引用:
原帖由 WK1959 於 20-9-2011 07:49 發表 
**但係如果涉及侮辱甚至誹謗性嘅言論與字眼則不可接受, 希望各位對樓主與藝人能夠保持最基本嘅尊重, 維護餅壇一貫優良嘅討論風氣, 在下先向各位餅友謝過!!!**請尊重白光小姐同佢嘅粉絲朋友.
你抄漏咗呢句:「對於歌手嘅歌藝作正面或負面嘅理性點評絕對冇問題」
評論歌藝唔算侮辱或者誹謗, 白光嘅歌唱技巧本來就唔多掂, 學 blues 腔學到唔湯唔水, 「pair」音多、一唱低音發聲位置就跌落喉嚨, 以聲樂標準佢唔合格, 佢紅係因為歌作得好, 兼且佢生得幾靚, 走性感路線, 仲要喺日本侵華期間同李香蘭等人合唱過軍國主義宣傳歌曲, 所以上到位, 張玉霞不論用氣、咬字、震音都好過白光好多, 如果你唔認同我嘅評論, 歡迎發表閣下嘅高見, 白光嘅歌藝喺邊方面勝過張玉霞。
