想問一下各位老餅:

 小弟周不時有隻歌係口中唱出來, 但就不知是那一套卡通片, 唔知有無邊位會知呢?

請勿見笑~

歌仔大致上係咁~有錯勿怪哦~

東人我指, 西人我指, 口 UP UP 講出魔咒任我指, 馬克 LU 卡瑪啦 WHO LA 爸, 難事有我會變易, 可親既仙子妳知 X 知, 開心既仙子妳知X 知,

大家合力咒語神奇兩個趣怪既仙子, 咪(睇)住, 東人我指, 西人我指, 口 UP UP 講出魔咒任我指, 咪(睇)住,咪(睇)住, 現在開始, 是我兩個的世界, 開心快點小仙子~

唔知有無邊位知呢~

這套叫"魔女っ子チックル"是永井豪的作品，香港播出時叫好似係「淘氣小仙女」啩....(好老土的名字，擺明無心機改名)

首歌在這兒可聽到

好勁呀版主妳, 咁都搵到, 其實套片我真係唔記得了, 但唔知點解隻歌仔就成日都記得但就係唔知係咪有套咁既卡通,

之前我成日以為我幻聽添~~~ 真係唔該晒妳

記憶中，女主角是在一本書裡救了小仙女出來，而小仙女就寄住女主角之家，而女主角之妹卻時常懷疑小仙女並不是一家人(小仙女施了法術，但都是妹妹未能騙到)，時常想找出証明。

而小仙女施魔法是要動手指左右搖擺，一路念『馬克度加巴啦沒有巴』(音類似)，而女主角有一次收番小仙女入書到是唸『禿其幫』』(音類似)。

最後那本書被妹妹燒了，好像是有人要收小仙女入書到，妹妹不想小仙女回書到，後來小仙女失去法力(因本書燒了)，但卻可以和女主角和她一家人生活，算是好結局。