引用:
原帖由 aeug 於 8-4-2010 23:40 發表 
虎榮兄,小弟印象中好似容惠雯做洪秀全元配(鑄劍師傅個女, 送左把"斬妖劍"俾洪秀全), 商天娥好似做陳榮峻(北王)個老婆?? 小弟覺得套劇算唔錯, 可以一看..
商天娥絶對系演洪季全死得早的老婆, 因為佢死得好慘, 所以我好記得! 毛瞬筠就好似系洪秀全最後一條感情線!
戲入面娥姐老逗系滿清高官, 同個女失散多年, 相認之後, 點知發覺原來個女系洪秀全相好, 為左功名利祿, 佢俾兩條路個女選擇, 一系認返老逗同勸個老公一切投降滿清, 一系就死. 個女唔肯就範, 個老逗又驚佢亂講嘢, 重剪左佢條脷, 用佢做人質要脅洪秀全, 最後佢雖然被救出, 但就中左暗算死左, 洪秀全亦因此大病一場, 直到夢見同老婆(娥姐)在天堂相遇先好返架!
戲入面個衰老逗, 要到大結局, 先同西王妃, 即系洪秀全個親妹(即系陳敏兒)大決戰, 結果同歸如盡! 
