作者：方寛烈
廖恩燾是用廣東話入詩的高手.他別字鳳舒，號懺庵，廣東惠陽人，民初曾任駐古巴公使，晚年隱居香港。亦是革命前輩廖仲愷的哥哥.
(亦即廖承志的伯父)
蘇武
麒麟犽"犭乍"後生哥 磨利張刀去講和
狗屁檄文攻鼻辣 龍頭拐杖甩毛多
既然飲奶都能飽 使乜吞冰得咁傻
精仔亞陵唔識趣 偏偏提起個番婆
韓信
單單婆乸眼睛開 棍咁光時冇睇衰
點忿低頭捐衭"衤襄" 分明打手上雷台
相爺趁勢吹多句 老將登時震起嚟
咪估書錐唔識相 果然黑狗就當災
范增
老貓燒剩幾條鬚 悔恨當年眼冇珠
濕水馬騮唔過玩 爛泥菩薩點能扶
明知屎計專兜篤 重想孤番再殺鋪
一自鴻門佢錯過 神仙有蔑亦難箍
嚴光
釣魚釣得咁沙塵 褸塊羊皮重幾斤
皇帝孖鋪真濶佬 先生反瞓係星君
偶然被開口 有箇開窗屹起身
慌到鼻歌窿冇肉 原來佢會睇天文
叉麻雀
買齊幌子當孤番 跌落天嚟幾咁閒
拚命做成清一色 絕張摩起大三翻
尾糊整定輸家食 手氣全憑旺位搬
邊個龜公唔好彩 十鋪九趟畀人攔
