發新話題
打印

小巴司機

小巴司機

今日搭由藍田到觀塘嘅小巴﹐遇到一個與眾不同嘅司機。
以往我對小巴司機嘅印象﹐都係惡死、無禮貌﹐淨係識叫你「俾左錢先呀!」同OO(一個動詞一個助語詞﹐自己填。)啲唔記得左嗌「有落」嘅呀伯師奶同毒男。我自己都受過好多唔禮貌嘅待遇。
但今次﹐我目睹一件足以做一集《霎時感動》嘅事。我上車冇耐﹐一個伯伯喺下個站落車﹐拐下拐下咁正想到司機位俾錢﹐司機揮一揮手︰「得啦阿伯﹐唔駛俾啦。」伯伯呆一呆﹐冇問啲咩就落左車。
我開頭以為呢個阿伯係一早俾左錢又唔記得左﹐但之後再有兩個老人家落車時﹐個司機又再次揮揮手︰「唔駛啦阿婆﹐落車啦。」阿婆︰「咁得意?」司機答︰「係呀﹐好得意架!」之後露出左個好得戚嘅笑容。
如果成日搭小巴﹐都應該會明白︰小巴佬會對住你笑﹐即係等如石堅認錯!
而佢之後講果句更加令我震驚︰「80歲坐我車﹐都唔收錢架!」
我望住佢﹐生平第一次﹐發現坐喺司機位嘅係一個有名有姓、有血有肉嘅人﹐而唔再只係一個負責運送乘客嘅社會角色。
佢睇落都不過係一個五十幾歲嘅發褔中年人﹐居然敬老到如此地步!
落車時我忍唔住問左佢一句︰「個個80歲你都唔收佢錢架?」佢一聽到﹐又露出一個自豪得黎好慈祥嘅笑容︰「時不時啦﹐幾十歲都費事收佢地錢。」
我真心咁讚左佢一句︰「你真好人。」
臨落車前我望左佢張證一眼﹐呢位咁與眾不同嘅司機﹐有個好「法海無邊」嘅名字︰摩祖思。 ( X摩祖師?!)
落左車﹐等緊過班馬線果陣﹐呢架小巴再次經過我面前﹐呢位摩大哥居然又特登同我揮手講拜拜。
如果大家下次搭呢架藍田<=>觀塘小巴﹐咁啱撞到呢位(?)摩祖思大哥﹐不妨俾隻手指公佢﹐鼓勵香港多啲呢啲好人好事啦。
**
轉貼飛士卜 "宮千栩分享了 Hugo Tse 的相片"。

TOP

引用:
原帖由 moneyismymoney 於 5-12-2012 00:17 發表 今日搭由藍田到觀塘嘅小巴﹐遇到一個與眾不同嘅司機。以往我對小巴司機嘅印象﹐都係惡死、無禮貌﹐淨係識叫你「俾左錢先呀!」同OO(一個動詞一個助語詞﹐自己填。)啲唔記得左嗌「有落」 ...
轉貼定money搭??今天剛經過...

感謝 bro mythz 為我整這個印章
thank you so much!!

TOP

引用:
原帖由 超人兄弟 於 5-12-2012 19:17 發表 轉貼定money搭??今天剛經過...
轉貼!!!

TOP

引用:
原帖由 moneyismymoney 於 5-12-2012 23:11 發表 轉貼!!!
收到!

感謝 bro mythz 為我整這個印章
thank you so much!!

TOP

今日爽報報導的就是他嗎?


TOP


佛心小巴司機 請長者搭車
善行網上瘋傳 逾3.3萬人like

  港府早前推出長者及殘疾人士兩元乘車優惠,便自誇如何惠澤市民!小巴司機「老廖」則默默行善,近月開始長者乘搭他駕駛的小巴,更一律免收車資。最近有人將老廖善行在網上流傳,隨即有數以萬計市民讚好。對於每月賺少數千元,老廖滿不在乎說︰「最重要係公公、婆婆開心!」
記者:馮國良 梁琬珊 麥超億

  這位仁義司機廖祖恩,63歲,皮膚黝黑,一頭灰白平頭裝,身穿黑色皮褸牛仔褲,頸掛泰國佛吊墜,打扮粗豪,談吐爽朗,貌似專扮江湖人物的電影人李兆基。老廖與妻育有三子一女,早已榮升爺爺、三代同堂,膝下有三位愛孫。

  前日,網民Hugo乘搭老廖駕駛藍田至觀塘的小巴(車資四元),目睹老廖請長者搭車善舉,大感驚奇,並將情節上載facebook。每逢公公、婆婆落車,老廖都揮手說:「得啦,唔使畀錢啦!」耐心等候長者落車後,才展露笑容徐徐開車離去。

OldCake.net _ _ _ _ _ _ _ _ Signature


TOP

引用:
原帖由 moneyismymoney 於 5-12-2012 00:17 發表 今日搭由藍田到觀塘嘅小巴﹐遇到一個與眾不同嘅司機。以往我對小巴司機嘅印象﹐都係惡死、無禮貌﹐淨係識叫你「俾左錢先呀!」同OO(一個動詞一個助語詞﹐自己填。)啲唔記得左嗌「有落」 ...

剛剛亞視新聞訪問他, Very Nice ~

TOP

引用:
原帖由 ULTRA2020 於 6-12-2012 18:30 發表 剛剛亞視新聞訪問他, Very Nice ~
有睇到,做得比 CY 好,

TOP

引用:
原帖由 moneyismymoney 於 6-12-2012 23:08 發表 有睇到,做得比 CY 好,讚!
係,值得一讚! 呢類善人買小見小...

感謝 bro mythz 為我整這個印章
thank you so much!!

TOP

發新話題