"系列, 可能係集合早年"幻海奇情"或其他恐怖驚慄故仔. 而非全部全新拍攝作品. 而有些可能係舊橋翻拍都唔定. 正如係俾阿仔架模型車"撞"頭死一橋. 此橋同樣見於相士預言富商兒子會死於水劫. 縱使富商放走泳池水, 浴缸移走, 小孩足不出户. 小孩仍溺斃於吹氣小水盤內.. 只得兩吋水.

作者: tangyukkuenbob 時間: 9-3-2011 00:31

引用:

原帖由 foureyesfatboy 於 4-5-2007 23:31 發表葉尚華.....出糧個日收到個信封...買野時全部都係.....舊時D錢. 他回工廠問原因....回到去個工廠滿是塵. 原來D同事都係時裝公仔......最為心寒是他見到自己食個半個飽...

該集單元劇名叫“運”。

作者: 占四谷 時間: 21-3-2011 15:51

我都記得大L嗰集, 又記得葉尚華嗰集, 最正都係甘國亮嗰集!

我忽然想起有幾集, 但只剩少許印象, 肢離破碎, 睇吓大家可唔可以砌番個完整故事出嚟:

1. 好似係羅浩楷做主角, 講佢成日搭電車, 中間唔記得晒, 最後佢都死埋, 同個女鬼結婚一齊坐電車.

2. 係講一對有錢夫婦, 家中有一個女的老工人, 好似係話個少奶有D困難, 個女工人話可以同佢解決, 但要佢用一樣野嚟同佢交換, 少奶問要交換d咩, 女工人話係你既青春, 少奶應承, 於是乎件困難事情搞掂左, 一日少爺睡醒嚇了一跳, 旁邊睡著的竟然係一個老太婆, 而走出房後, 有一把女聲叫他少爺, 他一看竟是一個妙齡女子........

3. 最難搞係依集, 真係無咩野記得.......淨係記得係鄧英敏做, 成套片好黑, 因成日講夜晚, 套片無清楚地交代他係警察定係賊, 亦係要觀眾思考既地方, 只知佢俾人用手扣扣住响個鐵絲網度, 只記得咁多......

睇吓有無餅友可以幫吓手砌番個故仔出嚟啦!!!

作者: maymay 時間: 1-5-2011 11:28

珍珠批
陳立品個孫當大Al係吸血鬼用刀仔挏死大Al
阮兆輝抄psycho果集

重有一集係杜平與神經病女人，好似係溫柳媚

而家都覺得恐怖
甘國亮果套燒o野食講鬼故，好似有張圓圓客串

作者: ultraleo 時間: 22-3-2012 13:13

引用:

原帖由 akaichoi 於 7-3-2008 17:58 發表我記得係牛生接走佢....... 邊個牛生??1982果個

係唔係叫焦雄?

作者: 占四谷 時間: 23-3-2012 10:30

引用:

原帖由 占四谷 於 21-3-2011 15:51 發表我都記得大L嗰集, 又記得葉尚華嗰集, 最正都係甘國亮嗰集! 我忽然想起有幾集, 但只剩少許印象, 肢離破碎, 睇吓大家可唔可以砌番個完整故事出嚟: 1. 好似係羅浩楷做 ...

補充一吓第1套：

羅浩楷嗰套，應該仲有一個演員係鄭子[噸]!

作者: Kal-El 時間: 23-3-2012 13:03

我記得有一集係叫"四人歸西", 4個人打麻雀, 都打出一隻西, 所以4個人都死哂

作者: EDDDDIE 時間: 23-3-2012 14:31

四人歸西嘅名成日聽，但真係記唔起有無睇過；不過無睇過都唔出奇，當時家中長輩都唔俾幼小的我睇呢啲恐怖片 (可能係佢哋驚 )

不過後來大個啲又確實曾經响歡樂今宵時段睇過套恐怖單元喎，名稱好似叫〝迷離夜〞之類嘅，但係唔知啱唔啱，因為記憶極零碎 ......有無餅友前輩們指正以解我心中疑團？

作者: Kal-El 時間: 23-3-2012 17:51

引用:

原帖由 EDDDDIE 於 23-3-2012 14:31 發表四人歸西嘅名成日聽，但真係記唔起有無睇過；不過無睇過都唔出奇，當時家中長輩都唔俾幼小的我睇呢啲恐怖片 (可能係佢哋驚 ) 不過後來大個啲又確實曾經响歡樂今宵時段睇過套 ...

迷離夜都係歡樂今宵單元, 與幻海奇情都係同類作品, 以前已經好鐘意睇

作者: kkeeleung 時間: 23-3-2012 23:08

引用:

原帖由 EDDDDIE 於 23-3-2012 14:31 發表四人歸西嘅名成日聽，但真係記唔起有無睇過；不過無睇過都唔出奇，當時家中長輩都唔俾幼小的我睇呢啲恐怖片 (可能係佢哋驚 ) 不過後來大個啲又確實曾經响歡樂今宵時段睇過套 ...

"四人歸西" 印像中有兩個版本. 牛太-韋以茵係其中之一, 前段係四個師奶打牌. 最後, 三個女人叫住牛太唔好打西, 殊不知佢唔信邪, 打埋隻西, 咁就出事. 三個女人先後死於非命, 到牛太驚到腳震. 唔記起係問米定報夢. 話某日12時之後就大步檻過. 牛太左閃右避. 足不出户, 等到最後一日夜晚. 麻雀脚三缺一急call. 牛太諗住過咗12點就無嘢, 俾麻雀蟲咬到睇完"最後新聞". 再等埋收音機嘟嘟.... 滿心歡喜出外打通宵. 老公(好似係牛生-焦雄)返屋企. 見老婆外出, 聽收音才知未過午夜, 心知不妙, 老公往外查探, 但係老婆出門口冇耐就出事一命嗚呼了. 應了四人歸西一話. 畫面最後閃出四人陰深笑容.

作者: 虎榮 時間: 26-3-2012 15:18

引用:

原帖由 kkeeleung 於 23-3-2012 23:08 發表 "四人歸西" 印像中有兩個版本. 牛太-韋以茵係其中之一, 前段係四個師奶打牌. 最後, 三個女人叫住牛太唔好打西, 殊不知佢唔信邪, 打埋隻西, 咁就出事. 三個女人先後死於非命, 到牛太驚到腳震. 唔記起係問米定報夢. 話 ...

系? 我淨系睇過劉丹同白茵果輯渣!