羅德島傳說

相比之下，看過羅德島戰記的人應該比較多，不知有沒有人看過羅德島傳說？這裡指的都是小說版。

我超like，在我心目中羅德島傳說是最好看的奇幻小說，真的後悔幾年前在台北沒有買下來，現在去台北都難找到了。

羅德島傳說是不錯, 不過有很多其他類形的奇幻小說亦相當好看! 你可否分享吓你看過那些書目呢?

唉，我也不知自己為何好似冇咩看過奇幻小說...？其實我好鍾意架.... 將喜歡rpg的情意結投放在奇幻小說裡嘛。

唉，我想我其實應該係好鍾意好鍾意奇幻小說的，因為我太喜歡rpg了，哈~

所以就等大家分享有什麼好看的奇幻小說了。

如果英文能力夠既話，誠意推薦Dragonlance系列，台譯龍槍編年史，但個人認為翻譯得很差，原版好睇好多。

你咁鐘意RPG, 咁有冇聽過柏德之門?

我都覺得譯得麻麻地!

講開奇幻書目, 除左Dragonlance系列, 下面呢幾套書, 唔知大家又睇左幾多?

1. Harry Potter (哈利波特)
2. The Wheel of Time (時間之輪)- Robert Jordan 死唔短氣之作! 因為太好賣, 所以唔完得!
3. Lord of the Rings (魔戒)
4. Dark Elf Trilogy (黑暗精靈三步曲) (Drizzi Do'Urden - 催斯坦在奇幻世界裡頭, 是頂頂大名的! )
5. 韓國的龍族系列
6. 日本菊池秀行的Vampire Hunter D 系列
7. 地海系列

講到死唔斷氣，Dark Elf Trilogy 由89年開始，到今時今日都19本啦，完咗Transition Series，新世代又嚟，主角先得過百鬆D歲，長玩長有。

黑暗精靈麻! 動輒過千歳啦! 出一百個series都得!   後面d唔講, 不過我覺得三部曲真系唔錯!  其實當作者發現左過金礦又或者一隻會生金蛋o既鵝, 又點會咁容易放棄,  所以我都好配服羅霖會咁快完左harry potter佢!

老實講，Harry Potter係班鬼仔先咁催捧啫，我地班老餅食日本動漫大既，羅霖D咁既橋，老掉大牙：

秘密身細男主角，身上有奇怪特徵......

父母比對頭隊冧，對頭係貫穿全故事既大魔王......

身邊有二、三堅貞不二既好友......

總有一個勁人係同自己父母好大關係，之後會搵自己......

呢個勁人重要多數比敵幹部收工......

你話嘞，有乜咁特別，見好就收，佢醒目啫。

要做到見好收, 尋求突破唔容易架, 都要好有勇氣先得, 話晒放棄棵搖錢樹, 唔系個個話得出, 做得到架禾! 錢邊個會嫌多!

以書論書, 若果俾我選擇, 可能我都會首選龍槍,Lord of the Rings及中國o既蜀山! 不過, 我覺得harry potter套書都有佢o既地位同貢獻! 雖然呢本書對我地部份老餅黎講, 可能重系流於兒童化, 都系老掉牙的橋段, 但只要包裝得好, 睇o既人開心就足夠! 起碼好多以前唔鐘意, 甚至唔認識奇幻書類的朋友, 都會因為這套書去接觸呢類書, 睇得多, 讀者自然會找到自己口味, 同識分少少邊d好邊d唔好! 如果不是這套書掀起奇幻熱潮, 我地都未必會有魔戒三部曲等電影睇呢!

沒聽過呀~

講起rpg，有關這方面我的心願是：

1. 重玩超任rpg romancing saga 2，重頭玩過好多次都從未爆機

2. 重玩pc rpg英雄傳說6空之軌跡FC & SC，是人生必須玩的game!

3. 繼續寫我的rpg小說海之檻歌﹝我將此rpg寫成小說版﹞

睇嚟大家都係RPG發燒友喎，不幸地，Romancing Saga全都玩過，但總係爆唔到1。

英雄傳說我玩咗1,2，但無玩卡卡布三部曲，失敗......好在玩咗兩次FC & SC，點都會捧場玩埋3rd，但而家零之軌跡出咗，算唔算係7呢? 無PSP，無法，但我點都期望英7要出PC。

其他一定要玩既當然係Final Fantasy，雖然Final Has No More Fantasy啦，但4、6、8、10真係經典，尤其係6，真係FF最高作。

PC Engine既天外魔境正統系列，1、2及05年既3都係勁正。