經典日本特撮●動畫●卡通回憶

標題: 點解舊時D劇同歌可以咁好聽咁好睇的 ~ ? [打印本頁]

作者: ULTRA2020 時間: 13-6-2010 17:19 標題: 點解舊時D劇同歌可以咁好聽咁好睇的 ~ ?

淨聽翻首歌都超感動 ~

作者: aiselo 時間: 13-6-2010 20:43

因為那時的作曲家、填詞人、甚至唱歌者，都較專業卦。

同時詞和曲都很有意思。

今天，青黃不接，後繼無人。

又或者，今天的和昨日的心態不同，所以共鳴不載﹗

作者: ULTRA2020 時間: 14-6-2010 00:39

引用:

原帖由 aiselo 於 13-6-2010 20:43 發表因為那時的作曲家、填詞人、甚至唱歌者，都較專業卦。同時詞和曲都很有意思。今天，青黃不接，後繼無人。又或者，今天的和昨日的心態不同，所以共鳴不載﹗

可能現代的人心態真的不同了

再來多一首吧 ~

[/code]

作者: tnd1964 時間: 14-6-2010 00:42

引用:

原帖由 aiselo 於 13-6-2010 20:43 發表因為那時的作曲家、填詞人、甚至唱歌者，都較專業卦。同時詞和曲都很有意思。今天，青黃不接，後繼無人。又或者，今天的和昨日的心態不同，所以共鳴不載﹗

agree!

作者: singingsoul 時間: 14-6-2010 10:43

引用:

原帖由 ULTRA2020 於 13-6-2010 17:19 發表淨聽翻首歌都超感動 ~

大台超商業, 劇集置入式行銷鬼咁核突, 電視道德標準遠離現實的保守, 食支煙都冇. 對白永遠是資訊過晒火的畫出腸形式, 分別在用自言自語, 同鏡講野, 同狗講野方式表現. 呢D劇點會好睇丫. 好的.....唔係完全冇, 一年一兩套, 只有幾個創作大員其實好想突破上層制肘, 例如李添勝, 戚其義......
有梅小青呢類監製, 肯定大把低能劇排隊上啦.
亞記係冇左自己拍劇集, 唉......

作者: urutoraman 時間: 14-6-2010 16:38

現在D人作曲作詞都好現實，

寫到今早好無feel，起身去刷牙....等等內容無物的歌詞。

寫劇，各人住屋村，為生活而工作，在大廈走廊談話，拿支紅酒出來飲，好似唔使錢，

嘩一支紅酒平極都幾十元，有冇腦，最多都是飲o下汽水，啤酒離晒譜。

作者: ULTRA2020 時間: 14-6-2010 23:42

再來多一首 ~

<object width="480" height="385"><param name="movie" value="http://www.youtube.com/v/pZOIhX9Eg70&hl=en_US&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/pZOIhX9Eg70&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

[/code]

作者: Collins 時間: 15-6-2010 06:15

樓主指的以前是七八十年代吧! 首先哩個唔係單一原因o既問題,

- 先講創作者本身, 七八十年代, 大部分編導都已有一定人生經驗, 主要分兩派人一批由紅褲仔基層做起, 另一批係學院派, 大學畢業出來, 但當年o既佢地同而家so call大學生最唔同係人地經歷過戰後, 五, 六十年代香港最harsh日子, 而唔係而家果d生於香港最繁榮日子, 都未捱過未窮過, 無人生經歷情況下又點會有好貨先?? 就算作曲填詞人都係一樣

或者你話而家最top果幾個都有四五十歲 ... fine ... 佢地上曬位之後, 仲有無做新人時代果種沖勁同拚搏精神呢?? 創作新事物係一個高風險投資, 咁為左自己個名同埋自己收入, 有無人敢搏????

- 又講創作, 以前創作天馬行空, 資質故然係原因, 當時創作局限亦不及而家大, 而家創作係以觀眾口味為準, 又要配合廣告商同不明文政治審查, 創作中連一句粗口及sad ending都可以令人發信廣管局, 豈與樣板戲如出一輒呢?! 七八十年代創作亦存在抄襲, 奈何抄襲亦非照字過紙咁單一, 至少亦有個人修改, 且抄三四家, 無疑而家資訊發達左, 抄一句/段都可以軒然大波 ...

- 再講傳媒, 七八十年代香港電視台大戰係無時無刻咁鬥, atv/rtv vs tvb大家都鬥收視鬥創新, 鬥故事內容, 鬥賣埠, 鬥劇集歌曲, 而家tvb獨家村, 好醜無別 ... 亦無新意. 而且七八十年代, 老一輩藝人普遍經歷過行頭大起大跌, 而新一代亦係出身基層社會, 好多野唔駛教都識, 比而家果班富家子弟入娛圈純為個人娛樂好多了, 加上當時香港長期受西歐樂壇同十幾年邵氏國語片影響, 一到七八十年代粵語抬頭, 百業如雨後春筍, 再者九十年代至今, 本地有無出產過一個真正super star???

作者: aiselo 時間: 15-6-2010 21:20

或者可以這樣說，現時的人心態是電視不再是主要娛樂，互聯網已成為新一代的流行享樂。

而現存的電視，因為無競爭，做甚麼出來都會有人睇，無人睇唔緊要，最緊要有廣告收入就得啦﹗

而且免費午餐不復再，做電視的，都想做有錢收的客戶，所以在無物利益之下，就是是但但的比D野你睇就算。

同時，無創作就不是這回事，互聯網有好多好多的題材和創作高手，不過電視人會接收這一班人的創作意念嗎﹖

唔會囉，因為無市場，無價值，風險高；都是做D有利益的和穩賺的，因為這是生意，不是文藝創作。

還有，不是說港人不長進，但是真是無甚麼改變進取，現音樂的，都是保持著前十年八載的風格，
一是偶像派(得個樣殺食就得，唱物唔需要人理解，這等同聽韓星唱歌，都是唔明唱物，但人家有野睇囉。)
一是藝術派(玩音樂好高深，高深到唔明所表達的意思，自成一格，aiselo這類無物藝術內涵的，真係唔知點理解。)

還有﹐好似日本特攝片咁，香港無啦，點解﹖因為香港人會笑架自己，所以從一開始，都無本地創作的持攝。
就算有，都會做到不倫不類。相反，老餅網都有介紹韓國的持攝，睇睇人地D創作，都有D新元素加入去喎。

近來的電影，都有D，好有睇頭，但係都無物人會去睇(戲票貴﹖)
而且市場都傾向於國內市場，這也好難怪，單一香港市場就無得比，難道拍一個只得香港人明白的電影推向世界乎﹖

最大問題，而家D港人，會有時間去聽音樂，已前都話有電台，從早到晚播比你聽，又話者有D屋村人，
拿部3條7去鬥大聲(而家無架啦，會比人拉，一係比人告，唔係擾人清夢喎，而係無比版稅侵權囉)。
還有，港人日做十多小時，你會好似電視劇那D人咁，有咁多時間玩辦公室政治﹖
飯都無得食啦，20元一個鐘，做成日都係得那百幾多元收入﹗

還有，社會興玩『白頭片』，東炒西炒，一個轉頭，就賺個百萬，好過打工，人人為錢，還有時間去聽歌睇戲﹗
而家都小左好多人打麻雀這個娛樂﹗

作者: ULTRA2020 時間: 16-6-2010 03:48

現在所謂的流行曲真的無話可說...

以前就算不是一線的歌曲，

只要有Heart有Feel都可以像一線歌變成經典 ~

"昨夜渡輪上" 是一個好例子 ~

<object width="480" height="385"><param name="movie" value="http://www.youtube.com/v/JzQ_HlMIv14&hl=en_US&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/JzQ_HlMIv14&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="480" height="385"></embed></object>

[/code]

作者: whoiambatman 時間: 16-6-2010 05:31

[quote]原帖由 ULTRA2020 於 16-6-2010 03:48 發表現在所謂的流行曲真的無話可說...以前就算不是一線的歌曲，只要有Heart有Feel都可以像一線歌變成經典 ~"昨夜渡輪上" 是一個好例子 ~

細雨漫漫飄落大地
淋著我...淋著妳...
淋的世界充滿詩意

微風伴著細雨
像我伴著可愛的妳
看著我...看著妳...
看這世界多麼美麗

啊...願我是風妳是雨
啊...微風浸在細雨裏

漫步青青草地
小草也在輕輕低語
訴說無盡秘密
讓我們共尋覓

作者: karmapa_khenno 時間: 16-10-2012 01:53

卡通片歌都超正，千年女王、叮噹、足球小將片尾、長腿叔叔、星仔走天崖、未來警察....fficeffice" />

作者: Ahming 時間: 16-10-2012 02:11

我覺得最主要是完全無競爭

自己睇開曰劇同聽開日本歌,水準實在差天共地

作者: foureyesfatboy 時間: 16-10-2012 03:42

其實我地都有好多唔同睇法...我地都應該問吓新一代聽眾點睇, 對我地個年代的歌如何睇法.
可能我地真係唔明現在D新一代聽眾的思維....好似我地個年代D男女/女男/ 男男/ 女女...關係沒有現在的開放(我地都唔好得幾多

), 所以對情歌歌詞上的抒情需求也不同. 加上我地對文字上的理解也不同. 佢地有佢地的一套文字理解方法...我地可以唔認同不過他們是存在的. 雖然我對黃姓的詞人十分不喜歡, 但我問過一些年青人, 佢地話的詞好入肉....

. 我只能說我唔明. 可能再過一代我們的情況也會出現在現今日的年青人身上.
當年...我同一個老師去探訪其他學校的老師談起流行歌曲...我說關正傑同羅文的歌好聽...仲有顧家輝的曲好...他說在如果比老一批聲樂家去評他們可能是不入流的. 我相信這位老師當時的睇法和我們都差不多.

作者: Kal-El 時間: 16-10-2012 23:02

以前的歌很有詩意, 又有意境, 說到愛情的歌都很含蓄, 總能勾起人的共嗚,

現在的作曲作詞人, 倒吊都冇滴墨水, 咩食面又咩蔥, 又屎又爛泥, 一D水平都冇, 再加上一D唔識唱歌的人在rap, 真係頂佢地唔順, 聽第一次未聽哂已經唔想聽落去, 唔好話浪費金錢去買他們的碟, 送給我也未必會要呢

作者: foureyesfatboy 時間: 17-10-2012 07:49

引用:

原帖由 Kal-El 於 16-10-2012 23:02 發表以前的歌很有詩意, 又有意境, 說到愛情的歌都很含蓄, 總能勾起人的共嗚, 現在的作曲作詞人, 倒吊都冇滴墨水, 咩食面又咩蔥, 又屎又爛泥, 一D水平都冇, 再加上一D唔識唱歌的人在rap, 真係頂佢地唔順, 聽第一次未 ...

最差有D連Rap 都唔識學人Rap不文不類...以為加幾句野就係Rap 好 yeah..仲成日話 Hip Hop

仲有D所謂 ROCK & ROLL...其實係 POP MUSIC...

佢地最重要是賣得有人唱 KARAOKE

歡迎光臨經典日本特撮●動畫●卡通回憶 (http://www.oldcake.net/)