50 123
發新話題
打印

老餅論壇將邁向第九年,大家有乜嘢同佢講?

老餅論壇將邁向第九年,大家有乜嘢同佢講?

 

老餅論壇七週年大日子.

 

老餅論壇已過度七週年, 邁進第八第年.

在此祝老餅論壇生日快樂! 各餅友身體健康!

在8月30日, 在銅鑼灣某酒樓舉行了慶祝晚會. 各位參與餅友 盡興而歸.

內容精彩萬分. 大家不妨分享一番.... ...

 2014年改標題

TOP

引用:
原帖由 kkeeleung 於 1-9-2013 01:20 發表  老餅論壇七週年大日子. 老餅論壇已過度七週年, 邁進第八第年.在此祝老餅論壇生日快樂! 各餅友身體健康!在8月30日, 在銅鑼灣某酒樓舉行了慶祝晚會. 各位參與餅友 盡興而歸.內容精彩萬分. 大家不妨分享一番 ...

應該應該...

我就整理緊個報告...

遲下再post...

TOP

當晚熱鬧非常,自已仲抽中個越洋而來的大獎,可謂盡興而回
真係要多謝一眾工作人員如超人兄弟,虎榮兄, East兄, kkeeleung兄, Adam兄, Ron兄 等悉心安排








TOP

引用:
原帖由 Anison 於 2-9-2013 14:30 發表 當晚熱鬧非常,自已仲抽中個越洋而來的大獎,可謂盡興而回真係要多謝一眾工作人員如超人兄弟,虎榮兄, East兄, kkeeleung兄, Adam兄, Ron兄 等悉心安排

嘩~...本本有手塚老師的彩圖封面,實在太正啦

真係要多謝999兄贊助及ansion兄分享喜悅!


感謝 bro mythz 為我整這個印章
thank you so much!!

TOP

引用:
原帖由 超人兄弟 於 2-9-2013 23:47 發表 嘩~...本本有手塚老師的彩圖封面,實在太正啦 !真係要多謝999兄贊助及ansion兄分享喜悅!

 

好吸引呀!好羨慕呀!我都想中呢份獎呀

 

 

TOP

引用:
原帖由 ddmmyy 於 6-9-2013 11:19 發表   好吸引呀!好羨慕呀!我都想中呢份獎呀    
而家希望幻滅...唯有自己買啦~!

感謝 bro mythz 為我整這個印章
thank you so much!!

TOP

終於有時間可以出下當日報告喇...

 

唔經唔覺...對上一次既老餅聚會...

係上次皇上向聖誕節後...新年前既雙城同慶...

返黎香港既2009年12月30日...

個次真係超高興...

http://www.oldcake.net/viewthread.php?tid=14490&extra=page%3D1

事隔多年...由於事務繁忙...

就連老餅都無上...

所以都無出席老餅聚會...

只係隔唔中去開香港就搵下老餅們食下飯咁...

 

不過今次假面大哥同超人大哥...

仲有kkleung既盛意拳拳... (嗱嗱嗱...唔好打埋黎呀...)

當然唔少得娜姐...同埋我同丫烏哥哥既約定...

所以今年決定現身...

 

搭船就無乜特別...當日放假...要訓晏少少...

結果成十一點幾先到香港...向尖沙咀落船...

到左之後就先去先達...睇電話同埋衫...

哈...竟然有收穫...買左兩件衫...其中一件就係我當晚著住既高達...

買完衫就梗係打電話啦...打左比娜姐...超人大哥...假面大哥...丫烏哥哥...kit sir...仲有東兄...

不過只得頭兩位接電話...後四位無接到...

 

行完後都成點鐘...於是就去睇馬榮成既展覽...

都有唔少野睇...

行完喇...咦...咁啱路經一間書店...

好...入去睇下有無乜好特別既書先...

哇哈哈...竟然比我搵到一本...香港玩具誌?!?!?!

即刻諗都唔諗...買左佢先...

仲有折頭...實在太好喇...

如果向澳門...肯定會向原價上加多一兩蚊...

 

買完書喇...跟住點???下一個帖再講...

TOP

買左書...行完展覽...

由於同娜姐比較近...

所以就打電話比佢約會喇...

(地下鐵碰著她... )

 

由於人生路不熟...

唯有企定定等啦...

終於等到娜姐出現喇...

因為大家都肚餓就去食d野先...

食完就出發去銅鑼灣...

 

向出發銅鑼灣時...

行過灣仔188...

上去睇下有無好野先...

結果娜姐有收穫...唔怪得娜姐話...

千萬唔好行188...會破產架...

咦...我地都見到有隻鐵金剛...

既然我地無買禮物...

就決定一人一半買左佢...

用黎抽獎啦...

 

路經時代廣場...

當然要影下高達同渣古啦...

影到咁上下...

已經成七點幾...

快快腳即刻向住老餅飯堂出發喇...

 

搭lift上到去...入去見到個知客...

"我地係老餅..."<---自認老餅...

但未講完...知客就帶路...

好明顯已經熟哂架步...

 

當我同娜姐正要開門既時候...

唔知會見到乜野呢???

下個帖再講...

TOP

當我同娜姐一推開門...

嘩...超級熱鬧...已經有唔少老餅到左...

見到好多我未見過既面孔...

一部份係向我隱居後新加入既會員啦...

一部份係向論壇內識左好耐但就第一次向聚會上見面...

仲有d係好耐之前見過...但已經唔記得係乜水...

見到咁多位好耐無見既老餅...當然好感動啦...

梗係要同咁多位老餅寒喧下...互相認識下先啦...

 

有d真係太耐無見...

耐到都唔記得係乜水...

除左成日食飯個幾位...

同埋比較易認既$$大隊長...ahming...虎榮兄...

其他都唔太記得...連CKCK sir都唔記得左...

CKCK sir...我地見過架喇...

好在有name tag...

方便大家認人...

搞到我全晚都做一個動作...

望實人地心口...個張name tag...

好在唔係女仔啫...

 

今次列席既一眾老餅...包括...(有d唔記得...超人大哥你快d出返張list比我呀... )

wwl36...kkleung...超人大哥...adam兄...虎榮兄...Wildman兄...丫烏哥哥...東兄...娜姐...CKCK sir...明仔...吉吉...$$大隊長...ahming...anison...tip兄...ddmmyy...歌唱魂...ultra2020...萊茵哈特...Metalelvis...Ron @ Top-Fire...mario...louis...Bobby仔...itisboring...

暫時咁多...

 

原先假面大哥會出席...但有事無法趕到...

唯有下次補返...

 

開飯之前...見到有好多野食向枱...

有水泡餅...有花生...仲有好多小零食...

不過因為行到攰...所以無乜點食...

行去業務區個邊...有唔少禮物向枱面喎...

作為版主既我...作為老餅一份子既我...

當然要出下力幫下手...執頭執尾...

原來個晚每位老餅都要出問題...

用黎做抽獎之用...

好啦...於是我又出左幾條咁啦... 希望唔好難到一班老餅...

 

時間一分一秒咁過...

到左七點半喇...

週年慶都差唔多開始喇...

咁跟住落黎發生乜野事???

又下個帖再講...

TOP

向開始之前...

我地有搞手kkleung兄...虎榮兄同adam兄...仲有超人大哥負責...

睇見佢地幾位咁仆心仆命去為老餅...

真係難得...

仲有梗係唔少得為我地同皇上以及四哥...

鋪橋搭路...穿針引線既wwl36兄啦...

同埋當晚負責將各位老餅既雄姿攝入鏡頭既兩位攝影師東兄同ron兄...

 

大家埋枱既時候...電視上就播放住一齣齣我地既童年回憶...

好似鐵甲萬能俠啦...水木一郎既歌啦...(雖然講起黎我仲未出世... )

睇到個個熱血沸騰...

再黎大合唱...

 

終於...週年慶開始喇...

kkleung兄就負責今年既主持人...

少不免要發表大會感謝辭啦...(呢個留返比有list既kkleung兄喇...)

講完之後...就梗係要同皇上祝壽啦...

仲有四哥都要發表講話噃...

不過可能四哥同皇上都訓緊覺...唔知醒...

好在超人大哥佢地一早就錄低左皇上同四哥既video...

向慶典上播出黎...

再見皇上當然開心...最開心既係又見四哥既英仔樣...

可惜唔係真人...無計...微臣仲打算進貢架嘛...

放心啦...皇上...就算你無法出席...

我都相信你個晚係同我地一齊既...精神長存!!!

 

好喇...菜式上枱喇...

食左兩三道...

又到抽獎時間喇...

一抽到就要答問題...

有d問題真係比較難...有d就比較簡單...

亦有新餅問題...搞到有d老餅唔係太識答...

好在大致上都皆大歡喜啦...人人有份...

 

跟住又上菜...

食食下又抽獎...

抽到差唔多尾聲...

終於抽中我喇...

kkleung兄邀請我講幾句喎...

好啦...等我整理下先...

咳咳...!!!

TOP

引用:
原帖由 聰洛多薩比 於 23-9-2013 15:56 發表 向開始之前... 我地有搞手kkleung兄...虎榮兄同adam兄...仲有超人大哥負責... 睇見佢地幾位咁仆心仆命去為老餅... 真係難得... 仲有梗係唔少得為我地同皇上以及四哥... 鋪橋搭路...穿針引線既wwl36兄啦... 同 ...
多謝現場報告,令我有如身在其中.

TOP

引用:
原帖由 聰洛多薩比 於 23-9-2013 15:56 發表 向開始之前... 我地有搞手kkleung兄...虎榮兄同adam兄...仲有超人大哥負責... 睇見佢地幾位咁仆心仆命去為老餅... 真係難得... 仲有梗係唔少得為我地同皇上以及四哥... 鋪橋搭路...穿針引線既wwl36兄啦... 同 ...
精彩!!

TOP

話說上次講到...

抽獎終於抽中左我...

我就上台受靶...... 呀...係...上台受獎...

答問題之前...我就發表左一堆廢話...

現在就講多一次啦...(紅色為當晚內容...不過有d唔係太記得...唔好見怪...藍字為當晚無講但要講既內容...)

 

大家好...首先要祝老餅生日快樂...

同埋祝各位老餅身體健康...心想事成...一帆風順........... (東成西就...橫財就手...出入平安...萬事如意...生意興隆...)

今晚好高興參加七週年...唔經唔覺就已經七週年喇...

早排有段時間神隱左...因為有好多野忙啦...(不過個心同精神依然同老餅長存...)

好高興由澳門過黎參加聚會...

我要多謝一眾老餅搞手...搞個咁有意思既聚會...

仲要多謝皇上提供一個咁好既平台比我地一班人可以聚首...(吾皇萬歲萬歲萬萬歲... )

向平台上面分享我地既回憶同興趣...

我認為老餅唔係一種身份...而係一種回憶...一種體驗...

向咁多在場既朋友當中應該二字頭既得我一個...

但好開心大家都無嫌棄我...(所以我覺得老餅係無階級...國界同埋身份之分...)

今日就見到好多新面孔...有唔少人都未見過...(咁都好高興咁認識到大家...)

好多舊人都唔見左...(人有離離合合...)

但唔緊要...最緊要係我地大家依然都向老餅度一齊聚首...

我覺得世界之大...我地能夠向老餅上相識係一種緣份...(我地應該珍惜呢種緣份...)

希望日後可以有更多人上黎老餅分享回憶同興趣...

多謝大家...

 

講到呢度...

我怕語無倫次...所以都係快快手講哂佢...

因為手震口震...

好喇...一抽...抽中左條問題...

應該唔難..."馬沙向0079最後揸既機體係乜..."

答中左就抽左部車仔...

 

抽到尾聲喇...仲有我同娜姐贊助既鐵金剛同999大人既越洋大獎未抽...

仲有糖水...飯面未食...大家食埋先再講...

TOP

終於都抽哂獎食哂飯喇...

由於有幾位老餅趕時間...

咁無計啦...想大合照都趕唔切...

尤其是係丫烏哥哥...

你知我特別掛住你架嘛...

於是只好向你臨走之前比d澳門既小食過你...

 

係時候一齊切蛋糕...

好似有唱生日歌................嘛??? <---痴呆症又發作...

食埋蛋糕...

係時候攞出我向澳門買既小小手信同大家分享...

有潘榮記既金錢餅...

有咀香園既杏仁餅...

同埋冠環球既豬肉乾同牛肉乾...

呢幾間都比較推薦大家去買...

雖然水準下滑...不過尚可接受...

 

向大家都飲飽食醉之後...

就黎一張大合照...

好難得竟然有得坐...

仲要係坐中間...

想當初皇上先有資格坐中間...

跟住我地一班版主就比人擺哂上...櫈...

不過諗落...東兄...d相同片好似未有喎...

快快手放上cloud度比我地收藏下好喎...

 

好開心...時間過得真係快...

又係時候講byebye...

大家就散水...就有幾位人留向度執哂d手尾...

之後就離開喇...

大家再聯絡啦...

 

呢度要多謝TIP兄...車我去碼頭...

真係唔該哂...

搭船返澳門囉...

 

報告完畢...

TOP

引用:
原帖由 聰洛多薩比 於 26-9-2013 17:15 發表 終於都抽哂獎食哂飯喇... 由於有幾位老餅趕時間... 咁無計啦...想大合照都趕唔切... 尤其是係丫烏哥哥... 你知我特別掛住你架嘛... 於是只好向你臨走之前比d澳門既小食過你...   係時候一齊切蛋糕... ...
感謝聰兄的飯後感!!

TOP

引用:
原帖由 聰洛多薩比 於 26-9-2013 17:15 發表 終於都抽哂獎食哂飯喇... 由於有幾位老餅趕時間... 咁無計啦...想大合照都趕唔切... 尤其係時候一齊切蛋糕... ...

有唱生日歌ga~... 重順便同娜姐慶祝生日埋tim~!


感謝 bro mythz 為我整這個印章
thank you so much!!

TOP

引用:
原帖由 超人兄弟 於 28-9-2013 13:24 發表 有唱生日歌ga~... 重順便同娜姐慶祝生日埋tim~!

係喎...

唔記得左添...

TOP

謝謝Pizza弟弟儭埏伈孎i~

TOP

引用:
原帖由 聰洛多薩比 於 25-9-2013 18:06 發表 話說上次講到... 抽獎終於抽中左我... 我就上台受靶...... 呀...係...上台受獎... 答問題之前...我就發表左一堆廢話... 現在就講多一次啦...(紅色為當晚內容...不過有d唔係太記得...唔好見怪...藍字為當晚無講 ...

「向咁多在場既朋友當中應該二字頭既得我一個」

你加入鬫捋皞籉6年,都仲係二字頭,咁你當年咪真係得18、22?

真係無叫錯你做Pizza弟弟!

TOP

引用:
原帖由 Potato 於 1-10-2013 00:32 發表 「向咁多在場既朋友當中應該二字頭既得我一個」你加入鬫捋皞籉6年,都仲係二字頭,咁你當年咪真係得18、22? 真係無叫錯你做Pizza弟弟!

想當年同薯兄第一次見面...

個時都仲係二字頭...

而家都係二字頭...

無呃你架...

只不過係二字頭定係二字尾啫...

TOP

 50 123
發新話題