81 12345
發新話題
打印

戲院回憶錄~

戲院回憶錄~

年少既最愛就係睇戲時口含香煙

等待文場時用"都彭"火機點煙,[叮................]

成場人都望過來,好有形!(少年時係咁覺得)

曾經.........."亞飛正傳"試過食左半包煙,因為套戲太靜同太悶.仲要無人睇,成間野得4個人睇

========================================

此外,逃學睇早場,有時睇咸片.

之後望下節目表(當時有早場節目表,揀定逃學日期再逃學)

=========================================

果時讀書時如果同女朋友(14-15歲,兩少無猜)一齊逃學,都會去睇戲,睇咩戲已經唔會再理會

但求可以摷..............

========================================

有一次,早十年左右,去佐敦大華睇一套西片,已經唔記得咩戲名

戲院個喇叭開得好大聲,套戲亦不斷有音樂出,之後下半段時個畫面講主角去救人,去到爛屋度,個畫面見主角慢慢行,慢慢行,不過就有少少女人聲[唔...唔....唔...唔....唔]

我心諗個配樂咁古怪既?唔通主角行入d見到女主角比壞人強緊?所以唔唔聲?

之後我女友拍我,示意我望向前一排右手邊最近牆的一對男女,原來女的已坐在男的上面抽搐

唔唔聲當然係佢女朋友發出架啦........

=========================================

有一次又係去佐敦大華睇戲,又係十年前左右

星期六既2:30左右

臨入去戲院前係a院度等,見到狄龍同佢老婆,

之後有個男人飲完罐可樂放在垃圾桶上,不過又跌左落地下,男人無理會去左洗水間

狄龍見到,走前幾步拾起來放進垃圾桶內

其實好少既一件事,不過我就覺得狄龍人品幾好囉

事後從電視,報刊再深入d睇狄龍,好多人都係話佢人品係幾好

起碼唔會一紅就驕果d

===========================================

曾經試過睇一套戲,全院得我同我阿婆兩個人

係秀x坪既金x坪戲院,睇富貴列車,好舒服

大約係新年既年衫三左右

=============================================

第一套入戲院睇既西片係鐵甲威龍第一集

==============================================

第一套睇完覺好成對眼都濕既係阿郎的故事

===========================================

第一套入去睇左2次既戲係賭聖

==============================================

第一次入戲院睇既卡通片係七彩老夫子

==============================================

第一次睇既三級片係人肉x燒包

===============================================

TOP

引用:
原帖由 akaichoi 於 7-3-2008 12:23 發表 年少既最愛就係睇戲時口含香煙   等待文場時用"都彭"火機點煙,[叮................]   成場人都望過來,好有形!(少年時係咁覺得)   曾經.........."亞飛正傳"試過食左半包煙,因為套戲太靜同 ...

 

第一套自己入戲院睇既. . .係 "歡樂神仙窩" ~ 石天

Coffee
http://hk.myblog.yahoo.com/maxwu9

TOP

灣仔麗都戲院, 早場睇卡通片, 而銅鑼灣嚜巡媕萼|, 做過好多歐洲成人片, 最記得有一位主角叫蘭度布山卡, 唔.....大概1977或1976  

TOP

第一套睇0既..唔記得個名........ ,科幻  有隻獨眼巨人 好 好驚

第一套自己去睇係" 大煞星與小妹頭"  西灣河 金明 $2.50

 

TOP

引用:
原帖由 akaichoi 於 7-3-2008 12:23 發表

此外,逃學睇早場,有時睇咸片.

之後望下節目表(當時有早場節目表,揀定逃學日期再逃學)

 

深表認同

 

引用:
原帖由 akaichoi 於 7-3-2008 12:23 發表

有一次又係去佐敦大華睇戲,又係十年前左右

星期六既2:30左右

臨入去戲院前係a院度等,見到狄龍同佢老婆,

之後有個男人飲完罐可樂放在垃圾桶上,不過又跌左落地下,男人無理會去左洗水間

狄龍見到,走前幾步拾起來放進垃圾桶內

其實好少既一件事,不過我就覺得狄龍人品幾好囉

事後從電視,報刊再深入d睇狄龍,好多人都係話佢人品係幾好

起碼唔會一紅就驕果d

 

 

這叫品格高尚  

TOP

真係有好多奇遇咁喎...

我好少向戲院睇戲...

第一次睇戲都係七八歲個時...

唔記睇乜囉...

我對上一次係睇蜘蛛俠三囉...

特攝之家重開了!!!
歡迎各位參觀: 特攝之家

TOP

引用:
原帖由 聰洛多薩比 於 25-6-2008 00:17 發表 真係有好多奇遇咁喎... 我好少向戲院睇戲... 第一次睇戲都係七八歲個時... 唔記睇乜囉... 我對上一次係睇蜘蛛俠三囉...

 

真係唔記得最後在戲院睇過邊套戲,記憶太模糊

自從

純睇戲的戲院摺晒之後,如鷹君影藝/銅鑼灣碧麗宮,剩番D迷你影院;

全港戲院禁煙後而一樣有人照食(我係煙剷都接受不了);

手提電話盛行+弱聽者又要睇戲又要傾電話;

DVD平民化 etc 

 

 

TOP

而家果d迷你戲院睇戲無feel !
even全場笑曬都無以前個種氣勢, 仲要奉送d sms聲同真人電話講劇情! 真係吹漲~
我perfer慳番兩條野, 走番去美孚影都, 觀塘銀都, 旺角豪華度睇, 一來平, 二來靜, 三來可以懷念下以前

TOP

時為1980年,荃灣蘭宫戲院,細佬單拖睇早埸,片名『飛天超人』亦即泰國超人白猿哈曼,票價1元不設劃位、冇冷氣,周時有隻貓喺腳邊擦身而過,天花版仲時時滴水。

TOP

戲院回憶錄的確好多嘢寫:

 

我係高佬,當然鍾意戲院每行之座位距離遠些,唔會頂腳!

 

北京道之「新聲」、佐敦道之「大華」、彌敦道/亞皆老街口之「百老匯」、奶路臣街之「百樂門」等都係出名坐距窄的。

 

後期當然最正係銅鑼灣的「碧麗宮」!

 

但早在三十年前,最寬闊就係彌敦道/金巴利道口之「樂宮戲院」,戲院又大及座位又多,樓上有超等、特等,樓下則有前座、中座及後座;冷氣又充足,更陸錄上演最好及大製作之西片。

其中最令我回味的有:

南斯拉夫製作的 "Suleiman the Conqueror",

西部名片 "Law of the Lawless" (由地路羅拔臣主演),

六三三敢死隊、錦繡山河烈士血、烽火山河、霸海奪金鐘、決死雄師、Kings of the Sun 等等。

TOP

睇戲最討厭係睇4:00特別場,

佢哋為趕5點半嗰埸,人未入埸就開映,

又較快格,戲入面啲人變晒卡通聲,

最賤就係成日偷片,上下唔連貫,

睇到你一頭霧水..............

TOP

講到睇戲,真係令人滿是感觸。

先講戲票,從前的票是由人手畫位的,用的是紅色或藍色的顏色筆(很粗的,外表似鉛筆,寫出來的字却似蠟筆字)。我仲保留左二十多張,各位大大有興趣的話不妨回覆一下,我就SCAN幾張比大家過過目。

  我自己第一次一個人去睇戲是在八二年,看的是一齣西片,片名叫「烈火戰車」。當年這齙電影得了奧斯卡的最佳電影奬。自此之後便習慣了獨個兒一支公去睇戲。(當然間中也會和朋友或家人一起看)fficeffice" />

  當中令我領略到一個人睇的好處,第一,可以即興話睇,唔使約嚟約去,左就右就。第二,唔使做解畫佬,浪費口水。第三,若套戲唔掂,大可大睡一場或拂袖而去,唔使理其他人反應。

  同一齣戲自己翻睇次數多的紀錄是三次。那是譚詠麟、林青霞的「君子好逑」。第一次是自己睇,第二、三次分別同兩班朋友睇。當時其實唔想再睇,無奈朋友都未看過,又想看,我唔想離群,所以被逼一看再看三看。唉!

  在我認識的朋友中,同一齣戲翻睇次數最多的(以正場買票入座計算,重映、電視播不計),是七次。齣戲是周潤發、狄龍、張國榮那套「英雄本色」。我地當佢黐左線。佢差不多背熟晒所有對白咁滯。

  又試過睇戲買錯票。當時和朋友一起睇,買飛時無留意,原本想睇的那齣剛落了畫,入場後覺得有點奇怪,看到放着的「預告片」很長,足有十分鐘,而且交代了很多細節,不太像預告。直到有一位朋友忍不住說:「係咪買錯飛?」大家才開始察覺。雖然已經證實,但已付了錢,無奈地一直睇到完場。完場後負責買飛的我自必然遭受前所未有的大刑罸。當日原本想睇的是「暴走列車」,後來被逼看了的是「夜半仔敲門」,這齙戲的主角是當時一齣叫「飛天紅中俠」的電視配音片集的男主角,唔知大家有冇印象?地點是當時全港最大的戲院──麗宮。

  一直以來,沒什麼機會看午夜場,印象中只有一次,那次是和弟弟去看的,是重映的李小龍的「龍爭虎鬥」。看完時感覺很不舒服,所以此後再提不起興趣。

而那間戲院在不久後也執笠了,那間戲院叫「葵芳戲院」。

  看過的電影很多,但最有「罪疚感」的是一齣大陸的電影,叫「一塊銅錢」。還記得是老豆帶我去看的,地點是南華戲院,五點場。令我感罪疚的是那陣子家堛爾g濟環境很差,飯也幾乎沒得吃,可是老豆竟花錢去看戲,還叫我不要告訴媽。回到家己見媽下了班,在廚房造飯,面色黑得很……

在我們小時候,幾兄弟因常生爭執,所以關係並不好,可以用完全無偈傾來形容(原來很多朋友也一樣,或許這是香港青少年的一大特色吧)。後來,到了我讀預科的日子,家中的氣氛緩和多了。曾是我最痛恨的大哥(因為每逢打架總是輸給他)約我一起看戲,於是找了一天待他下班去看,看的是一齣台灣片,叫「童年往事」地點是在灣仔,戲院在影藝附近,不記得叫什麼,只知它放映比較藝術,很快就摺埋。

 

(待續)

TOP

引用:
原帖由 africanmonks 於 20-3-2010 23:12 發表 講到睇戲,真係令人滿是感觸。先講戲票,從前的票是由人手畫位的,用的是紅色或藍色的顏色筆(很粗的,外表似鉛筆,寫出來的字却似蠟筆字)。我仲保留左二十多張,各位大大有興趣的話不妨回覆一下,我就Scan ...
好o牙~我第一個報名有興趣! thanks!

感謝 bro mythz 為我整這個印章
thank you so much!!

TOP

引用:
原帖由 超人兄弟 於 22-3-2010 22:19 發表 好o牙~我第一個報名有興趣! thanks!

 

有超兄出....點可以唔跟...何況有好野睇.


我們要把歷史留給下一代不是仇恨, 但不能讓步於不合理之下

TOP

引用:
原帖由 foureyesfatboy 於 23-3-2010 19:38 發表   有超兄出....點可以唔跟...何況有好野睇.
醒目仔的四眼肥哥!

感謝 bro mythz 為我整這個印章
thank you so much!!

TOP

引用:
原帖由 akaichoi 於 7-3-2008 12:23 發表 年少既最愛就係睇戲時口含香煙 等待文場時用"都彭"火機點煙,[叮................] 成場人都望過來,好有形!(少年時係咁覺得) 曾經.........."亞飛正傳"試過食左半包煙,因為套戲太靜同太悶.仲要無人睇,成間 ... 右手邊最近牆的一對男女,原來女的已坐在男的上面抽搐

 

 

TOP

引用:
原帖由 ar_woo 於 24-3-2010 00:26 發表       
o吾知係咪睇緊 '情不自禁 ' 套戲o尼??

感謝 bro mythz 為我整這個印章
thank you so much!!

TOP

讀中學時有次一枝公落荃灣『大光明戲院』早場睇豉油片
散場原來後面跟住嘅係體育阿sir
嚇到我雞咁腳走
阿sir原來教體育得閒都喜歡上吓生理堂

TOP

引用:
原帖由 011072 於 30-8-2010 01:27 發表 讀中學時有次一枝公落荃灣『大光明戲院』早場睇豉油片散場原來後面跟住嘅係體育阿sir嚇到我雞咁腳走阿sir原來教體育得閒都喜歡上吓生理堂
哈哈,您令我想起我班同學經過銅鑼灣新都戲院,見到阿sir排隊買飛睇早場,其中一個想衝前叫佢,另一個拉住,話等阿sir買咗飛先叫,依家叫佢實唔認;最後阿sir買左飛,成班人衝前踏佢膊頭話:阿sir,睇早場呀!
返到學校仲大唱

TOP

引用:
原帖由 actionkamen 於 30-8-2010 16:54 發表 哈哈,您令我想起我班同學經過銅鑼灣新都戲院,見到阿sir排隊買飛睇早場,其中一個想衝前叫佢,另一個拉住,話等阿sir買咗飛先叫,依家叫佢實唔認;最後阿sir買左飛,成班人衝前踏佢膊頭話:阿sir,睇早場呀! ...

80年代中期,好像已沒有(另類)早場 ~ ?

TOP

 81 12345
發新話題