梁天

cmlwts

版主

Rank: 7 Rank: 7 Rank: 7

1^# 大中小發表於 2-12-2008 16:05 只看該作者

梁天

http://hk.youtube.com/watch?v=8M4SLvfD_x8

TOP

白鳥

HyoGa

禁止訪問

紅鋼聖鬥士

2^# 大中小發表於 27-8-2012 13:04 只看該作者

梁天話當年

都是那些年：梁天巨星伯樂

天叔年屆80，但依然十分精神，談起過去演藝生涯，更滔滔不絕。攝影：陳俊強

80歲的梁天是第一代電視小生，也是編導、監製。71年，天叔有感無綫鬧小生花旦荒，於是提議舉辦藝員訓練班培育人才，結果成功打造出周潤發、梁朝偉、劉德華等巨星。天叔還表示當年為讓發仔多賺外快，所以頻頻安排他在《民間傳奇》做衙差、家丁等行行企企角色。　撰文：戴彩煥

梁天十來歲開始在青年會劇藝社演話劇，適逢一社員的同學鍾景輝在無綫發展戲劇，需要大批演藝人才，天叔獲邀試鏡，結果一試即合，開始了天叔幾十年演藝生涯。
1968年馮淬帆與黃淑儀主演的《夢斷情天》是天叔首部演出劇集，當年電視劇製作十分簡單，但認真程度比今日有過之而無不及，天叔說：「嗰陣時一早有晒劇本，大家要提早一日返去排戲，通常禮拜日排，星期一拍，做一集出一集錢，當年我人工幾十蚊。拍劇冇外景，全部廠，因為外景組未成立，錄影就當話劇做，一take過，真係NG時就搵番NG個位緊接錄落去，錄音師現場播音樂，一錄完就即刻可以出街。最初drama發展唔係咁成熟，電視劇一個星期只得一集半小時，後來《夢斷情天》一出好收得，永安百貨睇中咗要買呢個節目，但要播足五日，所以最後改為每集15分鐘，叫做永安劇場。」

無綫第一期訓練班學員，你認得多少？

71年的《冷暖親情》梁天與秋官有不少對手戲。

當年廠景矜貴

今時今日藝員經常遲到「冧廠」，但當年電視劇廠景極度矜貴，天叔指演員實在遲不得：「成個電視台得三個廠，大廠下晝一點之後要留畀《歡樂今宵》，所以拍劇只有朝早拍，到中午12點就要拿拿淋交廠。」
天叔表示，當年電視小生花旦甚至閒角也寥寥可數，甚至沒有額外制作費請臨記，所以他便向鍾景輝提議舉辦藝員訓練班招募人材：「嗰陣我哋冇乜演員，《EYT》啲人又唔郁得，成日要上去求蔡和平（《EYT》話事人）借人，所以我就同無綫提議搞番個訓練班。1971年無綫開訓練班，由陳有后打理，第一期我冇教，因為我都好忙，又做演員又做導演，又拍電影又做《EYT》，後來黃錫照過麗的（亞視前身），鍾景輝過去幫手搵埋我，我先至教麗的藝訓班。」影帝黃秋生、何家勁和陳秀雯等也是天叔學生，而無綫訓練班出身的周潤發、劉德華和梁朝偉等今日能夠成為天王巨星，天叔應記一功。

周潤發74年在梁天編導的《烏龍劍客》中做咖喱啡。

梁天75年到圓玄學院拍《清宮殘夢》外景時萬人空巷。

發仔討人歡喜

70年代《秋海棠》、《楊乃武與小白菜》、《清宮殘夢》和《梁天來》都是天叔代表作，而他任編導的《民間傳奇》更是家傳戶曉。事實上，今日演藝巨星或名導演，也曾是《民間傳奇》常客，如周潤發、杜琪峯和林嶺東等，全都也試過扮家丁、店小二和衙差。天叔笑言：「《民間傳奇》有好多都係我拍，嗰時唔夠演員，所以搵好多訓練班同學去做，呢套劇可以話係電視演員嘅搖籃。尤其佢哋啱啱入電視台人工好低，我哋就畀佢哋做衙差呢啲小角色，等佢哋搵多少少錢，周潤發當年住南丫島，拍得夜冇船返屋企，我咪索性畀佢接多啲通告，等佢收工喺公司瞓。發仔好乖好討人喜歡，我哋個個都好鍾意用佢。」

梁天與殷巧兒合演《楊乃武與小白菜》。

《清宮殘夢》李蓮英一角，令人記憶猶新。

錯過結婚時機

今時今日電視演員幾乎都是選港姐或港男出身，天叔慨嘆他們欠缺演員基本訓練：「所以呢10年能夠出到嚟嘅演員唔多，冇一個系統去訓練，觀眾習慣咗，咪唔識去要求囉。」
淡出多年的天叔，較近期作品是《桃姐》，他飾演性格腌尖的老人院院友，戲份雖然不多，但已叫人留下深刻印象，天叔說：「自從年幾前做過通波仔手術之後就唔想做，但搵到我，百份之八十我都會應承。」天叔閒時愛上網打麻雀及煲DVD，好奇問天叔何以多年仍是獨身，他笑說：「我最啱結婚係自己最忙嘅時間，冇時間拍拖，加上遇過挫折，所以拖吓拖吓𠵱家一個人。」

引自蘋果日報, 21 AUG 2012

http://hk.apple.nextmedia.com/entertainment/art/20120827/18001224

白鳥居

news://news.wonderfuland.net/wonderful.talk.anime

食住曲奇, 傾下老餅嘢

TOP

WK1959

金牌餅迷

Rank: 6 Rank: 6

3^# 大中小發表於 25-12-2012 09:22 只看該作者

aTV《亞視百人》梁天

TOP

‹‹ 上一主題 | 下一主題 ››