求粵語長片霸王雞乸DVD

DVD好似無出過, VCD早幾日在銅鑼灣(wide sight) 就見過! 即銅鑼灣廣場附近, 義順牛奶隔離果間!

好想重看鄧光榮的[黃衫客] , 又唔出碟

系, 鄧碧雲分飾佢阿媽同家姐!

開頭譚蘭卿無仔生. 老爺好似係歐陽儉. 娶了鄧碧雲, 之後生了一女一子. 生了之後被逐, 做乞衣, 無法同子女相認, 仔女唔知親生老母係鄧碧雲, 雖亦孝順譚, 但係無阿媽管教自然係刁蠻任性多... .... 大户人家又重男輕女, 細佬性格更係貴公子本色, 記得阿女除對大媽之外, 對他人反而較温馴. 有一次羅劍朗派飯俾生母鄧碧雲時, 鄧咳咗啖血落佢度, 差啲想打人. 仲駡阿媽係"賤種"--  自命貴種... 好在有知情人調停和解, 否則搞出人命.  二奶鄧碧雲在多年後含屈而終,  之後, 再有道義管家, 道出真相. 阿仔高中狀元, 姐弟為阿媽 , 討回公道, 在鄉紳面前, 取回名份. 風光大葬. 更要譚蘭卿跪地認錯. 當年睇過兩三次啦 .

少少補充!

開頭譚蘭卿無仔生. 老爺好似係歐陽儉. 娶了鄧碧雲(臘笪妹), 之後生了一女一子. 佢驚佢母憑子貴, 威脅自己, 於是想毒死佢, 佢個培嫁妹仔(李鳳聲)因不穏落手遭受責難, 最後雙方講數, 妾士為保子女將來前程, 自願離開, 但准每年生日之期歸來在遠處望一眼, 但不准相認, 之後一直做乞衣, 仔女唔知親生老母係鄧碧雲, 雖亦孝順譚, 但係無阿媽管教自然係刁蠻任性多... .... 大户人家又重男輕女, 細佬性格更係貴公子本色, 記得阿女除對大媽之外, 對他人反而較温馴. 有一次羅劍朗派飯俾生母鄧碧雲時, 鄧咳咗啖血落佢度, 差啲想打人. 仲駡阿媽係"賤種"--  自命貴種... 好在有知情人調停和解, 否則搞出人命. 後來臘笪妹為生計與人夾計在廟中扮菩薩, 被識穿拉去公堂審問, 審佢果個就系佢個仔, 在場鄉親父老, 包括佢老逗因脅於大婆威勢, 不敢講出真相, 後來培嫁妹仔見二奶公堂上吐血暈倒, 抵吾住頸講晒所有實情出來, 但二奶鄧碧雲最終還是含屈而終, 阿仔因高中狀元, 姐弟為阿媽 , 討回公道, 在鄉紳面前, 取回名份. 更要譚蘭卿在她靈前跪地認錯, 但由於是妾士身份, 死後不得風光大葬, 棺木還要在祠堂側門出, 個仔唔肯, 問如果系佢死又點樣? 鄉親話佢系狀元爺, 當然系風光大葬! 於是個仔就瞓上棺面, 話當佢死左咁做, 最後連祠堂大門都拆埋, 先可以俾佢阿媽風光大葬!  

無線經典台下星期日早上六時咪做[霸王雞乸]囉, 可惜我無經典台

12.16(日) 06:00AM 戲說人生 -霸王雞乸

http://programme.tvb.com/tvbclassic