引用:
原帖由 Kendama 於 30-7-2014 23:29 發表 
凍豆腐入便 d 雪溶化後形成了很多不規則的空間，打邊爐時好索湯汁 ... 簡單如豆腐可做出變化萬千的美食，bro 999 你也吃過了款式繁多的豆腐 ... 咸荳花是江浙一帶的流行早餐小食，荳花還灑上大量蝦皮，加 ...
在環境方便 , 寶石戲院好少幫襯 , 縮水之後更沒有什幫襯過的印象 , 反而以前的紅磡戲院 , 過年幾乎都會去睇戲 . 相中寶石戲院左邊的燒臘店 , 在附近還有分店 , 但不敢買 ……. 右邊的打冷店越夜越旺 , 也開了好多年了 .
有 40 年歷史的文華茶餐廳的雞尾包、卷蛋榚及蛋撻童年時常吃 , 現在經過時好少幫襯 , 但總會引頸一探店內情況 . 奇怪的就是有時會無故拉閘 , 但裡面是燈光通明 . 可能要問下常去的 money 兄才知道點解 ! 照片中文華茶餐廳的外觀變化不大 , 就是門口少了一攤報紙檔 !
活力漁具 999 幫襯過唔少
,2,30 年前叫流記漁具 .
細個時响屋企攞塊隔夜麵包或油炸鬼 , 在此買副４磅漁絲手牌 , 再行去碼頭邊就可拋絲釣魚 , 泥鯭便手到拿來 !! 但不時要走鬼 , 因為有船要泊岸 !
那時紅磡碼頭還在旁邊時 , 活力漁具旁邊是賣海鮮魚貨的 ’ 順風海鮮 ’, 類似北角碼頭傍的那種 , 部份漁貨就從旁邊海上的漁艇運上來賣 , 漁缸中的海水也是直接從海旁抽上來用的 .
活力漁具左靠邊是一家賣雀仔的店 , 門口常有一大隻金剛鸚鵡作招牌展示 . 很會唱的相思、金絲雀 , 色彩繽粉的嬌鳳、三色鳥 (Sony 芒 logo 果種 ), 會講野嘅八哥、鸚鵡 , 鬥雀如畫眉、了哥 , 平凡的麻雀、白頭唧 , 有時連喜鵲、啄木鳥甚至貓頭鷹都見過 ! 細個時可以在果間鋪頭睇雀仔睇成粒鐘 , 真係搞搞震 , 冇幫襯 !~
